Tukedi 4:18 - La Bible en Otetela (Bible K'Ekila) 1991

¹⁸ Keli mbuka kʼuntu ololo keli uku usasi wʼehutwelu kʼunya, Watufulanelaka edja ndu wʼunya lʼatei ote.

Tukedi 4:18 Iomraidhean Croise

2 Samuele 23:4

Ndi eli uku usasi wa pindju lamʼawanda unya; Uku pindju kaha la wangi Lamʼamonga adiyu la yanyi lʼokongo a mvula.

Jobo 11:17

Ku lumu laye layuleka unya lʼatei ote ngaingai; Udjima wa lumu laye wayuyala uku sasi dia pindju.

Jobo 17:9

Untu lʼololo ayokolamela lu mbuka kandi, La one leli la anya a wulu, ayutakolamelaka ndjala la wulu.

Jobo 23:10

Keli ndi mbeyaka mbuka katumokendakendaka, Lamʼayundushidiya mbedika asui ane, dimi layutumba uma loko pudipudi uku paunyi.

Esambu 84:7

Wulu awo atutamanyaka nfula lamʼatawakendakenda. Vo tshe watuyaenyaka le Unyashungu lu Siona.

Esambu 97:11

Usasi atohetaka ne dia antu wʼololo, Ndu ongenongeno atuyalaka ne dia akanga wʼetema wʼusimbwi.

Tukedi 13:9

Usasi wʼuntu ololo watohetaka. Keli tala diʼuntu a kolo diatudimalaka.

Tukedi 15:24

Le kanga yimba, mbuka ka lumu katelelaka utsha ladiku, Dia ndi mumo uma lu Dihuli diʼEdu dieli lʼesi.

Tukedi 2:20

Okone we ayokendakendaka lu mbuka kʼantu wʼololo, Ndu ayulamaka tuwuka tʼantu wʼusimbwi.

Tukedi 2:9

Ku we ayulimbitela ololo, uluwanyi, La sambu kʼololo, mbuka tshe keli ololo,

Isaya 26:7

Mbuka kʼuntu lʼusimbwi keli usimboki. We untu lʼusimbwi, we katolongosolaka mbuka kʼuntu ololo.

Danyele 12:3

Akanga a yimba wayohetaka uku ngaingai kʼulungu. Ndu wane watukadimulaka antu efua utsha lu akambu wʼolola, wayohetaka ngaingai nshi tshe pundju uku toto.

Hosea 6:3

Tulimbiteli Latuyalaka, Tutetemali nyanga mbulimbitela. Eyelu kandi keko shikaa uku ehutwelu ka unya. Ndi ayuya le su uku mvula, Uku mvula yʼadihelu yatutungaka elula lu kete.

Mateu 5:14

Yanyi ya wa la kete mbenyu. Haweyi mbishe usumba weli ladiku dia dikuna.

Mateu 5:16

Okone usasi anyu ahete la ntundu ka antu, dia vo kaweyi etsha anyu wʼololo, kawutumbuli Shenyu le lʼulungu.

Mateu 5:45

Okone nyu nyayuyala ana wa Shenyu le lʼulungu, ne dia ndi atuhutuyaka unya le antu wa kolo ndu le antu wʼololo, ndu atutumaka mvula le antu wʼololo ndu le antu wa kolo.

Joani 8:12

Jesu akawatela ntu ati: Yanyi ya wa la kete mbemi. One landjela, hakendakenda lu udjima, keli ndi ayuyala la yanyi ya lumu.

2 Koreto 3:18

Keli shu tshe, lamʼendasu lutumbu la Khumadiondjo la dundji diahakumbami, uku lu lulindu, shu tambuhilwama lu efanelu kandi, uma lu edelu kemotshi utsha lu edelu kekina ka lu lutumbu, uma le Khumadiondjo leli Nyuma.

Filipi 2:15

dia nyu ndjala nyaha la unungu, nyaha la lukesu, ana a Unyashungu wana la ekomo lʼatei alolonga la kolo ndu lahasimbwi, nyambenama lʼatei awo uku esasi wa kete.

2 Petero 1:19

Shu teko la diui ne diʼamvutshi, diuleki nshikimala. Okone nyu nyayutsha ololo lamʼayunyewo, uku ewonyu tala diaheta lu dihuli dia udjima edja ndu lamʼayuhuto unya, ndu lamʼayuhanema yoto ya loheto lʼetema anyu.

2 Petero 3:18

Keli nyuli lu ngandji ka mamba la lu elimbitelu ka Khumesu, Ushimbedi Jesu Kristu. Lutumbu layali le ndi kakiane ndu pundju! Ayali osoku!

Enyelo 21:23

Usumba kumpumba unya kuyanga ngondo dia mpeta loko, ne dia lutumbu la Unyashungu lakahete loko, Ona-Okoko eko tala diawo.

Enyelo 22:5

Huyala utshu leko. Vo hawuhumbi usasi wa tala kuyanga usasi wa unya, ne dia Khumadiondjo Unyashungu kayuwahetela. Vo wayulela pundju pundju.

Embadi 5:31

Latuyalaka li! atunyi aye tshe walanyemi osoku! Keli wane watukukaka ngandji, wayali uku unya Lamʼatuwuwaleka wulu. Ku kete yakatshikala ki deku akumi anei.