Undaki 2:3 - La Bible en Otetela (Bible K'Ekila) 1991

³ Dimi laka-shishima utema ami, dia vo nombola dimba diami la yimba, dia dimi ngena-ngena la wanu, la dia dimi nkimela utshatsha edja ndu lamʼayumulimbitela kene keli ololo dia antu ntshaka lʼesi ulungu nshi tshe ya lumu lawo.

Undaki 2:3 Iomraidhean Croise

Etatelu 47:9

Jakoba akûkaluya diui ati: Nshi ya lokendo lami yaya deku lukama la akumi asatu. Nshi yami yeki tshitshe ndu yo yaki too la akambu wa toshoko. Yo yatakuki lu yediko yaki kendo ya wapapa.

Jobo 14:14

Undi, naka untu ambuvo, ndi ayulumba ntu? Dimi lutukikitala lu nshi tshe yʼasui ami, Edja ndu lamʼayumutshungo.

Esambu 104:15

La wanu watongenyangenyaka etema awo, Ndu iso ka ningialingia dundji diawo, La dia nde dia mbisha nyumu yawo wulu.

Tukedi 20:1

Wanu eli osokanyi, enono ka wulu eli kanga lundju. La one latolombwamaka la wo, kema la yimba.

Undaki 1:17

Dimi lakadji utema dia nimbitela yimba, la dia nimbitela akambu wʼenginya ndu wa djeli. Ku dimi lakashihudia nti: Ndu dikambu ne dieli uku untu latatshanya lopepe.

Undaki 10:19

Antu watolekaka dambu dia ndjangenyangenya, watonokika wanu dia ngenyangenya lumu, la falanga yatukukaka lu akambu tshe.

Undaki 12:13

Akambu tshe wambukema, nyulungi ekumelu ka dikambu. Uki Unyashungu woma, ulamaki elembe andi. Oso eli okende wʼuntu tshe.

Undaki 2:24

Nduku diese diuleki le untu uku nde la no, la ngenyangenya utema andi lʼulimu andi. Keli lakenyi nti: Ndu dikambu ne diambuya uma lu lunya la Unyashungu.

Undaki 5:18

Nyulungi dikambu diakamenyi. Le untu, engo kʼololo ndu ka dimena, eli nde, no, la ngenangena lʼulimu tshe watundutshaka lʼesi ulungu, lu nshi ya lumu landi tshe yakawusha Unyashungu. Oso eli etenyi kandi.

Undaki 6:12

Untu akona eya kene keli ololo le untu? Nshi tshe ya lumu landi lʼanyanya yatetaka uku dedi. La akona ayeya mvutela untu kene kayuyala lʼokongo andi lʼesi ulungu?

Undaki 7:18

Ololo we nkimela dikambu ne tudikimoki; ne dia one latukaka Unyashungu woma, ayutumba uma lʼakambu aso tshe.

Undaki 7:25

Dimi lakakani yimba dia mbidja utema dia nyanga, nshishima, la nimbitela yimba la akambu uku wewo, la dia mbeya ati: Akambu wa kolo weko djeli, la akambu wʼenginya weko epoka.

Undaki 8:15

Ku dimi lakalemia ongenongeno, ne dia nduku diese dieli le untu lʼesi ulungu, diuleki nde, no, la ngenangena; ne dia ongenongeno ako ayutshikala la ndi lʼulimu andi lu nshi ya lumu yakawusha Unyashungu lʼesi ulungu.

Mateu 6:24

Nduku undi leya nkamuela ewandiji ehendi ulimu. Ne dia ndi ayuhetsha omotshi, avulanga ukina, kana ayekela omotshi, ayonyola ukina. Nyu hanyeyi nkambela Unyashungu la ukundiji ulimu.

Efeso 5:18

Tanyudjoki wanu weli la somboki loko, keli nyuludiami la Nyuma.

Embadi 9:13

Ku okodi wa vinyo akakaluya diui ati: Dimi tshiki ashi ami wʼelua watongenyangenyaka Unyashungu la antu, dia dimi ndjahakakala ladiku diʼetamba?

1 Samuele 25:36

Abingayili akakalula le Nabala. Atani ku ndi akatshi dambu lu luudu landi, uku dambu dia khumʼekanga. Ndi aki la ongenongeno lʼutema andi, akadjo wanu efula. Abingayili kumbutela nduku diui, edja ndu la pindju.