Zefaniya 2:7 - La Bible en Otetela (Bible K'Ekila) 1991

⁷ Umamu wayuyala wa atshikadi wa lu khumbu ka Juda. Vo wayuleshaka dungalunga diawo leko. Vo wayetamaka la dikolo lu mvudu ya Ashikelona, Ne dia Latuyalaka, Unyashungu awo, ayakendela, Ayakaluya engonyi awo.

Zefaniya 2:7 Iomraidhean Croise

Etatelu 50:24

Ku Josefu akatela anangu ati: Dimi one aya langa lambelela ukunda. Keli mete Unyashungu ayunyendaka, ayunyolombola utsha lu kete yakandatshibi dia mbisha Abarahama, Isaka la Jakoba.

Esambu 80:14

Unyashungu, Kanga lulimbilimbi li, Shu tambukosengasenga shad: Usikiso, Uki su uma lʼulungu, Endi luno lone!

Esambu 85:1

Latuyalaka, we akatshelaka wudja aye ololo, Akangonyaka Jakoba.

Etumbelu 4:31

Ku antu waketawo. Lamʼakuki asi Isariyele lukumu vati: Latuyalaka ambokendela asi Isariyele, ambena ndu asui awo, vo wakakole ete, wakotemola.

Isaya 11:11

Lushi lako, Khumadiondjo ayusimbula lunya landi etena ka hendi dia nshimbela atshikadi wa lu wudja andi wakadiangana lu Asuriya, ndu lʼEdjibitu, la Patorose ndu la Etiyopiya, la Elame, la Shinare ndu la Hamata, ndu lu asenga wa lu ashi a waki.

Isaya 11:14

Keli vo wayufumbo utsha lʼedjelu ka unya Dia ntahema lu aheka wʼasi Filistiya. Vo wayohotola diango diʼantu wa lu leke lʼehutwelu. Vo wayusimbula anya awo utsha lʼEdome la Moaba; Asi Amona wayakitanyia.

Isaya 11:16

Osese a wuki wayuyala uma lu kete yʼAsuriya, Ne dia atshikadi wa wudja andi mbeta loko, Uku akayala osese ne dia Isariyele Lushi lakawatumbi uma lʼEdjibitu.

Isaya 14:1

Latuyalaka ayuka Jakoba ketshi, ayosonola Isariyele ntu, ku ndi ayashikike lu kete yawo ntu. Angendangenda wayosohana la wo, la wayekesanela la luudu la Jakoba.

Isaya 32:14

Ne dia luudu la khumʼekanga layutshikala hwe, La usumba a wuki ayutshikala tongo tu. Vo wayuyala ahuli wa nyama mbetama. Mangana yayongenangenaka loko, Ndu dungalunga diayolela adiyu loko.

Jeremiya 23:3

Dimi layusanganya atshikadi wa ekoko ami, uma lʼahuli tshe wakamawatshanya, layakaluya lu ekutu awo. Ku vo wayutana, wayufulanela.

Jeremiya 29:10

Lamʼayunyukutsha deku akumi esambeli lu Babilona, dimi layunyokendela dia nshidiya diui diami diʼololo le nyu, dia nyukaluya lu dihuli ne, mbata Latuyalaka.

Jeremiya 29:14

Dimi layetawo nyu mbishulami. Dimi layukadimula lohombo lanyu, layunyusanganya uma lu wedja tshe ndu uma ahuli tshe, lene akamanyutshanya. Dimi layunyu-kaluya lu dihuli diakamanyose, dia nyotola lu fumbi.

Jeremiya 3:18

Lu nshi sho, khumbu ka Juda ayokendakendaka kame la khumbu kʼIsariyele. Vo wayuya kame uma lu kete ya la ngelʼa kushi, uya lu kete yakamasha washenyu ukito.

Jeremiya 30:3

Uki, nshi yayuyala, yayumukaluya antu ami wʼasi Isariyele ndu wʼasi Juda wakatshu lu lohombo. Dimi layakaluya lu kete yakamasha washewo. Ku vo wayuyikita, mbata Latuyalaka.

Jeremiya 31:7

Latuyalaka kata ati: Nyudji waelu wʼongenongeno dikambu dia Jakoba. Nyuhangohango lʼongenongeno a wuki Dikambu dia one leli ote a wedja. Nyudianganya lukumu, nyimbi esambu wa diandu, Nyutaki nyati. Lamyalaka ambutshungula wudja andi, Atshikadi wa Isariyele.

Jeremiya 32:44

Antu wayusumbaka dikambo la falanga, wayufundaka dakanelu, wayudimataka ematelu, wayetaka emenyi lu kete ya Bendjamina, lu ahuli wa lʼutshimba wa Jerusalema, lu esumba wa la Juda, lu esumba wa lu leke lʼakuna, lu esumba wa la Shefela, ndu lʼesumba wa la Nengebe, ne dia dimi layakaluya ekundji awo, mbata Latuyalaka.

Jeremiya 33:12

Latuyalaka Kanga lulimbilimbi kata ati: Alami wayudjase ndu wayetamia dungalunga diawo ntu lu kete nye yakalana, yaha la antu kuyanga nyama, ndu lʼesumba ayo tshe;

Jeremiya 33:7

Dimi layukaluya asi Juda ndu asi Isariyele wakatolama lu fumbi. Dimi layashikike uku akiwo nshi ya ntundu.

Jeremiya 47:5

Ngaza kambuyala shenga, Ashikelona ambulanyema. Nyu atshikadi wa lʼukidi awo, Edja ndu kaandi ayunyukimo ndjakota puta?

Ezekiyele 39:25

Okone Khumadiondjo Latuyalaka kata ati: Dimi lutsha nkaluya Jakoba uma lu fumbi, lambuka utundu wa khumbu ka Isariyele tshe ketshi. Dimi layuyala la kandjema uma lu lukumbu lami lʼekila.

Hosea 6:11

Ndu le ye we Juda, etena ka dinela kambushikikema.

Obadiya 1:19

Wane weli la Nengebe, wayukita Ukungu a Esau, La wane weli la Shefela, kete yʼasi Filistiya. Vo wayukita kete ya Efarayima la kete ya Samariya. Bendjamina ayukita Ngiliyade.

Mika 2:12

Mete, dimi layusanganya utundu aye tshe, we Jakoba. Mete, dimi layusanganya atshikadi wa Isariyele. Dimi layamotsha kame uku ekoko weli lʼukutu, Uku limba la dungalunga lu dihuli diawo diʼelelu. Vo wayutsha lundju la wuki lu dikambu diʼului wʼantu.

Mika 4:10

We ona umuntu a Siona, usuwi, Ukhumi akhumu uku umuntu latata lono, Ne dia we utsha ntumba kakiane uma lʼusumba, la ntudjase lʼusui. We ayutsho la Babilona; ayutushimbamela leko. Leko kayukutshungula Latuyalaka uma lʼanya wʼatunyi aye.

Mika 4:7

Dimi layete akanga a tshumbi atshikadi, La wane wakatshanyema wudja a wulu. Ku Latuyalaka ayuwaulela lʼUkungu a Siona, Umaka kakiane pundju pundju.

Zefaniya 2:9

Diako mbata Latuyalaka Kanga lulimbilimbi, Unyashungu wa Isariyele, ati: Uku wemi la lumu! Moaba ayuyala uku Sodoma, La asi Amona uku Ngomora. Kete yakakiti atende la afuku wa leho, ndu elanyelu ka pundju. Atshikadi wa wudja ami wayakita.

Zefaniya 3:13

Atshikadi wa Isariyele hawutsha kolo. Vo hawuta kashi, Kuyanga aui wa lukesu ntanema lʼenyo awo. Vo wayolekaka, wayetamaka, ku nduku lawautsha woma

Zefaniya 3:20

Lʼetena kako, dimi layunyela leko, Ndu lʼetena kako, kayumunyusanganya. Ee, dimi layunyete lukumbu, La lutumbu lʼatei a wedja tshe wa la kete, Lamʼayumunyukaluya engonyi anyu La ntundu kʼashu anyu, mbata Latuyalaka.

Hangai 1:12

Zerubabele, onʼa Sheyalatiyele, Jashua, onʼa Jehozadaka, olombedi a ladiku, la atshikadi tshe wa wudja, wakakitanyia diui dia Latuyalaka, Unyashungu awo, ndu aui wa umvutshi Hangai, uku akutumi Latuyalaka, Unyashungu awo. Wudja wakuki woma la ntundu ka Latuyalaka.

Hangai 2:2

Kakiane, umbuli Zerubabele, onʼa Sheyalatiyele, umbuledi wa Juda, la Jashua, onʼa Jehozadaka, olombedi a ladiku, la atshikadi wa wudja wati:

Luka 1:68

Wanduli Khumadiondjo, Unyashungu wa Isariyele; Ne dia ndi akakendela antu, akatshela etshungwelu.

Luka 7:16

Woma akawandi vo tshe. Vo wakatumbula Unyashungu, wata vati: Umvutshi a wuki ambuya lʼatei asu. Ntu vati: Unyashungu ambokendela wudja andi.

Etsha wa Atumami 8:26

Keli ondjelo wa Khumadiondjo akatela Filipo ati: Unela, utshu utsha lu leke la diku dia kushi, lu mbuka kuyi uma la Jerusalema utsha la Ngaza. Dihuli diako dieko shenga.

Etsha wa Atumami 8:40

Keli Filipo akenama la Azoto. Ndi aketi lu esumba tshe, edja ndu lamʼakandakumi la Kayisariya, atasambisha lukumu lʼololo.

Romo 11:5

Ndu nshi nye, atshikadi amotshi weko, wakasonwama lu ngandji ka mamba ka Unyashungu.

Ruta 1:6

Ku ndi akunela ndi la alokai andi, dia mumo uma lu kete ya Moaba. Ndi akuki lukumu ati: Latuyalaka ambotshokola wudja andi, ambuwasha mbu ya nde.