Tukedi 4:23 - La Bible en Otetela (Bible K'Ekila) 1991

²³ Okolamelaki nama utema aye lʼeteti, Ne dia uma loko katutumbaka teko dia lumu.

Tukedi 4:23 Iomraidhean Croise

2 Khumi ya Dikanga 10:31

Tena tshe, Jehu kumambalaka dia nkendakendaka lʼutema andi tshe lu elembe wa Latuyalaka, Unyashungu wa Isariyele. Ndi kunkadimo uma kolo yakanganyiaka Jeroboama Isariyele.

Tukedi 11:16

Umuntu leli la ngandji ka mamba, atuyalaka la nemo. Keli apami wa ngala watuyalaka la ekundji.

Tukedi 13:3

Untu latulamaka unyo andi, atulamaka lumu landi. Keli one lataseka unyo andi, ayulanyema.

Tukedi 16:17

Mbuka kʼuntu lʼusimbwi keli dia mumo uma lu kolo. One latulamaka mbuka kandi, atumbaka utema andi.

Tukedi 22:5

Atende la tulunga watuyalaka lu mbuka kʼuntu a kolo. Keli one latulamaka utema andi, atanganaka etali uma le wo.

Tukedi 23:19

Onʼami ulungi, uyali kanga yimba; Olombole utema aye lu mbuka kʼusimbwi.

Tukedi 28:26

One latekamaka utema andi hita, eli kanga enginya. Keli one latokendakendaka lu akambu a yimba, ayushimbamela.

Tukedi 3:21

Onʼami, ulami yimba la ewu, Tawumoki lu ashu aye.

Tukedi 4:7

Yimba mbeli dikambu diuleki. Okone uyali la yimba Ladiku dia diango tshe dia kundja, ukundja ewu.

Undaki 5:13

Kolo ka wuki kakamenyi lʼesi ulungu kene: ekundji watulamemaka dia ntshela kangawo kolo.

Jeremiya 17:9

Utema ndeka diango tshe lukesu, Vo weko kolo efula. Akona ayeya mbulimbitela?

Mateu 15:18

Keli kene katutumbaka uma lʼunyo, katuyakaka uma lʼutema. To katulanyaka untu.

Mateu 15:19

Ne dia uma lʼutema katutumbaka tukanyi ta kolo, diakanelu, luseka, munanyi, uvi, omenyi wa kashi, la dimamanyelu.

Mako 14:38

Nyosenaki, nyolombaki, nyutokoko lʼehimba. Mete, utema nangaka, keli dimba mbeli wodu.

Luka 6:45

Untu ololo atutundjaka kene keli ololo uma lu eumbelu kʼololo kʼuma lʼutema andi. Untu a kolo atutundjaka kene keli kolo uma lu eumbelu kandi ka kolo; ne dia unyo andi atoteketaka akambu wa lʼutema.

Euhwelu kʼElembe 4:9

Dikambu otoi, uyalami, umbi utema aye ololo nshi tshe ya lumu laye, ne dia utukuyuhela akambu wakayenyi lʼashu, ndu watukutumba uma lʼutema aye. Kuwaetshaki anʼaye la ekana aye —

Heberu 12:15

Nyendaki ololo, ne dia untu atukunga ngandji ka mamba ka Unyashungu; udiu a lutunu atukutumba lʼatei anyu dia nyohenyahenya, ndu dia nanya antu efula.