Undaki 4:1 - La Bible en Otetela (Bible K'Ekila) 1991

¹ Lʼokongo diku, dimi lakenyi asui tshe watuyalaka lʼesi ulungu, ndu lakenyi asoi a wane watuwusuyaka. Keli nduku untu atasambaka. Lu leke lʼasu-yanyi awo kaki wulu, ku nduku untu lasamba.

Undaki 4:1 Iomraidhean Croise

Undaki 3:16

Dimi lakenyi ntu lʼesi ulungu nti: Lu dihuli diʼelumbwelu kolo keko laawo, la lu dihuli dia sambu kʼololo kolo keko laawo.

Undaki 5:8

Naka we menaka sui diʼusi wula la enyelu ka sambu kʼololo la akambu wʼusimbwi lu leke lomotshi la wudja, tukashimoki dikambu so, ne dia untu la wuki atulamemaka le one luleki wuki. Ku ladiku diawo, keli wane waleki waki.

Isaya 5:7

Ne dia ekambo kʼelua ka Latuyalaka Kanga lulimbilimbi, Keli khumbu ka Isariyele, La apami wʼasi Juda weli lukuno lakandalangaka. Ndi akalungamela sambu kʼololo, Keli ndi akenyi paka etshulwelu ka dikila. Ndi akalungamela akambu wʼololo, Ku akuki alelu atu.

Jakoba 5:4

Nyulungi, difutu dia asi ulimu wakanyukambela dikambo dianyu diakanyakimela la lukesu, diambawana! Ndu alelu wa amunyi wa diango dianyu wambukuma lʼatui wa Khumadiandja Kanga lulimbilimbi.

Mateu 26:56

Keli dikambu ne tshe diambuyala dia nshidiya afundelu wa amvutshi. Ku ambeki tshe wakutshiki, wakalawo.

Malaki 3:5

Dimi layusukana lasuki la nyu lu elumbwelu. Dimi layusamanya dia ndjala omenyi lu dikambu dia akanga wʼaloka, dia akanga wa munanyi, dia atshibi wa lu kashi, dia wane watukimelaka afutu wʼasi ulimu, watusuyaka wadi waki edu la ana wa ditshiki, dia wane watukadimulaka sambu kʼololo uma le ongendangenda, ndu wahatumbukaka woma, mbata Latuyalaka Kanga lulimbilimbi.

Delu dia Jeremiya 1:9

Mindu kayo kaki lu ehimbu wʼekutu ayo; Yo kunkana dia akambu wayuyala lʼekumelu kayo. Diako mbeli ekwelo kayo mamba, Ku nduku la one layisamba. We Latuyalaka, endi sui diami, Ne dia utunyi ambolembia!

Delu dia Jeremiya 1:2

Usumba watulelaka wulu lʼutshu; Atama awo watukumbamaka lʼasoi. Lʼatei wʼelangimi awo, nduku lusamba. Engenyi awo tshe wakukesi; Vo wambuyala atunyi awo.

Isaya 51:23

Layudikitsha lu anya a waku watukusuyaka; Watukutelaka vati: Ukututali, Keli shu teti ladiku diʼokongo aye. We akete okongo aye uku kete, Ee, uku osese wʼambetshetshi mbetaka.

Esambu 42:9

Dimi layumbula Unyashungu, dive diami, nti: Ukundi ambuyumbuhela? Bundi katumokendakendaka la delu, Ne dia ohenyohenyo wʼutunyi?

Esambu 42:3

Asoi ami mbeli ma diami la yanyi ndu lʼutshu, Lamʼatuwumumbulaka tena tshe vati: Unyashungu aye, lendʼendi na?

Esambu 12:5

Latuyalaka kata ati: Kakiane dimi layunela ne dia asui wʼomenyi fono, Ndu ne dia tukuku tʼalelu tʼasi wula. Layuwaela panda katuwukumbulaka.

Jobo 35:9

Antu watulelaka ne dia efula kʼasui, Watuyangaka ekimanyelu, ne dia lunya la kanga wulu leko ladiku diawo.

Isaya 59:7

Ekulu awo watulawoka utsha lu kolo. Vo watusamanyaka dia ntutundja dikila diaha la unungu. Tukanyi tawo teli tukanyi ta kolo. Ohenyohenyo la elanyelu weko lu mbuka kawo.

Malaki 3:18

Ku nyu nyayukalula ntu, nyayuyutshikitanya untu ololo la untu a kolo, one latotemolaka Unyashungu la one lahatotemolaka.

Malaki 2:13

Nyu nyatutshaka dikambu ne ntu: nyu nyatukumbaka ediakelu ka Latuyalaka lʼasoi, lʼalelu ndu lʼakhumu. Keli ndi hadji ashu lu elambu nduku yema, kuyanga mbelungula lʼongenongeno uma lʼanya anyu.

Undaki 7:7

Wengiya eteteka kanga yimba enginya, la mbu yʼutshu atulanyaka utema.

Tukedi 28:3

Usi wula latusuyaka ehumbi, Eli uku mvula ka wulu katulanyaka mbu ya nde.

Esambu 142:4

Uki su lu lunya la pami, endi, Ku nduku untu lanimbitela. Dihuli dia dimi mbishami kema. Nduku untu latukanelaka lumu lami

Esambu 80:5

We akalesha asoi uku ma, Akanosha asoi efula uku ashi.

Esambu 69:20

Tengo yambukhunyamia utema ami khunya. Dimi latuyangaka wane wa mbuka ketshi, ku nduku untu; Latuyangaka wane wa nsamba, ku nduku untu.

Jobo 16:4

Dimi lu dihuli diami. Utunyuyala luteya nteketa uku nyu, Dimi lutunyuhekuya lʼaui, Lutunyunyinginyia ote.

Jobo 6:29

Dimi lambunyosengasenga nti: Nyukani yimba, tanyuntshelaki utshelatshela. Nyumukana yimba, nyulimbiteli uku wahami la unungu.

Embadi 4:3

Asi Isariyele wakaleli le Latuyalaka ne dia Jabina aki la pusupusu ya ta ya mbulu kama divwa. Ndi akasuyaka asi Isariyele wulu deku akumi ahendi.

Euhwelu kʼElembe 28:48

diako mbayunyutukambela atunyi wayunyutumela Latuyalaka ulimu lamʼenyu la ndjala, la pusa kʼashi, la utakataka, ndu la ehumba wa diango tshe. Ndi ayunyukeleka koho ya mbulu, edja ndu ndi ambunyushila.

Euhwelu kʼElembe 28:33

Wedja wahanyeyi wayole elua wa kete yanyu la waho tshe wʼulimu anyu. Nyu nyayohenyahenyamaka, nyayohotshahotshamaka tena tshe.

Etumbelu 1:22

Farayo akadjangela wudja andi tshe ati: Kanyutambiyaki ona pami tshe layutoka lʼatei wʼasi Heberu lu Nile. Keli kanyutshikaki ana amantu tshe la lumu.

Etumbelu 1:16

Lamʼayunyutshakaamantu wʼasi Heberu, naka nyambena ona pami, kanyudiaki; keli naka ona umuntu, ku nyu mbutshika la lumu.

Tukedi 19:7

Anangu tshe wa usi wula watuhetshaka. Ku engenyi andi hawuleki mangana etali uma le ndi uka? Ndi atayelaka la aui wʼosengosengo, keli vo watushishoka.

Undaki 8:9

Dimi lakenyi akambu ane tshe, lakadji utema ami lu kene tshe katutsha-maka lʼesi ulungu. Etena keko ka untu mbulela unyandi dia mbusuya.

Jeremiya 16:7

Antu hawuwasha ma lʼutandadia mbasamba ne dia one lambuvo. Vo hawuwasha dikoho diʼesambelu lu dikambu dia shewo kana dia nyengewo.

Delu dia Jeremiya 1:16

Lu akambu aso mbalelami; mbakela ashu ami asoi, Ne dia usambi wukuki nkikitshami Ambuyala etali uma le mi. Anʼami weko lʼatei wʼelanyelu, Ne dia utunyi ambalembia.

Jobo 9:24

Kete yambukimwama lu anya wʼantu a kolo. Ndi atukumbaka dundji diʼembadi; Naka aha ndi, na ndi na?

Esambu 69:21

Watumbishaka lolengo uku ma; Lamʼatumukaka pusa, watuwumbishaka ashi wʼukai.

Esambu 142:5

Keli dimi lakakulelela, we Latuyalaka, Dimi lakati nti: We keli eshamelu kami, Etenyi kami kʼukito lu kete ya wasena.

Tukedi 29:2

Lamʼatulelaka antu wʼololo, wudja watongenangenaka. Keli lamʼatulelaka untu a kolo, antu watukhumaka akhumu.

Delu dia Jeremiya 1:17

Siona ambusimbula anya ayo, Ku nduku leko diambusamba. Latuyalaka akati lu dikambu dia Jakoba, Dia asukanyi awo ndjala atunyi awo. Jerusalema ambuyala engo ka mindu lʼatei awo.

Amose 3:9

Nyudianganya lukumu lu mvudu ya khumʼekanga ya la Asuriya, Ndu lu mvudu ya khumʼekanga ya lu kete ya Edjibitu, Nyuti nyati: Nyusangani ladiku diʼekungu wa Samariya; Nyendi ufutanu a wulu weli lʼatei awo, La akambu wa ngala weli loko.

Amose 3:10

Vo haweyi ntsha akambu wʼusimbwi, Mbata Latuyalaka. Vo watuyaumbelaka diango diʼuma lu akambu wa ngala La uvi lu mvudu yawo.