Jems 2:10 - MÖNÖ KÖMÖ

¹⁰ Aku agapɨm: God lo mönö nuŋ piaku magalɨg nugup duön, jɨ lo mönö paŋyöbö iör röd aböñ aku, God lo mönö magalɨg röd abɨbä maga nɨgöna.

Jems 2:10 Iomraidhean Croise

Galesia 3:10

Makwam nöbö mö lo mönö adakwör nugwön rɨmɨdɨŋ, God anɨŋ pönɨŋö, rɨmɨdöi nöbö mö bla, ölɨŋ höb dib ödöriö pöña. Aku agapɨm: God Mönö aku kai kɨtön yadmä, “Nöbö mö yön God lo mönö kai kɨtim mag akuyöbö magalɨg mai ren aku, ölɨŋ höb diba pönɨŋö,” rɨmä.

Galesia 5:3

Nɨ ñɨgö iswob yad nöl ri abɨba rɨmɨdla! Nöbö piaku mönö ana pɨne, rɨmɨdöi akuyöbö ñɨgö yöwö rɨŋ, ñɨŋ uñ ñɨgö ödöcöñ aku, mai ñɨŋ Juda lo mönö aku magalɨg pön mai diöña.

Jems 3:2

An magalɨg ödöriar rɨmɨdöl mag akuyöbö hörɨrör mɨga akwör rɨmɨdöla. Jɨ nöbö mö ajmöl ñɨŋa nugwidɨx mɨd ri abön, mönö ödöriar rɨg cön mag akwör yajöñ aku, mɨxɨñ ñɨŋa magalɨg nugw ri abön rɨb maga nɨgöna.

2 Pita 1:10

Makwam, haul nöbö mölöu nöbö nɨ bla. God rɨb nuŋwa keir yöxön, nɨ mai duön nöbö mö na mɨdɨŋ, me rön, ñɨgö pa aku, ñɨŋ ususör rön nugwo mai duön, nöbö mö nuŋwa mɨjöña. Aliö aiöñ aku mɨ, Krais mönö mag wä aku öim öim nugw pɨ cɨcɨ nɨgön, rɨp duön, röböxeñɨm.

Jude 1:24

Weik ñɨgö God iŋsö rola nɨgmɨdla. Nuŋ ñɨgö nugwidɨx mɨdaŋ, hö pɨn bɨreñ. Mai ñɨgö pön, nuŋ keir mil wä keiryöbö alɨg mɨd yöraku nɨgaŋ, nöbö mö hölul mɨdöl nuŋwa mɨdön, mɨ ödöriö wahax pɨ mɨjöña.