Tukedi 3:6 - La Bible en Otetela (Bible K'Ekila) 1991

⁶ Uwetawoki lu akambu aye tshe, Ku ndi ayukolongoswela mbuka yaye.

Tukedi 3:6 Iomraidhean Croise

1 Ekondo 28:9

We onʼami Solomona ulimbiteli Unyashungu a sho, ukambeli ulimu lʼutema otoi la lumu tshe, ne dia Latuyalaka atukembaka etema tshe, atulimbitelaka dikanyiakanyia dia tukanyi. Naka we ayuyanga, ndi ayuyakimo dia we mbutana. Keli naka we ayoseka, ndi ayukukadja pundju.

Ezera 7:27

Latuyalaka, Unyashungu a washesu, lakadji saki kene ka nduwanya luudu la Latuyalaka leli la Jerusalema lʼutema a khumʼekanga, atumbwami!

Nehemiya 1:11

Khumemi li, lambukosengasenga nti: Uhuke tui lu dombelo diami, dimi ukambi aye, ndu lu dombelo diʼekambi aye watulangaka mbuka lukumbu laye woma. Umbuki ngandji kaye ka mamba, umpumuya dimi ukambi aye lukulu lʼolo, la ntundu ka untu one. Dimi laki umangudi a wanu wa khumʼekanga.

Nehemiya 2:4

Ku khumʼekanga akamumbula ntu ati: Kalombaye na? Ku lakalombe Unyashungu a lʼulungu.

Nehemiya 7:5

Unyashungu ami akambidji saki lʼutema dia nsanganya antu a waki, elohe la wudja, dia mbala uku ekondo wʼeutwelu kawo. Dimi lakashula Buku diʼEkondo wʼeutwelu ka wane wakayi ntundu, ku lakenyi akambu ane wufundami loko:

Esambu 32:8

Ku Latuyalaka ati: Dimi layuketshaka ndu layukenyaka mbuka ka we nkendakenda, Dimi layukulakaka, layukendaka.

Tukedi 11:5

Sambu kʼololo kʼukilami ayuluwanya mbuka kandi. Keli untu a kolo ayoko ne dia kolo kandi.

Tukedi 16:3

Ekamaki Latuyalaka lʼelimu aye tshe. Ku sangweyu diaye diayushikikala.

Tukedi 16:9

Utema wʼuntu atukanaka yimba dia mbuka kandi. Keli Latuyalaka atolombolaka.

Tukedi 23:17

Utema aye tawukaki antu wa kolo kandjema. Keli ukaki Latuyalaka woma tena tshe.

Isaya 26:7

Mbuka kʼuntu lʼusimbwi keli usimboki. We untu lʼusimbwi, we katolongosolaka mbuka kʼuntu ololo.

Isaya 30:21

Lamʼayunyuyanga mbetola lu lunya la pami kana la lomoso, atui anyu wayuka diui uma lʼokongo ati: Mbuka keku, nyokendekende loko! nyokendekende loko!

Isaya 45:13

Dimi lakudia Kuro lu sambu kʼololo, La dimi layukitanyia mbuka yandi tshe. Ndi ayuhika usumba ami. Ndi ayutshungula antu ami uma lu fumbi utshungulatshungula, Aha la difutu diʼetshungwelu, mbata Latuyalaka Kanga lulimbilimbi.

Isaya 48:17

Okone mbata Latuyalaka, Utshungudi aye, lʼEkila la Isariyele ati: Dimi leli Latuyalaka, Unyashungu aye, Latuketshaka dia we nduwana. Ndu latukolombolaka lu mbuka kahumbaye ntsho.

Jeremiya 10:23

Latuyalaka li, dimi mbeyaka nti: Untu hakendakendaka lu mbuka uma lu wulu andi! Lamʼatundokendakendaka, ndi ndame heyi nombola ekulu andi.

Jeremiya 42:3

Latuyalaka, Unyashungu aye, atenya mbuka kahumbasu ndjela, ndu uku abumbasu ntsha!

Walelu 9:20

Tena dimotshi, dingi diakatshikalaka ladiku dia etemwelo ka dipema nshi motshi tshu. Asi Isariyele wakahangaka uku diui dia Latuyalaka; ku wakunelaka uku diui dia Latuyalaka le wo.

1 Koreto 10:31

Okone kana nyayole, kana nyayono, kana dikambu tshe diayunyutsha, nyutshi dia lutumbu la Unyashungu.

2 Koreto 8:16

Keli tambuka Unyashungu lusaka, ne dia ndi ambudja tukanyi ta nyulama ololo lʼutema a Tito.

Filipi 4:6

Tanyuyakananyaki, keli lu akambu tshe, nyuti ehumba anyu le Unyashungu lu dombelo la osengosengo kame la eukelu ka lusaka.

Kolosai 3:17

Akambu tshe watanyu la watshanyu, nyutshi tshe lu lukumbu la Khumadiondjo Jesu. Nyuki Unyashungu Shesu lusaka dia dikambu diandi.

Kolosai 3:23

Akambu tshe watshanyu, nyatshi lʼutema otoi, uku le Unyashungu, aha le antu.

Jakoba 1:5

Naka omotshi ambuhumba yimba, ndi alombe Unyashungu, katushaka antu tshe diango la lukahu, hahangwela, ku ndi ayuwushayo.

1 Samuele 30:8

Davidi akambula Latuyalaka ati: Ndjeli alimbi ane? layutuwanda? Latuyalaka akûkaluya diui ati: Yelana la wo, we ayutuwanda. Ku we ayutahotola diango tshe.