Zefaniya 1:16 - La Bible en Otetela (Bible K'Ekila) 1991

¹⁶ Lushi la ama na la tukuku ta ta, Dia ndo la esumba a wulu, ndu la tangelu diʼetali.

Zefaniya 1:16 Iomraidhean Croise

Isaya 27:13

Ku lushi lako, wayuda pungi ka wuki. Ku waku weli lʼasʼeku la nyoi wa lu kete yʼAsuriya la atunami wa lu kete yʼEdjibitu, wayotemola Latuyalaka lʼukungu wʼekila, la Jerusalema.

Isaya 32:14

Ne dia luudu la khumʼekanga layutshikala hwe, La usumba a wuki ayutshikala tongo tu. Vo wayuyala ahuli wa nyama mbetama. Mangana yayongenangenaka loko, Ndu dungalunga diayolela adiyu loko.

Isaya 59:10

Shu tatamambaka eheli uku akanga atutshungu, Tatekekaka uku antu waha la ashu. Tatutakanaka la midi uku la hyutshihutshi, Uku edu lʼatei wʼakanga a wulu mbesu.

Jeremiya 6:1

Nyu asi Bendjamina, nyumo uma lʼatei wa Jerusalema, Nyuyashimbeli, nyutudi amama la Tekoa. Nyuteme djimbitelu ya mbewula antu la Bete-Hakereme! Ne dia elanyelu lu ndjayi uma la ngelʼa kushi, elanyelu ka mamba.

Jeremiya 8:16

Awanelu wa falasa yawo wambukema uma la Dane, Kete tshe yambudidima la lundju lʼawanelu ka waumi wa falasa. Andoshi wa ta wambuya, wambolembia kete la diango tshe dieli loko, Usumba la waku wudjashi loko.

Ezekiyele 7:7

Elanyelu kambuya le nyu, nyu asi kete. Etena kambukuka, lushi laya suki, lushi lʼohenyohenyo. Waelu wʼongenongeno kema ntu lʼekungu.

Hosea 5:8

Nyudi dimama la Ngibeya la pungi la Rama, Nyudi tukuku ia Rete-Avena, dia mbutsha Bendjamina woma.

Hosea 8:1

Umami dimama lu elomo aye, Ne dia eki kambuya ladiku dia luudu la Latuyalaka, Ne dia antu wakadiaki sheki yami, Ndu wakahedia elembe ami.

Joele 2:1

Nyudi amama lu Siona, nyuwadi lʼukungu ami wʼekila. Wane tshe wudjashi lu kete wadidimi, Ne dia lushi la Latuyalaka luyayi, Lo laya nkandja.

Amose 3:6

Vo mbeyaka mvuda dimama lʼatei wʼusumba, Ku antu hawuki woma? Elanyelu mbeyaka ndjala lʼusumba, Naka Latuyalaka hakitumi?

Habakuka 3:6

Ndi akemala, akedika kete. Ndi akendi, akahandjula wedja vwa. Ekungu wa pundju wakahandjo. Akuna wʼedjedja wakakitakita. Mbuka yandi yaki uku ya lu nshi yʼedjedja.

Euhwelu kʼElembe 28:52

Vo wayunyudinga kwi lu esumba anyu tshe, edja ndu peli dianyu diʼetali ndu dia wulu diakanyekamaka, diambunyuko lu kete yanyu tshe. Vo wayudinga kwi lu esumba anyu tshe wa lu kete yakanyusha Latuyalaka, Unyashungu anyu.

Jashua 6:20

Okone antu wakahangohango, ku elombedi wakadi amama. Lamʼakuki antu lundju lʼamama, antu wakahangohango wulu. Ku eheli ka lukumbu lʼusumba kakanyuko. Ku antu tshe, untu lʼuntu akambela lu dihuli diakandemadi. Vo wakoto lʼusumba, wakolembia.