Zefaniya 2:3 - La Bible en Otetela (Bible K'Ekila) 1991

³ Nyuyangi Latuyalaka, Nyu akanga a memakana tshe wa la kete, Nyu wane watulamaka adjangu andi. Nyuyangi akambu wʼololo, nyuyangi memakana. Undu, nyu mbeyaka mpanda lu lushi la kele ka Latuyalaka.

Zefaniya 2:3 Iomraidhean Croise

2 Samuele 12:22

Ku Davidi akakaluya diui ati: Lakakili ma, lakalelaka, lakataka lʼutema nti: Akona eya ati: Latuyalaka humbuka ketshi dia ona ntshikala la lumu?

Esambu 105:4

Nyuyangaki Latuyalaka ndu wulu andi. Nyutetemalaki nyanga elundji kandi!

Esambu 149:4

Ne dia Latuyalaka atongenengenelaka wudja andi. Ndi ayolenga akanga a memakana la panda.

Esambu 22:26

Akanga a memakana wayolekaka, wayulutaka. Wane watuyangaka Latuyalaka, wayuwandulaka! Etema anyu watshikalaki la lumu pundju!

Esambu 31:20

We atalamaka lasuki la ye uma le wane watasuyaka, We atalamaka lu luudu laye uma lu nimi ya lotengo.

Esambu 45:4

Lu lutumbu laye, uyali undeki wʼutamanya, Lu akambu wa mete, ndjakitshakitsha, la sambu kʼololo. Lunya laye la pami layuketsha akambu wa ngala.

Esambu 57:1

Unyashungu li, umbuki ketshi, umbuki ketshi! Ne dia lumu lami latuyangaka eshamelu le ye. Ee, la tshma dia ahafu aye katumushamaka, Edja ndu asui wa wulu wambushila.

Esambu 76:9

Lamʼakunela Unyashungu dia nsambula akambu, Dia nshimbela akanga a memakana tshe wa la kete.

Esambu 91:1

One latudjaseka lu ekumbelu ka KhumʼUlungu, Kayuyalaka lu didjidji dia Kanga-Wulu-Tshe.

Etumbelu 12:27

Ku nyu mbakaluya diui nyati: Ulambu wʼelekanelu ka Latuyalaka, lakalekana mvudu yʼasi Isariyele lu Edjibitu one. Lamʼakandadiaki asi Edjibitu, ndi akashimbela khumbu yasu. Ku wudja wakakole ete awo, wakatemola.

Tukedi 18:10

Lukumbu la Latuyalaka eli etangelu ka wulu. Untu ololo atulawoka atushamaka loko.

Isaya 1:17

Nyeki dia ntsha ololo; Nyuyangi akambu wʼuluwanyi, nyukimanyia usuyami. Nyusambweli ona etshiki ololo, Nyoteketele wadi aki udu.

Isaya 11:4

Keli ndi ayulumbuya asi wula la sambu kʼololo, Ayusambula akanga a memakana wa la kete aha la shonodi. Ndi ayokomola kete la diui diandi uku ohehela. Ndi avudiaka antu wa kolo la luwi lʼuma lʼunyo andi.

Isaya 61:1

Nyuma ka Khumadiondjo, Latuyalaka keli la mi, Ne dia Latuyalaka akankiti iso Dia dimi nsambisha amenyi fono lukumu lʼololo. Ndi akantumi dia dimi nkonoya akanga wʼetema wambate, Dia mvutela fumbi dia vo ndjala la ndjadjasela, La dia mvutela asi lukanu dia vo ntshungo;

Jeremiya 39:18

Dimi layukushimbela, we hudiakema la yombo. Lumu laye layuyala engo kaye ka dimbu, ne dia we akambekama, mbata Latuyalaka.

Jeremiya 45:5

We atuyayangelaka akambu a waki? Tayangaki! Enda, dimi lutsha mbela elanyelu le antu tshe, keli dimi layukusha lumu laye, uku engo ka dimbu le ye lu ahuli tshe wayuyutatshokaka.

Ezekiyele 13:5

Nyu amvutshi kuntsho utsha lu lukumbu, lu ahuli wakanyuko. Nyu kumpikela khumbu ka Isariyele eheli ka lukumbu dia to nshikikala lʼatei ata lu lushi la Latuyalaka.

Hosea 10:12

Nyuyauneli ololo, Ku nyu nyayuna elua wa ngandji ka shikaa, Nyukambi dikambo diʼeyuyu. Etena ka nyanga Latuyalaka kambukuka, Edja ndu lamʼayunduya dia ndjunyoloshiya akambu wʼololo.

Hosea 7:10

Utaku wa Isariyele wambuyala omenyi lu dikambu diawo. Vo hawukalula le Latuyalaka, Unyashungu awo, Kuyanga mbuyanga lu akambu aso tshe.

Jona 3:9

Akona eya kana Unyashungu hukadimo, holemba utema ndu humo kele kandi ka wulu, diaha shu mvo?

Zekariya 8:19

Latuyalaka Kanga lulimbilimbi kata ati: Ekilelu ka mbu ya nde ka lu ngondo ka nei, ka lu ngondo ka tanu, ka lu ngondo kʼesambeli, ndu ka lu ngondo ka dikumi, kayukadimo etena kʼongenongeno, kʼongenongeno a wuki, ndu kʼalambu wʼongenongeno le khumbu ka Juda. Okone nyulangi akambu wa mete la akambu wa ki.

Mateu 5:5

Wane weli la memakana, weko la otshoko, ne dia vo wayukita kete.

1 Tesalonika 4:1

Anyasu, diui diasu dia ndjihelu ne shati: Tambunyosengasenga ndu tambunyokokomiya le Khumadiondjo Jesu shati: Uku akatanyetsha lama nkendakenda, ndu lama ngenyangenya Unyashungu, uku watunyokendakendaka, dia nyu ntetemala nkendakenda wuhu ako,

1 Tesalonika 4:10

Mete, nyu nyatutshelaka anyanyu wa la Makedoniya tshe wuhu ako. Anyasu, tambunyokokomiya dia nyu ntetemala mbukana ngandji;

1 Petero 1:22

Ne dia nyu nyambedia etema anyu la ukitanyia anyu lu akambu wa mete, dia mbuka anyanyu ngandji mete, okone nyukani ngandji wulu lʼetema anyu.

1 Petero 3:4

Keli nyuyali la elengelo kʼushami lʼutema, elengelo kʼutema a memakana la ki kahalana, kʼushinga a wulu lu ashu a Uanyashungu.

2 Petero 3:18

Keli nyuli lu ngandji ka mamba la lu elimbitelu ka Khumesu, Ushimbedi Jesu Kristu. Lutumbu layali le ndi kakiane ndu pundju! Ayali osoku!