Zefaniya 3:5 - La Bible en Otetela (Bible K'Ekila) 1991

⁵ Latuyalaka eko ololo lʼatei awo, ndi hutsha kolo. Pindju tshe, ndi atelaka sambu kandi kʼololo, Ndi hatuhekoka la kesekese. Keli untu a kolo hateyaka sonyi.

Zefaniya 3:5 Iomraidhean Croise

Etatelu 18:25

We ayetawo ndjaka antu wʼololo kame la antu wa kolo? Dikambu ne tadiuyalaki le ye dia ntshela untu ololo uku untu a kolo. Umbadi we kete tshe hatalaka la dialelu diʼololo uka?

Jobo 34:10

Okone nyu akanga a yimba, nyumbukeli! Dia ntsha kolo, eko etali uma le Unyashungu, Dia munganela mbuka eko etali uma le Kanga-Wulu-Tshe.

Jobo 7:18

Dia we tuwendaka pindju tshe, Ndu dia ntuwedikaka tena tshe?

Jobo 8:3

Undi, Unyashungu atulanyaka akambu wʼusimbwi? Kanga-Wulu-Tshe atulanyaka akambu wʼololo uka?

Esambu 145:17

Latuyalaka keli ololo lu etsha andi tshe, Ndu ekila lu elimu andi tshe.

Esambu 37:6

Ndi ayudianganya sambu kaye kʼololo uku usasi, La ololo aye uku yanyi ya midi.

Esambu 92:15

Dia menya ati: Latuyalaka kʼusimbwi. Ndi keli dive diami, nduku dikambu dia kolo dieli le ndi.

Isaya 12:6

Nyu asi Siona, nyudjaki dielu dia wulu lʼongenongeno, Ne dia lʼEkila lʼIsariyele eko wuki lʼatei anyu.

Isaya 28:19

Tena tshe diayukietaka, to kayunyundaka, Ne dia to kayetaka pindju tshe, ndu la yanyi ndu lʼutshu. Untu tshe layuka lukumu lato, ayudidima la woma.

Isaya 33:2

We Latuyalaka, utuki ngandji ka mamba; shu takakulungamela. Uyali ekimanyelu kasu pindju tshe, Ndu panda kasu lu nshi ya pa.

Isaya 45:21

Nyotekete, nyuwaela, walakani kame! Akona akati dikambu ne edjedja? Akona akaditeketa lu nshi ya ntundu, aha dimi, Latuyalaka? Nduku Unyashungu ukina weko, Dime keli Unyashungu wʼololo la ushimbedi, nduku ukina.

Isaya 50:4

Khumadiondjo, Latuyalaka lambumbisha lulimi lʼuluwanyi La dimi mbeya ndakanya one lambokomo, Atumbetulaka pindju tshe, Atudihulaka atui ami dia vo mbuka ololo.

Jeremiya 21:12

Nyu khumbu ka Davidi, mbata Latuyalaka; nyusambulaki ololo umaka pindju, Nyutshungulaki omenyi fono uma lʼanya wʼusuyanyi, Kele kami atukufato uku dja, la mpeta wuhu waheyi untu nyima, Ne dia etsha anyu wa kolo.

Jeremiya 3:3

Diako mbakemala mvula, mbakito kondo lu nshi ya diye. Keli fumu yanyu yeko uku yʼamantu akanga a munanyi. Nyu hanyulangi mbuka sonyi.

Jeremiya 6:15

Vo wakuki sonyi lamʼakawatshi akambu wa wononyi? Kema, vo konombo, kumbuka sonyi nduku yema! Diako mbayuwoko lʼatei a waku watokokaka. Vo wayolemba lamʼayumasuya, mbata Latuyalaka.

Jeremiya 8:12

Vo wakuki sonyi lamʼakawatshi akambu wa wononyi? Kema, vo konombo, kumbuka sonyi nduku yema. Diako mbajuwoko lʼatei a waku watokokaka. Vo wayolemba lamʼayumasuya, mbata Latuyalaka.

Delu dia Jeremiya 3:23

Yo ndjalaka eyuyu pindju tshe, Kolamelu yaye yeli dikambu dia mamba.

Ezekiyele 18:25

Keli nyu mvutanelaka nyati: Mbuka ka Khumadiondjo kema usimboki. Nyu khumbu ka Isariyele, nyulungi: Mbuka kami keli kema usimboki uka? Aha mbuka yanyu mbeli kema esimboki?

Ezekiyele 48:35

Utali wʼutshimba tshe wʼusumba ayuyala kubita nunu dikumi la enanei. Uma lu lushi lako, wayetaka usumba ako vati: Latuyalaka eko leko.

Hosea 14:9

One leli la yimba, alimbiteli akambu ane. One leli la ewu, amani akambu ane fundu, Ne dia mbuka ya Latuyalaka yeko ololo. Untu ololo atokendakendaka loko, Keli akanga wʼuhedia wayoko loko.

Hosea 6:5

Diako mbakamawatshatsha le amvutshi. Dimi lakadiaki la aui wʼuma lʼunyo ami; Dumbwelu diami diatohetaka uku usasi.

Mika 3:11

Nyu ete wa Jerusalema nyatulumbuyaka Dia nkundja mbu yʼutshu. Nyu elombedi weli loko, Nyu nyatetshaka ne dia nkundja difutu. Nyatulimbitshiyaka akambu wa Unyashungu dia nkundja falanga. Keli nyu nyatekamaka le Latuyalaka, Nyata nyati: Undi, Latuyalaka kema lʼatei asu? Nduku elanyelu kayuya le su.

Mika 7:9

Dimi layukike kele ka Latuyalaka, Ne dia dimi lakutshela kolo, Edja ndu ndi ambulumbula dikambu diami. Ndi ayuntudja lu usasi, Ku dimi layena etshungwelu kandi.

Habakuka 1:3

Dikambu kuna dia menyaye uhedia, ndu dia menyaye kolo? Elanyelu la akambu wa ngala weko la ntundu kami. Ta dieko, tamu tambufulanela.

Zefaniya 2:1

Nyu wudja waha la sonyi, Nyuyasanganya kame, nyusangani kame,

Zefaniya 3:13

Atshikadi wa Isariyele hawutsha kolo. Vo hawuta kashi, Kuyanga aui wa lukesu ntanema lʼenyo awo. Vo wayolekaka, wayetamaka, ku nduku lawautsha woma

Zefaniya 3:15

Latuyalaka akanya dumbwelu diaye. Ndi akatshanya utunyi aye. Khumʼekanga ka Isariyele, Latuyalaka, eko lʼatei aye. We huka elanyelu woma ntu.

Zefaniya 3:17

Latuyalaka, Unyashungu aye, eko lʼatei aye, Ondoshi wʼata, latushanaka elembielo. Ndi ayongenangena utamanya lu dikambu dianye. Ndi ayukulula la ngandji kandi, Ayukongenangena utamanya imba esambu la diui dia wulu,

Zekariya 2:5

ne dia Latuyalaka kata ati: Dimi layuyala eheli ka dja lʼutshimba awo tshe, ndu layuyala lutu-mbu lʼatei awo.

Zekariya 9:9

We ona umuntu a Siona, ongenengene utamanya! Ona umuntu a Jerusalema li, udi tukuku tʼongenongeno! Enda khumʼekanga kanyu ambuya uya le nyu. Ndi eko ololo ndu eko la panda. Ndi eko la ndjakitshakitsha, Ayahemi ladiku dia punda, Ladiku diʼona osongo wa punda.

Luka 12:2

Nduku kene kambukumbama, kahakumbwama. Nduku kene kambushama, kaheyama.

Romo 2:5

Keli uma lu hyukihuki yaye la utema aye a lunyu, we atuyamotshiyaka kele lu lushi la kele ndu lʼelumbwelu kʼololo ka Unyashungu.

Romo 3:26

Okone ndi ambutenya ololo andi lʼetena kene, ne dia ndi atuyindjaka one latetawoka Jesu.

1 Koreto 4:5

Okone tanyulumbuyaki akambu ntundu Khumadiondjo atayi, one layushula akambu wushami wa lu udjima, layushula tukanyi tʼetema. Ku untu lʼuntu ukuyala la diandu diandi uma le Unyashungu.

Euhwelu kʼElembe 23:14

ne dia Latuyalaka, Unyashungu anyu, atokendakendaka lʼatei a pangu kanyu, dia nyushimbela la dia nyukimwela atunyi anyu. Okone pangu kanyu kayali pudipudi, diaha ndi mena engo ka mindu lʼatei anyu la nkadimo uma le nyu.

Euhwelu kʼElembe 32:4

Dive dia wuki, ulimu andi weli uluwanyi; Ne dia mbuka yandi tshe yeli sambu kʼololo. Unyashungu a kolamelu, aha la kolo, Ndi eli ololo ndu usimbwi.

1 Petero 1:17

Naka nyu nyatuwetaka nyati: Shesu, latulumbuyaka untu tshe uku akandatshi aha la shonodi, nyukaki woma lamʼekinyu lene akanyatshanyema.