Zefaniya 3:6 - La Bible en Otetela (Bible K'Ekila) 1991

⁶ Dimi lakashili wedja ushiki, tangelu diawo diakalanyema. Dimi lakalanya esese awo, wuhu waheyi untu mbeta leko. Esumba awo wakalanyema, wuhu waheyi untu ndjala leko, Wuhu waheyi untu mbidjase leko.

Zefaniya 3:6 Iomraidhean Croise

Isaya 14:26

Oso eli esangweyu kakasangweyama ne dia kete tshe. Oso keli lunya lusimbwami ladiku dia wedja tshe.

Isaya 37:36

Ku ondjelo wa Latuyalaka akatumbi, akadiaki asi Asuriya nunu lukama la akumi enanei la tanu lu pangu. Ku lamʼaketo antu la pindju, wayendaki, ku vo wakayadi edu etu.

Isaya 6:11

Ku dimi lakambula nti: Khumemi, edja ndu kaandi? Ku ndi akakaluya diui ati: Edja ndu esumba wambulanyema, wambuyala aha la antu; Edja ndu mvudu yambuyala aha la untu; Edja ndu kete yambuyala shenga tshu;

Jeremiya 9:12

Untu akona eli kanga yimba lukuki nimbitela dikambu ne? One lakatela Latuyalaka, adisanya. Okoko wana wambulanyema kete, wambuyutshumbama uku usui wa shenga, lene ahatetaka untu?

Akambu wʼAsi Lewi 26:31

Layete esumba anyu atongo atu, layulanya temwelo dianyu. Dimi halukutula luwi lʼaowo anyu wa ngenyangenya.

Zefaniya 2:5

Mananu kayali le wane wudjashi lʼumamu wʼashi a waki, Nyu wudja wʼasi Kerete! Diui dia Latuyalaka diambuya lu dikambu dianyu, Nyu asi Kanana, kete yʼasi Filistiya. Dimi layunyulanya diaha nduku untu ndjala leko.

Zekariya 7:14

Dimi lakadianganya la punganendji lʼatei a wedja tshe wakiwo kumbeya. Okone kete yakalana lʼokongo awo wuhu waheyi untu mbeta kuyanga nkalula, ne dia vo wakete kete yʼololo shenga.

Mateu 23:38

Endia, wambunyutshikela khumbu kanyu anyanya.

1 Koreto 10:11

Akambu aso wakayala le wo dia mbaewula. Vo wambufundama dia ntewula lʼekumelu ka tena diaya le su.

1 Koreto 10:6

Akambu aso wakayala le su dia ntewula, diaha shu ndjala la saki yʼakambu wa kolo uku akiwo la saki.

Jashua 23:4

Nyendi, lambunyusha wedja ene wutshikadi kame la kete ya wedja wakamashili ushiki, uma la Jorodana pulu ndu lʼAshi a Mediteraneya lʼedjelu, lu eukem kʼuwali, dia ndjala etenyi kʼukito ka wauhu anyu.