Tukedi 3:7 - La Bible en Otetela (Bible K'Ekila) 1991

⁷ Tuyalaki kanga yimba lu ashu aye weme: Uki Latuyalaka woma, umo uma lu kolo.

Tukedi 3:7 Iomraidhean Croise

2 Samuele 12:20

Ku Davidi akunela uma lu kete, akoke, akashinula, akengula ahondo. Ndi akatshu utsha lu luudu la Latuyalaka, akatotemola. Ku ndi akakalula lakandi. Ndi akati dia vo mbela ma, ku ndi akali.

Nehemiya 5:15

La ntundu kami, umbuledi wa ntundu wakahekuya wudja, wakalungulaka ma la wanu uma le wo, ladiku dia toshekele ta fesa akumi anei. Ndu ekambi awo wakasuyaka wudja. Dimi kuntsha wuhu oso uma lu woma wa Unyashungu.

Jobo 1:1

Lu kete ya Uze kaki untu omotshi, lukumbu landi Jobo. Pami keso aki untu ololo ndu usimbwi; akakadimo uma lu kolo.

Jobo 28:28

Ku ndi akatela untu ati: Ulungi, woma wa Khumesu mbeli yimba; La anganelu kʼuma lu kolo keli ewu.

Etumbelu 20:20

Ku Mose akakaluya diui ati: Tanyukaki woma; ne dia Unyashungu ambuhulo dia ndjunyedika, ndu dia woma andi menama lu ashu anyu, diaha nyu ntsha kolo.

Tukedi 14:16

Kanga yimba atuyakimelaka, atukadimoka uma lu kolo. Keli kanga enginya hatuyakimelaka, atutshaka utshatsha.

Tukedi 14:27

Woma wa Latuyalaka eli eteko ka lumu, Dia untu mpanda tulunga ta nyoi.

Tukedi 16:6

Uma lu mete la kolamelu mbatudimanyiamaka kolo; La uma lu woma wa Latuyalaka mbatukadimoka antu uma lu kolo.

Tukedi 23:4

Tuyahenyahenyaki dia ndjala kanga ongonyi, Tudjaki yimba vaye loko.

Tukedi 26:12

We atenaka untu latuyakanaka ati: Kanga yimba kendi? Uleki nungamela le kanga enginya uleki le ndi.

Tukedi 26:5

Ukaluya kanga enginya diui uku eli enginya kandi Ne dia ndi atukayakana ati: Kanga yimba kemi.

Tukedi 28:11

Kanga ongonyi atuyakanaka kanga yimba. Keli usi wula leli la ewu, ayuwushula.

Tukedi 28:26

One latekamaka utema andi hita, eli kanga enginya. Keli one latokendakendaka lu akambu a yimba, ayushimbamela.

Tukedi 8:13

Woma wa Latuyalaka eli dia mpetsha kolo. Utaku, ngala, mbuka ka kolo, La unyo a kolo mbatumuhetshaka.

Undaki 12:13

Akambu tshe wambukema, nyulungi ekumelu ka dikambu. Uki Unyashungu woma, ulamaki elembe andi. Oso eli okende wʼuntu tshe.

Isaya 5:21

Mananu kayali le waku watuyaenaka akanga a tumba lu ashu awo, Ndu watuyakanaka akanga a bewu!

Romo 11:25

Anyasu, ne dia nyutukuyasema uku akanga a yimba, mbalangami nyu mbeya dikambu diushami ne: etenyi kemotshi ka wudja wa Isariyele wambuyala la etema wa lunyu, edja ndu yediko yʼasi wedja mboto lu diulelu yambukuka.

Romo 12:16

Nyuyali lʼutema otoi. Tanyudjaki tukanyi tanyu lu akambu wa ndjambiya. Tanyuyambiyaki keli nyekesaneli la wane wukitshikitshi. Tanyuyalaki la utaku.