Jems 2:12 - MÖNÖ KÖMÖ

¹² Makwam, mönö yadɨba aimönö agö magɨm rɨba, rɨb mag i yöx nugwön yajöña, “God Mönö nöbö mö kömö pɨmɨd mönö wä akwör nugwön, God nuŋ anɨŋ mönö diba yajönɨŋö,” rön, rɨb aku yöx nugwöña.

Jems 2:12 Iomraidhean Croise

Luke 4:18

“Nöbö Dib aku nɨ, mabö na rane, rön, Inöm nuŋwa agal abmɨn nɨ pɨsaŋ mɨda. Makwam, nöbö mö lɨblɨb rɨ mɨdö bla ñɨgö mönö wä aku yad nölmön, nugw ri aböña. Kɨlabɨs nöbö mö röxg mɨdöi bla ñɨgö naga yau abmön, kömö diöña. Nöbö mö mämäg we röxg mɨdöi bla ñɨgö rɨmön, mämäga ix nugwöña. Nöbö mö rɨ öliöx mɨdöi bla ñɨgö pɨ ösös rɨmön, mɨd ri aböña.

John 8:32

Almɨjöñ aku, God nuŋ nöbö pödiöm mɨd aku nugwön, nag mabö röi mag aku röböxön, mɨd ri ab gɨ mɨjöñɨŋö,” röŋa.

Galesia 6:2

Nöbö mö ana bli ömörö pɨmɨdɨŋ, ñɨgö uliöxön nugwidɨx mɨdɨŋ, ñɨŋ mɨd ri abɨŋ. Akuyöbö aiöñ aku, Krais lo nuŋ rɨg yadmɨd mag akuyöbö cöña.

Pilipai 4:8

Haul nöbö mölöu nöbö. Nɨ womiöx mönö yad pörɨba rön, ñɨgö mönö i kwo yadɨba rɨmɨdla. Ap kai ap mɨm; ap kai ap paxdöriöm; ap kai ap ödöriöm; ap kai mödɨba mɨdöl; ap kai madmag nɨgɨbɨm; ap kai nöbö mö nugwön wahax pɨmɨdöi; ap kai ap wä mɨdöm; ap kai nöbö mö nugwön wä rö rɨmɨdöi; ñɨŋ ap piakwör rɨbyöx nugu gör mɨjöña.

Kolosi 3:17

Makwam mönö yadɨba aimönö agap apɨm rɨba, Nöbö Dib Jisas nöbö mö nuŋwa mɨdölɨŋö, rɨ rɨbyöx nugwön, God Jisas ñɨgö nuarö hogwa ri ablaŋe rɨ gɨrön rɨŋ duaŋ.

Jems 1:25

Jɨ God Mönö wä, nöbö mö kömö pɨmɨd mönö wä aku nugw ri abön, mönö il aku nugw ri ab gɨrön, mönö wä aku uplöbeñ nöbö mö bla, God ñɨgö nugwidɨx mɨdaŋ, ñɨŋ agap apɨm rɨmɨjöñ aku du wä cöna. Nöbö mö piaku ñɨŋ God Mönö wä aku nugw ri abön, rɨg yadmɨd mag akuyöbö akwör rɨmɨdöia.

Jems 2:8

God Mönö aku kai kɨtön yadmä, “Naŋ naŋ keir rɨg madmag nɨgmɨdlö mag akuyöbö, nöbö mö hör akwebö ñɨgö kwo paŋ aliar madmag nɨgö,” rɨmä. God lo mönö dib ödöriö rɨg yadöŋ mag akuyöbö rɨmɨjöñ aku, ñɨŋ rɨ ri aböña.