Tukedi 3:9 - La Bible en Otetela (Bible K'Ekila) 1991

⁹ Olemia Latuyalaka la ekundji aye, La elonga wʼuma lu dikambo diaye tshe.

Tukedi 3:9 Iomraidhean Croise

Etatelu 28:22

Dive diamumeme ne, diayali uku luudu la Unyashungu. Ku uma lu diango tshe diayundumbishaka, dimi layukaluyaka etenyi ka dikumi le ndi.

2 Ekondo 31:10

Olombedi a ladiku Azariya, uma lu khumbu ka Zadoka, akûkaluya diui ati: Uma lamʼakawatatela mbela elambu luluudu la Latuyalaka, shu takali, takaluti, takatshiki efula, ne dia Latuyalaka akatshokola wudja andi. Lanʼeli ului a wuki wa ene wambutshikala.

2 Ekondo 31:21

Ndi akatshaka ulimu tshe wakandatatela lu dikambu dia luudu la Unyashungu lʼutema otoi, dikambu dia elembe la adjangu, ndu dikambu dia nyanga Unyashungu andi; ku ndi akangone.

Esambu 144:13

Apenge asu watululaka too La wehu tshe wa mbu ya nde. Ekoko asu watufulanelaka nunu nunu, ndu nunu akumi akumi Lʼesui asu.

Etumbelu 22:29

Tutshimbatshimbaki dia nambula olonga aye wa mbu ya nde, ndu wʼelua wa dinela diaye. Kumbishaki onʼaye a pami lʼenundu.

Etumbelu 23:16

Kuyalaki la lushi la wuki la dinela diʼoionga wa ulimu aye uma lu diango diayuyuneka lu dikambo. Kuyalaki la lushi la wuki la dinela lʼekumelu kʼeleku lamʼayuyushidiyaka mbotshiya dinela dia ulimu aye wa dikambo lu dihuli diʼeumbelu.

Etumbelu 23:19

Kelaki olonga wa diango diʼuma lʼekambo lu luudu la Latuyalaka, Unyashungu aye. Tukateki osongo a mbudi lu awele wa nyangu.

Etumbelu 34:26

Kelaki elonga wa dinela diʼuma lu dikambo uya lu luudu la Latuyalaka, Unyashungu aye. Tukateki yana ya mbudi lu awele wa nyangu.

Tukedi 11:25

Kanga utema a lukahu atuhamaka. One latushaka antu ashi wa no, wayuwusha ndu ndi.

Tukedi 14:31

One latusuyaka usi wula, atotengaka Utungi andi. Keli one latukaka omenyi fono ketshi, atolemiaka Utungi.

Isaya 43:23

We kumbelami elambu wa lutshumba uma lu dungalunga diaye. We konemiami la elambu aye. Dimi kunkohenyahenya dikambu dia elambu wa lutshumba, Kunkuhekuya dikambu oiʼulambu wa shima.

Akambu wʼAsi Lewi 19:25

Ku lʼeleku ka tanu, nyu mbeyaka nde elua awo, dia vo nyotwela elua efula. Dimi keli Latuyalaka, Unyashungu anyu.

Walelu 15:20

Kanyulambulaki ukama wa ma wʼuma lu shima kʼolonga ulambu. Kanyulambuli uku ulambu wʼuma lu dihuli diʼesuswelu.

Mateu 25:17

Ndu one lakalungula talata hyendi, akakundja kina hyendi.

1 Koreto 16:2

Lu lushi la ntundu la lubingu, untu lʼuntu lʼatei anyu umbi diango lakandi uku akundjandi, dia nyu nyutukuyokongola diango lamʼayumuya leko.

Euhwelu kʼElembe 14:29

Ku usi Lewi laha la etenyi kuyanga ukito kame la nyu, ongendangenda, ona etshiki la wadi aki udu, weli lu esumba anyu wayuyaka, wayoleka, wayulutaka. Ku Latuyalaka, Unyashungu anyu, ayunyotshokola lu elimu tshe wayunyutshaka lʼanya anyu.