Tukedi 28:1 - La Bible en Otetela (Bible K'Ekila) 1991

¹ Antu wa kolo watulawoka ulawolawo. Keli antu wʼololo watuyalaka la dihunga uku tambwe.

Tukedi 28:1 Iomraidhean Croise

Euhwelu kʼElembe 28:7

Latuyalaka ayunyolembia atunyi anyu, wayunela dia ndo la nyu. Vo wayuya lu mbuka otoi, ku wayulawo la ntundu kanyu lu mbuka esambeli.

Esambu 53:5

Lu dihuli diaki kundjala woma ntundu, Vo wakatamanya mbuka woma, Ne dia Unyashungu akadianganya weka wa one lakakukela wumbe. We akawautsha sonyi ne dia Unyashungu akatuni.

Esambu 112:7

Ndi hayuka kumu ya kolo woma. Utema andi ambukikitala, atekamaka le Latuyalaka.

1 Tesalonika 2:2

Keli lamʼakawatusuya ntundu, ndu lamʼakawatutsha sonyi la Filipi, uku weyanyu, shu takakikitala le Unyashungu asu, dia nyutela lukumu lʼololo la Unyashungu lʼatei wʼasui efula.

Etsha wa Atumami 4:13

Lamʼakawenyi dihunga dia Petero la Joani, lamʼakaweyi vati: Haweyi mukanda, antu kʼantu mbewo, vo wakambi, wakawaeyi vati: Waki la Jesu.

Etsha wa Atumami 14:3

Ku vo wakatshikala leko edja, wateketa la dihunga lu wulu wa Khumadiondjo, ako lakati diui dia ngandji kandi ka mamba, laketawo dia tulimbitelu la akambu wa mamba ntshama lʼanya awo.

Jeremiya 20:4

Latuyalaka kata okone ati: Ulungi, dimi layukutsha woma wa mamba, we la engenyi aye tshe. Vo wayudiakema la tombo tʼatunyi awo. We ayena dikambu diako la ashu aye. Dimi layukimo Juda tshe lu anya wa khumʼekanga ka Babilona. Ndi ayatola lu fumbi utsha la Babilona, ayutadiaka la yombo.

Akambu wʼAsi Lewi 26:36

Layudja woma lʼetema a wane wayutshikala lʼokongo anyu lu kete ya atunyi awo. Lundju lʼesakanelu ka dikatshi mbeyaka mbalawuya. Vo wayulawo uku atuwulawoka yombo. Wayoko, ku nduku untu latawatshanya.

Euhwelu kʼElembe 28:25

Latuyalaka ayukimanyia atunyi anyu dia vo nyolembia. Nyu nyayutsho lu mbuka otoi dia ntalosha, ku nyu nyayalawo lu mbuka esambeli. Nyu nyayutasekasekamaka lʼatei a waulelu tshe wa la kete.

2 Khumi ya Dikanga 7:15

Vo wakatshu lu wanya awo pulu ndu la Jorodana. Wendi ku mbuka tshe kakayadi ahondo atu kalakala la diango diakatakadjaka asi Suriya lamʼakawatalawoka. Ku akendji wakakalula, wakayutela khumʼekanga.

Isaya 7:2

Wakayutela khumbu ka Davidi vati: Asi Suriya wambudja la asi Efarayima sheki. Ku utema wa Ahaza la etema wʼasikandi wakasutshasutshama uku atusutshasutshamaka etamba la lopepe.

Etumbelu 11:8

Ku ekambi aye ene tshe wayuya le mi, wayuyunkhusamela wata vati: Nyutumbi, we la wudja aye tshe watukuyelaka. Lʼokongo diku, layutumba uma lu kete yanyu. Ku ndi akatumbi la kele ka mamba uma laka Farayo.

Akambu wʼAsi Lewi 26:17

Dimi layendana la nyu, ku nyu nyayolembiama, la ntundu kʼatunyi anyu. Wane watunyuhetshaka wayunyulela, la nyu nyayulawo ulawolawo lamʼahanyutshanya nduku untu.

Nehemiya 6:11

Dimi lakukal tya diui nti: Untu uku dimi, ku ndawo. Na wuhu wʼantu weli uku dimi, wukiki mboto lu etemwelo, ku ntshikala la lumu? Dimi haloto loko.

Tukedi 27:27

Awele wa mbudi weko wa nkuka ma diaye la dia wa lu luudu laye, Ndu wankutsha ehumba wʼekambi aye wʼamantu.

Isaya 30:17

Antu kinunu wayulawo la luhangu lʼuntu otoi, La luhangu lʼantu atanu nyu nyayulawo, Edja ndu nyambutshikala uku utamba waki dembela lʼote wʼukungu, Uku djimbitelu yʼeuhwelu lu dikuna.

1 Khumi ya Dikanga 1:49

Ku waku tshe wakasangana laka Adonidja wajadidima, wakunela, wakatshu untu lʼuntu lu mbuka kandi.

Jobo 15:21

Lundju la woma a mamba watukemaka lu atui andi. Lu nshi ya ki, unanyishi ayuwunda.

Esambu 53:6

Panda ka Isariyele li, atumbi uma lu Siona! Lamʼakaluya Unyashungu wudja andi uma lu fumbi, Ku Jakoba ayongenangena, ee, Isariyele ayuka olo.

Tukedi 10:9

One latukendakendaka aha la lukesu, atokendakendaka ololo. Keli one latufutanyaka mbuka yandi, ayushwama.