Zefaniya 3:8 - La Bible en Otetela (Bible K'Ekila) 1991

⁸ Okone mbata Latuyalaka ati: Nyunkungeli edja ndu lushi layumunela uku omenyi. Esangweyu kami eli dia motsha wedja, dia dimi motsha waulelu, La mbatshulwela kele kami, ududu ami tshe, Ne dia kete tshe yayulungula la dja ya kandjema kami.

Zefaniya 3:8 Iomraidhean Croise

Esambu 12:5

Latuyalaka kata ati: Kakiane dimi layunela ne dia asui wʼomenyi fono, Ndu ne dia tukuku tʼalelu tʼasi wula. Layuwaela panda katuwukumbulaka.

Esambu 123:2

Mete, uku atendaka ekambi khumewo tee, Ndu uku atendaka ukambi a umuntu khumendi a umuntu tee, Osoku mbatutendaka Latuyalaka, Unyashungu asu, Edja ndu ndi ambutuka ketshi.

Esambu 27:14

Ulungameli Latuyalaka; Uyali la wulu, utema aye ayali la dihunga; E, ulungameli Latuyalaka.

Esambu 37:34

Ulungamelaki Latuyalaka, okolamelaki lu mbuka kandi; Ndi ayukumiya dia we nkita kete. We ayena lamʼayunyema antu wa kolo.

Esambu 37:7

Uyalaki ki la ntundu ka Latuyalaka, ukungaki la Kolamelu. Tuyatshumuyaki ne dia one latuhumoka lukulu lʼolo lu mbuka yandi, Latushidiyaka sangweyu diandi dia kolo.

Esambu 62:1

Utema ami atulungamelaka Unyashungu la ki; Ndi katumpandjaka.

Esambu 62:5

Utema ami ulungameli paka Unyashungu la ki, Ne dia elungamelu kami keko le ndi.

Esambu 79:5

Latuyalaka li, edja ndu kaandi! We ayumala kele pundju? Kandjema kaye ayoheta uku dja uka?

Esambu 79:6

Utshulweli wedja wahatukeyaka kele kaye, Ndu waulelu wahatotemolaka lukumbu laye!

Tukedi 20:22

Tutaki wati: Dimi layosomboya kolo; Ukungeli Latuyalaka, ku ndi ayukushimbela.

Limbu la Solomona 8:6

Umbidji lʼutema aye uku ematelu, Uku ematelu lu lunya laye, Ne dia ngandji eko wulu uku nyoi. Kandjema eko lunyu uku diumbu. Ehetelo kadio eko uku ehetelo ka dja, Lumbi la wulu la dja ya Latuyalaka.

Isaya 14:26

Oso eli esangweyu kakasangweyama ne dia kete tshe. Oso keli lunya lusimbwami ladiku dia wedja tshe.

Isaya 30:18

Okone Latuyalaka atulangaka nyuhumuya lukulu lʼolo, Ndu atukumbulaka nyuka ketshi, Ne dia Latuyalaka keli Unyashungu a sambu kʼololo. Waku tshe watulungamelaka le ndi weli la otshoko,

Isaya 34:2

Ne dia kele ka Latuyalaka keko ladiku dia wedja tshe, Ndu ududu andi ladiku dia elui awo tshe wʼalimbi. Ndi amtushila ujhiki, ambakimo dia vo ndjakema.

Isaya 63:6

Dimi lakahotshahotsha antu lu kele kami, Lakadjuya lʼududu ami. Dimi lakatshula dikila diawo lu kete.

Jeremiya 10:25

Utshulweli wedja wahatukeyaka ududu aye, Ndu khumbu yahatetaka lukumbu laye, Ne dia vo wakali Jakoba, wakuli, wakumani tshe, Ndu wakalanya edjaselu kandi.

Hosea 12:6

Keli we ukaluii le Unyashungu aye; Ukimeli ngandji la sambu kʼololo wulu, Ukungelaki Unyashungu aye nshi tshe.

Joele 3:2

dimi layusanganya wedja tshe, layalombola lʼukidi wa Jehoshafata. Leko kayumutalumbuya dikambu dia wudja ami Isariyele, ukito ami, ne dia vo wakawadianganya lʼatei a wedja ndu wakakahana kete yami.

Mika 7:7

Keli le mi, dimi layenda le Latuyalaka, Dimi layulungamelaka le Unyashungu a panda kami. Unyashungu ami ayumbukela.

Habakuka 2:3

Enelo kene keko ne dia etena kakasonwama. To kutsha nkuma lu ekumelu kato, to huta kashi. Kuyanga to kayutshimbatshimba, nyukikungeli. To kayuya mete, hakiutshimbatshimba.

Zefaniya 1:18

Fesa yawo kuyanga paunyi yawo hayeya mbashimbela Lu lushi lʼududu la latuyalaka. Keli kete tshe yayutshumbama la dja ya kandjema kandi, Ne dia ndi ayukumia ekumelu ka woma Le waku tshe watudjaseka la kete.

Hangai 2:22

Dimi layokosha kiti ya waulelu, layulanya wulu a waulelu wa wedja, layokosha pusupusu kame la waku watahemaka loko. Falasa la ambahemi ayo wayoko, untu lʼuntu ayudiakema la yombo ya unyandi.

Mateu 25:32

Wedja tshe wayusanganyema la ntundu kandi, ku ndi ayuwatanya uku atatanyaka ulami ekoko la mbudi.

2 Petero 3:10

Keli lushi la Khumadiondjo layuya uku uvi. Lu lushi lako, ulungu ayushisho la lundju la wulu. Diango diayolelo la dja ya wulu; ndu kete ndu diango tshe dieli loko, diayulungula.

Enyelo 16:1

Dimi lakuki diui dia wulu uma lʼetemwelo, diakatela andjelo esambeli ati: Nyutshu, nyututshululi akoho esambeli wa kele ka Unyashungu utsha la kete.

Enyelo 16:14

Yo yaki nyuma ya edienge yatutshaka tulimbitelu yatutshokaka le khumi ya dianga ya kete tshe, ne dia mbasanganya dia ndosha lushi la wuki la Unyashungu, Kanga-Wulu-Tshe, ta.