Zefaniya 3:11 - La Bible en Otetela (Bible K'Ekila) 1991

¹¹ Lushi lako, we, Jerusalema, huyala lu sonyi Dia etsha aye wakayantshelaka kolo, Ne dia dimi layunya akanga wʼutaku weli lʼatei aye, La we huyala la lahi ntu lʼukungu ami wʼekila.

Zefaniya 3:11 Iomraidhean Croise

Esambu 131:1

Latuyalaka, utema ami kema la ndjasema, la ashu ami kema la lukanyi. Dimi hatuyadjaka lu akambu a waki, kana lu akambu wundeki wulu.

Esambu 49:5

Ukundi ukami woma lu nshi ya kolo, Lamʼatunyingaka kolo kʼatunyi ami?

Esambu 59:12

Kolo keko lʼenyo awo, lu aui wa kolo lʼelomo awo. Okone wandami lu utaku awo, Ndu lu aui wa dionyo la wa kashi watuwutaka.

Isaya 11:9

Vo hawuhumuya kuyanga nanya Ukungu ami wʼekila tshe, Ne dia kete ayulula ia ewu ka Latuyalaka, Uku atululaka ashi a waki.

Isaya 2:12

Latuyalaka Kanga lulimbilimbi eko la lushi, Lukundukitshakitsha akanga wʼutaku, Lukundukitshakitsha akanga wa lukanyi la ndjambiya;

Isaya 45:17

Keli nyu, asi Isariyele, nyayushimbamela Le Latuyalaka la panda ka pundju, pundju. Nyu hanyuhananaki, hanyutshamaki sonyi.

Isaya 5:15

Untu a kolo ayukutema, la untu a wuki ayukitshakitshama, Ndu ashu wʼakanga a lahi wayukitshakitshama.

Isaya 54:4

Tukaki woma, ne dia we huvo sonyi. Tukananaki, ne dia we hutshama sonyi. Keli we ayuhela sonyi ya lu nshi yaye yʼusekaseka. We huho lotengo lakawakotengaka lamʼakiye wadi aki udu.

Isaya 56:7

Dimi layuwaela lʼukungu ami wʼekila. Layangenyangenya lu luudu lami la dombelo. Layetawo eshasha awo la elambu awo lʼediakelu kami. Wayeta luudu lami vati: Luudu la dombelo la wedja tshe.

Isaya 61:7

Nyu nyayukundja difutu tena pendi lu dihuli dia sonyi. Nyayongenangena lu sangu dianyu lu dihuli dia dionyo. Okone nyu nyayukita diango pendi pendi lu kete yanyu, Nyayuyala la ongenongeno wa pundju.

Jeremiya 13:9

Latuyalaka kata ati: Wuhu uku mbayumulanya utaku wa Juda, utaku a wuki wa Jerusalema.

Jeremiya 7:4

Tanyekamaki aui ane wa lukesu nyati: Etemwelo ka Latuyalaka kene, etemwelo ka Latuyalaka kene, etemwelo ka Latuyalaka kene!

Ezekiyele 20:40

Khumadiondjo Latuyalaka kata ati: Khumbu tshe ka Isariyele, vo tshe, wayotemola lu kete, lʼukungu ami wʼekila, ukungu wʼutali wa Isariyele. Leko kayuwaetawo, ndu leko kayumunyutshutshiya dia nyu nkimo elambu anyu, elonga wa eshasha anyu, kame la eshasha anyu wʼekila tshe.

Ezekiyele 24:21

Uteli khumbu ka Isariyele wati: Khumadiondjo Latuyalaka kata ati: Nyendi, dimi lutsha nanya etemwelo kami, utaku a wulu anyu, kene kulekinyu nanga, la kene kukanyu ketshi. Anʼanyu wʼapami la anʼanyu wʼamantu wakanyatshiki lʼokongo, wayudiakema la yombo.

Danyele 9:16

Khumadiondjo li, dimi lambukosengasenga nti: Uma lu wuki wʼololo aye, unya kele kaye la ududu aye uma lʼusumba aye, Jerusalema, ukungu aye wʼekila. Ne dia uma lu kolo yasu ndu uma lu kolo ya washesu, Jerusalema la wudja aye wambuyala engo ka dionyo le waku tshe weli lʼutshimba asu.

Danyele 9:20

Dimi lakateketa ntu, lakalombe, lakashula kolo ka wudja ami Isariyele, ndu lakasengasenga Latuyalaka, Unyashungu ami, lu dikambu dia ukungu andi wʼekila.

Mika 3:11

Nyu ete wa Jerusalema nyatulumbuyaka Dia nkundja mbu yʼutshu. Nyu elombedi weli loko, Nyu nyatetshaka ne dia nkundja difutu. Nyatulimbitshiyaka akambu wa Unyashungu dia nkundja falanga. Keli nyu nyatekamaka le Latuyalaka, Nyata nyati: Undi, Latuyalaka kema lʼatei asu? Nduku elanyelu kayuya le su.

Walelu 16:3

Vo wakamotela Mose la Arona, wakawatela vati: Ambukuka! ne dia ului tshe wʼantu waya ekila. Ndu Latuyalaka eko lʼatei awo. Okoko wana wayabiyanyu ladiku diʼului wa Latuyalaka?

Mateu 3:9

Tanyukanaki lʼetema anyu nyati: Shu teko la tshesu Abarahama. Dimi lambunyutela ndi: Unyashungu mbeyaka mbulwela Abarahama tukanula uma lu ave ane.

Romo 2:17

Keli naka we atuyaetaka usi Juda, atekamaka elembe, atuyasemaka lu ekesanelu kaye la Unyashungu,

Romo 9:33

uku akafundama ati: Enda, lambukitsha dive dia ntakanya lu Siona, Dive dia wuki dia djewoki. Ku one lawetawo, hutshama sonyi.

1 Petero 2:6

Ne dia diui ne diambufundama lu efundelu ati: Enda, dimi lambushikike dive la Siona, Dive dia tshuku, diosonami, diʼushinga a wulu. One lawetawo, hutshama sonyi.