Zefaniya 3:9 - La Bible en Otetela (Bible K'Ekila) 1991

⁹ Ku dimi layukadimula eteketa wʼantu Dia vo ndjala pudipudi, Dia vo tshe mbeya mbeta lukumbu la Latuyalaka, La mbotemola lʼutema otoi.

Zefaniya 3:9 Iomraidhean Croise

Etatelu 11:1

Antu tshe wa la kete waki la oteketa wame ndu aui wuhu otoi.

Etatelu 4:26

Ku Seta akuti ona pami, akawole lukumbu ati: Enosha. Uma laso kakatatela antu ntemola lukumbu la Latuyalaka.

Esambu 113:3

Lukumbu la Latuyalaka latumbwami, Uma lʼehutwelu edja ndu lʼedjelu ka unya!

Esambu 22:27

Kuma tshe ya la kete yayuhoka Latuyalaka, wayukadimo utsha le ndi. Khumbu tshe ya wedja wayukotemolaka.

Isaya 19:18

Lʼetena keso, esumba etanu wa lu kete yʼEdjibitu wayoteketa oteketa wa Kanana, wayutshiba dia mbekama le Latuyalaka Kanga lulimbilimbi. Omotshi ayetama ati: Usumba wʼelanyelu.

Isaya 57:19

Layukitsha diandu lʼelomo. Ki, ki, kayali le one leli lasuki Ndu le one leli etali, mbata Latuyalaka. Dimi la; akonoya.

Isaya 6:7

Ndi akamamedio lʼelomo ami, akati ati: Dio diambumamema lʼelomo aye. Uhedia aye ambunyema, la kolo kaye kambudimanyema.

Jeremiya 16:19

We Latuyalaka keli wulu ami, lungeli lami, Eshamelu kami lu nshi ya pa! Wedja wayuya le ye uma la kuma ya la kete. Vo wayuta vati: Washesu wakakiti paka kashi, Ditemolatemola diʼanyanya, diahawasha waho.

Ezekiyele 37:17

Ukakatanya etamba ako dia vo ndjala utamba otoi lu lunya laye.

Habakuka 2:14

Ne dia kete yayulula too la ewu ka lutumbu la Latuyalaka, Uku atululaka ashi lu ashi a waki.

Zefaniya 2:11

Latuyalaka ayuyala engo ka woma le wo, Ne dia ndi ayuvusha ditemolatemola tshe dia la kete ndjala. Ku antu tshe wayotemola untu lʼuntu uma lu dihuli diandi, Ndu wa lu asenga tshe wa wedja.

Zekariya 14:9

Latuyalaka ayuyala khumʼekanga ka kete tshe. Lu lushi loso, Latuyalaka ayuyala otoi, la lukumbu landi otoi.

Zekariya 2:11

Wedja efula wayumamema, dimi Latuyalaka, lushi lako. Vo wayuyala wudja ami. Dimi layudjase lʼatei aye, ku we ayeya wati: Latuyalaka Kanga lulimbilimbi kakantumi le ye.

Mateu 12:35

Untu ololo atutundjaka akambu wʼololo uma lu eumbelu kandi kʼololo. Keli untu a kolo atutundjaka akambu wa kolo uma lu eumbelu kandi ka kolo.

Efeso 4:29

Diui dia kolo tadiutumbaki uma lʼenyo anyu, keli paka aui wʼololo, weya mbudia antu uku ahumbawo, ne dia nfudiya wane wuka ngandji ka mamba.

Enyelo 11:15

Ondjelo wʼesambeli akadi; ku aui wa wulu wakukema lʼulungu, wakati vati: Diulelu dia la kete nye diambuyala dia Khumesu, la dia Kristu kandi. Ndi ayulela pundju pundju.