Tukedi 2:22 - La Bible en Otetela (Bible K'Ekila) 1991

²² Keli antu wa kolo wayunyema uma la kete, Akanga wʼukadi wayukhundwama uma loko.

Tukedi 2:22 Iomraidhean Croise

1 Khumi ya Dikanga 14:14

Latuyalaka ayudja khumʼekanga lu Isariyele, kayushila khumbu ka Jeroboama ushiki lushi lako. Aha elo kayutshama dikambu diako?

1 Ekondo 10:13

Okone Saulu akavu uma lʼuhedia wakandahediaka Latuyalaka, ako lakindi kunkitanyia diui diandi, ndu ne dia ndi akatshu le one latoteketshaka djimu dia ndi mboteketshiyadio.

Jobo 21:30

Lu lushi lʼelanyelu, untu a kolo atuhandaka; Lu lushi la kele, ndi atushimbamelaka?

Esambu 104:35

Atshi wa kolo washili la kete, Antu wa kolo tawuyalaki ntu! Utema ami, utumbuli Latuyalaka, Ee, nyutumbuli Latuyalaka!

Esambu 145:20

Latuyalaka atulamaka wane tshe watuwukaka ngandji, Keli ndi ayulanya antu wa kolo tshe.

Esambu 37:20

Keli antu wa kolo wayushisho, Atunyi wa Latuyalaka wayuyala uku wata wʼesongo wʼekoko, Wayulungula, wayushisho uku dinga.

Esambu 37:22

Wane wambotshokwama le Latuyalaka, wayukita kete. Keli waku watudjamaka mananu le ndi, wayunyema.

Esambu 37:28

Latuyalaka atulangaka sambu kʼololo. Ndi hatosekaka ekilami andi. Antu wʼololo watulamemaka pundju, Keli ana wʼantu wa kolo wayunyema.

Esambu 52:5

Ukuku mbayukulanya Unyashungu pundju, Ndi ayukunda, Ku ayukutundja uma lu luudu laye la dipema, Ayukunyia uma lu kete ya wa sena.

Esambu 52:7

Enda, untu one kombekama le Unyashungu, Keli akekama lʼefula kʼongonyi andi. Ndi akayakikitsha lu kolo kandi.

Tukedi 10:30

Untu ololo hamoki pundju. Keli antu wa kolo hawutshikalaki la kete.

Tukedi 11:3

Akambu wʼusimbwi wʼantu wʼuluwanyi mbatolombolaka. Keli akambu wahasimbwi wʼakanga wʼukadi mbatalanyaka.

Euhwelu kʼElembe 29:20

Latuyalaka hudimanyia. Keli kele la kandjema ka Latuyalaka wayufulanela le pami kako, la mananu tshe yufundami lu buku ne yayuya le ndi. Ku Latuyalaka ayudimula lukumbu landi uma lʼesi ulungu.

Euhwelu kʼElembe 29:28

Okone Latuyalaka akawanya uma lu kete yawo la kele, la ududu ndu la yenyi ya wulu, mbakandatuwakadja lu kete kina, uku wewo elo.

Euhwelu kʼElembe 7:22

Latuyalaka, Unyashungu anyu, ayunyutshanyia wedja eku weli la ntundu kanyu yema, yema. Tanyadiakaki lʼetena otoi, ne dia nyama ya lʼukunda yatukufulanela, ku yo ndja le nyu.