Tukedi 18:10 - La Bible en Otetela (Bible K'Ekila) 1991

¹⁰ Lukumbu la Latuyalaka eli etangelu ka wulu. Untu ololo atulawoka atushamaka loko.

Tukedi 18:10 Iomraidhean Croise

Etatelu 17:1

Lamʼaki Abarama la deku akumi divwa la divwa, Latuyalaka akene le ndi, akawutela ati: Dimi leli Unyashungu, Kanga-Wulu-Tshe. Okendakendaki ololo la ntundu kami, ndu uyali ololo tshe.

Etatelu 32:11

Dimi lamfiukosengasenga nti: Unshimbeli uma lʼanya wa onalingu Esau; ne dia dimi mbukaka woma efula, nti: Atukuyundjaka, dimi la wali ndu ana.

2 Samuele 22:2

ati: Latuyalaki eli dive diami dia wuki, wumbe ami wa ta, la utshungudi ami.

2 Samuele 22:3

Unyashungu eli Dive diami dia wuki, lene atumushamaka, Engawu kami, wulu wa panda kami, Lungeli lami la wuki, la eshamelu kami. We Ushimbedi ami, we katunshimbelaka uma lu akambu wa wulu.

2 Samuele 22:51

Ndi atushaka khumʼekanga kandi atshungwelu wa mamba. Ndi atukaka one lakandakiti iso ketshi, Ee, Davidi, la tukanuia tandi pundju.

Esambu 144:2

Ndi keli dive diami la wumbe ami wa ta, Lungeli lami la wuki la utshungudi ami, Engawu kami, le ndi katumushamaka. Ndi kakanembiya wudja andi.

Esambu 18:2

Latuyalaka keli dive diami, wumbe ami wa ta la utshungudi ami; Unyashungu ami, dive diami, lene atumushamaka, Engawu kami, dimama dia panda kami, lungeli lami la wuki.

Esambu 20:2

Ndi akutumelaki ekimanyelu uma lu luudu lʼotemwelo, Akukikitshaki uma la Siona!

Esambu 27:1

Latuyalaka keli usasi ami la panda kami, Akona ukami woma? Latuyalaka keli usuko a lumu lami, Akona ukami woma?

Esambu 91:14

Dimi layushimbela, ne dia ndi atumbukaka ngandji; Layuwumbiya, ne dia ndi ateyaka lukumbu lami.

Esambu 91:2

Dimi latutaka dia Latuyalaka nti: Ndi keli eshamelu kami la lungeli lami, Unyashungu ami katumekamaka.

Etumbelu 6:3

Dimi lakene le Abarahama, le Isaka ndu le Jakoba, uku Unyashungu, Kanga-Wulu-Tshe. Keli uma lu lukumbu lami Latuyalaka, dimi kundjaenya dime le wo.

Tukedi 14:26

One latukaka Latuyalaka woma, keli la usuko a wulu; Anʼandi wayukundja dihuli dia mbishama.

Tukedi 29:25

Woma wʼuntu watuwambaka djunga. Keli one latekamaka Latuyalaka, ayushimbamela.

Isaya 26:4

Nyekamaki Latuyalaka pundju, Ne dia Latuyalaka Unyashungu keli dive dia pundju.

Isaya 57:15

Ne dia KhumʼUlungu, kanga edjaselu ka pundju Ndu kanga lukumbu lʼekila, kata ati: Dimi layudjase ladiku lu dihuli diʼekila, Kame la kanga utema wambate ndu wa ndjakitshakitsha, Dia mbulula lumu la kanga ndjakitshakitsha La nkikitsha kanga utema wambate.

Isaya 9:6

Ne dia wambututela ona, wambutusha ona pami. Diulelu diayuyala lu aheka andi. Wayuwole vati: Undaki a Mamba, Unyashungu a Wulu, Shesu ka Pundju, Uwandji wa Ki.

Jeremiya 23:6

Juda ayushimbamela lu nshi yandi, ndu Isariyele ayuyala la lutui tshitshi. Ku vo wayuwetaka lukumbu lone vati: Latuyalaka ololo asu.

Habakuka 3:19

Latuyalaka, Khumadiondjo, eko wulu ami. Ndi ateteka ekulu ami esadi uku ekulu wa lufumbo. Ndi ayonkendjakendja lu ahuli ami wa ladiku. Le olombodi wʼesambu: kame la dihumahuma dieli la ekodi.

Mateu 1:23

Ulungi, usekaseka wʼemuma ayutsho diemi. Ndi ayuta ona pami. Kawuwole vati: Emanuwele, (Kitshimudi ati: Unyashungu la su).

Enyelo 1:8

Khumadiondjo Unyashungu kata ati: Dimi Alafa la Omenga, leko, lakiko, laya ka ndja, Kanga-Wulu-Tshe.

1 Samuele 17:45

Davidi akûkaluya diui ati: We ambuya uya le mi la yombo, dikonga la osongo, keli dimi lambuya le ye paka lu lukumbu la Latuyalaka, Kanga lulimbilimbi, Unyashungu kanga alimbi wa Isariyele, wambuyudja tofwefwe.

1 Samuele 30:6

Davidi aki la sasi dia wulu, ne dia wudja andi wakati dia mbuka ave. Vo tshe untu lʼuntu aki la lunyangu lʼutema andi, lu dikambu dia anʼandi wʼapami la anʼandi wʼamantu. Davidi akayakikitsha, akekama le Latuyalaka, Unyashungu andi.