Jems 4:7 - MÖNÖ KÖMÖ

⁷ Makwam, God adö mɨdön, nuŋ rɨg yadmɨd mag akwör cöña. Kɨjaki nugwo yad wöhö rɨŋ, ñɨgö röböx diöna.

Jems 4:7 Iomraidhean Croise

Matiu 11:29

Nɨ nöbö höimölɨb wä mɨda tar mɨdla; ölɨsö rödöin; makwam, nɨ pöl höñ aku, mabö na rɨ nöiöña, höbwab rɨb madmag ñɨgö yuö kwo aŋöi nɨgöna.

Aposol 26:19

“Makwam Kiŋ Agripa. Nɨ rɨba nugwön nugumön, mögörɨb adöx yöd röul adö kau sebö hön yadöŋ mönö maga nugum aku röböxölɨm.

Aposol 9:6

Makwam nagö öbɨlön, Damaskas duön, nöbö i hön nagö mönö yajön akuyöbö nugwön rane,” röŋa.

Romans 10:3

“Krais wöröxöŋ aku, God anɨŋ, ‘Nöbö mö hölul mɨdöl nɨ,’ me cönɨŋö,” rön rɨb aku yöx nugwöyɨx aku, jɨ adaku rɨbyöx nugw ri abölöi. Rɨb mag ñɨŋa keir adakwör yöx nugwön yadmä, “Lo adaku rɨŋ dumɨjön aku, nöbö mö wä nuŋwa mɨjnɨŋö,” rɨmä. Makwam, lo mönö adaku mai dinɨŋö, rön, rɨp duön pɨn bɨrmä.

Romans 14:11

Aisaia God Mönö rɨb mɨŋi kai kɨtön yadöŋa, “Nöbö Diba yada, ‘Nɨ mɨ ödöriö yadmɨdla, mai nöbö mö bla magalɨg nɨ nugwön, möigw yöxön, höxmax yuön, “God nuŋ paŋyöbö Nöbö Diba mɨdö,” cöñɨŋö,’ rö,” röŋa.

Epesas 4:27

Nöi mɨjön aku, kɨjaki ñɨgö rɨb gwogwo nölaŋ, ap kib mag gwogwo rɨbä maga ra.

Epesas 5:21

Krais Nöbö Dib ana mɨdö, rɨmɨdöi aku mɨ, haul nöbö mölöu nöbö Krais nöbö mö nuŋwa mɨdöi piaku nuö nuö pɨ ri aböña. Haul nöbö mölöu nöbö i mönö bli yadmɨjön aku, mönö nuŋwa yöxöña.

Epesas 6:13

Makwam, ömdö wome ap God anɨŋ nölmɨd bla magalɨg pɨ röbön nɨg ri ab gɨ mɨdɨŋ mönö, kɨjaki nöbö mö mɨ rɨ gwogwam cön wop aku haŋ, mɨ ususör rön algör mɨdɨŋ, ap bli ñɨgö rɨb maga nɨgen.

Hibru 12:9

Acö ana mögörɨb il kɨyöbö, anɨŋ mönö nölmɨn, aliö alön mag wä rɨ ri aböiŋö, rön, nugwöla. Makwam mag aliö akuyöbö, Acö an adöx yöd röul adö kau sö mɨd aku anɨŋ mönö nölaŋ, aliö alön mag wä rɨ ri abö, rɨ rɨbyöx nugwön kömö mɨjnɨŋa.

1 Pita 2:13

Nöbö Diba nöbö mö nuŋwa mɨdöi aku mɨ, nöbö dib ñɨgö mögörɨb il kɨ nugwidɨx mɨdöi bla rɨg yajöñ mag akwör cöña. Kiŋ nöbö dib ödöriö mɨd aku mɨ, mönö nuŋwa yöxön, nöbö nuŋwa yad abmɨn hön ñɨgö nugwidɨx mɨdöi bla mönö ñɨŋa magalɨg yöxön diöña. Nöbö dib piaku, nöbö mö rɨ ri ab gɨ mɨjöñ akuyöbö ñɨgö pɨ ri ab gɨ mɨjöña; jɨ nöbö mö rɨ gwogwam rɨmɨjöñ akuyöbö ñɨgö mönö diba yadön, ölɨŋ höb paiŋö pɨ nöiöña. Aku agapɨm: God nöbö piaku mabö aku rɨŋ, me rön, yad nɨgöŋa.

1 Pita 5:6

Makwam, God Nöbö ölɨsö keiryöbö aku nugwo nugwön anau pön, rɨg yadmɨd mag akwör cöña. Almɨjöñ aku, mai yad nɨgöŋ wop aku, nuŋ raŋ, ñɨŋ nöbö mö diba mɨjöña.