Tukedi 2:4 - La Bible en Otetela (Bible K'Ekila) 1991

⁴ Naka we ayukiyanga uku fesa, Ndu ayukiyanga wulu uku eumbelu kushami,

Tukedi 2:4 Iomraidhean Croise

Etatelu 26:32

Lushi lako ekambi wa Isaka wakayi; wakayuwutela lukumu la eteko kakawatshimaka vati: Tambutundula lʼashi.

Jobo 3:21

Wane watulungamelaka nyoi, ku to hayi le wo, Ndu watukikumbulaka uleki ekundji wushami,

Esambu 119:127

Diako mbatumulangaka elembe aye, Ndeka paunyi, ee, uleki paunyi ka lutshula.

Esambu 119:14

Dimi latongenangenaka dia ndjela elembe aye, Uleki ekundji tshe.

Esambu 119:72

Olembe uma lʼunyo aye ambuleka Tenyi dia paunyi la fesa nunu nunu ololo le mi.

Esambu 19:10

Yo ndeka paunyi ushinga wulu, ee, yo yatulekaka paunyi efula ya lutshula. Yo ndeka usanga wa djui mpe, ee, yo yatulekaka usanga wʼuma lu ehihi mpe.

Tukedi 16:16

Ndi nkundja yimba ndeka nkundja paunyi olo li! Dia nkundja ewu ndeka nsonola fesa ololo.

Tukedi 2:3

Ee, lamʼayuyulelela yimba, Ndu lamʼayuyuwelela ewu;

Tukedi 23:23

Ukundja mete, keli tukisundjaki, Ee, ndu yimba, wetshelu la ewu.

Tukedi 4:7

Yimba mbeli dikambu diuleki. Okone uyali la yimba Ladiku dia diango tshe dia kundja, ukundja ewu.

Tukedi 8:17

Dimi latulangaka wane watunangaka. Wane watunyangaka lʼeteti, wayumbishula.

Undaki 4:8

Untu omotshi eko leli ndame, nduku ukina leli lʼonongo andi. Ndi kema la ona pami kuyanga onangu, keli ulimu andi watayala lʼekumelu, kuyanga ashu andi nduta ukundji; ne dia ndi atuyambulaka lʼutema andi ati: Akona akambelami ulimu, ndu kahumbiami utema ami ongenongeno? Ndu dikambu so, dieko anyanya ndu kolo.

Mateu 13:44

Diulelu dia lʼulungu dieli uku eumbelu kakashama lʼekambo, kakashula untu, kakandiafe ntu. Ne dia ongenongeno andi, mbakandiatusundja kene tshe kaki la ndi, mbakandiasumbi ekambo kako.

Mateu 19:29

Untu tshe lambutshika mvudu, kana anangu, kana akadiyendi, kana shi, kana nyangu, kana ana, kana kete, ne dia lukumbu lami, ayulungula diango lukama lukama; ayukita lumu la pundju.

Luka 16:8

Uwandji akandula ulami a kolo, ne dia ndi akatshi akambu wa yimba; ne dia ana wʼetena kene, wambuleka ana wa yanyi yimba lu lolonga lawo.