Zefaniya 1:1 - La Bible en Otetela (Bible K'Ekila) 1991

¹ Diui dia Latuyalaka diakayi le Zefaniya, onʼa Kushi, onʼa Ngedaliya, onʼa Amariya, onʼa Hezekiya, lu nshi ya Josiya, onʼa Amona, khumʼekanga ka Juda.

Zefaniya 1:1 Iomraidhean Croise

2 Khumi ya Dikanga 21:18

Manase akayeli washi, wakukhunde lʼekambo kaki lasuki la luudu landi, lʼekambo ka Uza. Ku onʼandi Amona akulela lu dihuli diandi.

2 Khumi ya Dikanga 21:26

Wakukhunde lu wuku andi wa diumbu lʼekambo ka Uza. Ku onʼandi Josiya akulela lu dihuli diandi.

2 Ekondo 33:20

Manase akayeli washi; wakiikhunde lu luudu landi. Ku onʼandi Amona akulela lu dihuli diandi.

Jeremiya 1:2

Diui dia Latuyalaka diakayi le Jeremiya lu eleku ka dikumi lʼasatu ka diulelu dia Josiya, onʼa Amona, khumʼekanga ka Juda.

Jeremiya 22:11

Okone mbata Latuyalaka lu dikambu dia Shaluma, onʼa Josiya, khumʼekanga ka Juda lakulela lu dihuli dia Josiya, shi, lakatolama uma lu dihuli ne, ati: Ndi hukalula uma leko ntu.

Jeremiya 25:3

Lʼatei wa deku akumi ahendi la satu ne, umaka eleku ka dikumi lʼasatu ka diulelu dia Josiya, onʼa Amona, khumʼekanga ka Juda, edja ndu kakiane, diui dia Latuyalaka diatuyakaka le mi. Dimi latunyutelakadio umaka pindju, keli nyu kumbuka.

Ezekiyele 1:3

diui dia Latuyalaka diakayi le olombedi Ezekiyele, onʼa Buzi, lʼumamu wʼokedi wa Kebara, lu kete ya Kaladiya. Lunya la Latuyalaka lakawahema leko.

Hosea 1:1

Diui ma Latuyalaka aiakayi le Hosea, onʼa Beri, lu nshi ya Uziya, Jotama, Ahaza la Hezekiya, khumi ya dikanga ya Juda ndu lu nshi ya Jerobaoma, onʼa Joashi khumʼekanga Isariyele.

2 Timote 3:16

Efundelu tshe kʼuma le Unyashungu keko ololo mbetsha antu, la mbalaka, la mbaewula, la mbaekiya lu akambu wʼololo,

2 Petero 1:19

Shu teko la diui ne diʼamvutshi, diuleki nshikimala. Okone nyu nyayutsha ololo lamʼayunyewo, uku ewonyu tala diaheta lu dihuli dia udjima edja ndu lamʼayuhuto unya, ndu lamʼayuhanema yoto ya loheto lʼetema anyu.