Zefaniya 2:5 - La Bible en Otetela (Bible K'Ekila) 1991

⁵ Mananu kayali le wane wudjashi lʼumamu wʼashi a waki, Nyu wudja wʼasi Kerete! Diui dia Latuyalaka diambuya lu dikambu dianyu, Nyu asi Kanana, kete yʼasi Filistiya. Dimi layunyulanya diaha nduku untu ndjala leko.

Zefaniya 2:5 Iomraidhean Croise

Isaya 14:29

Nyu wudja tshe wʼasi Filistiya, tanyongenangenaki, Ne dia ukalimba wakanyokomolaka wambuhimbo, Ne dia uma lʼudiu wʼului kayutumba dikhuha, La ulua awo ayuyala kunga ka dja, kafumbo.

Isaya 14:30

Wane wuleki wula, wayolekaka ma, La ehumbi wayetamaka la ki. Dimi layudiaka udiu aye la ndjala, Ndu asikaye wutshikadi, wayudiakema.

Jeremiya 47:7

Ukundi weyayo ntshikala ki? Latuyalaka ambuyituma dia ntolosha Ashikelona Ndu leke la lʼumamu wʼashi a waki. Leko kambunduyediya.

Ezekiyele 25:16

Diako mbata Khumadiondjo Latuyalaka ati: Nyendi, dimi lutsha nsimbula lunya lami ladiku dia asi Filistiya. Dimi layudiaka asi Kerete; layushila atshikadi wa lʼumamu wʼashi a waki ushiki.

Amose 3:1

Nyu asi Isariyele, nyulungi diui ne, Mbakati Latuyalaka lu dikambu dianyu, Lu dikambu dia khumbu tshe kakandatundja Uma lʼEdjibitu ati:

Amose 5:1

Nyu khumbu ka Isariyele, nyulungi diui ne, Diadami kuku lu dikambu dianyu.

Zefaniya 1:11

Nyuleli nyu asi Etuli; Ne dia ambetshetshi wʼukanda kema ntu, Wane tshe watembaka fesa wambushila ushiki.

Zefaniya 3:6

Dimi lakashili wedja ushiki, tangelu diawo diakalanyema. Dimi lakalanya esese awo, wuhu waheyi untu mbeta leko. Esumba awo wakalanyema, wuhu waheyi untu ndjala leko, Wuhu waheyi untu mbidjase leko.

Zekariya 1:6

Undi, aui ami la adjangu ami wakamatelaka ekambi ami amvutshi, kunkumaka le washenyu? Vo wakakadimo, wakati ati: Uku akakani Latuyalaka Kanga lulimbilimbi dia ntutshela uku mbuka yasu, la uku etsha asu, wunu ako mbakandatutshela.

Mako 12:12

Vo wakayangi mbunda, ne dia wakeyi vati: Shu mbukedindi wela oso. Keli vo wakuki ului wʼantu woma. Okone vo wakutshiki, wakatshu.

Jashua 13:2

Kete yako yambutshikala nye: leke tshe lʼasi Filistiya, ndu diʼasi Ngeshure,

Jashua 13:3

(uma lʼokedi wa Shihore, weli lu leke lʼehutwelu la Ejibitu edja ndu lʼulelu wa Ekerona, lu leke la diku dia kushi, kete yeyama uku yʼasi Kanana; embuledi etanu wʼasi Filistiya, waki leko, wa la Ngaza, Ashidode, Ashikelona, Ngata la Ekerona), ndu diʼasi Avima,

Embadi 3:3

Wedja ako ene: ewandji etanu wʼasi Filistiya, asi Kanana tshe ndu asi Sidona la asi Hiwi wakadjashi lʼukungu wa Lebanona uma lʼUkungu wa Bala-Heremona edja ndu lʼeotwelo ka la Hamata.

1 Samuele 30:14

Shu takatumba antu wa la Nengebe kʼasi Kerete, ndu ka Juda, ndu wa la Nengebe ka Kaleba. Ku takatshumbi Zikilange.