Tukedi 16:10 - La Bible en Otetela (Bible K'Ekila) 1991

¹⁰ Aui wa Unyashungu watuyalaka lʼeomo wa khumʼekanga. Unyo andi hatungaka lʼelumbwelu.

Tukedi 16:10 Iomraidhean Croise

Etatelu 44:15

Ku Josefu akawambula ati: Na dikambu ne diakanyatshi? Nyu hanyeyi nyati: Untu uku dimi la wulu wa mbishula akambu wushami?

Etatelu 44:5

Kuwambuli ntu wati: Dikoho diatonokaka khumemi ndu diatulimbitshiyaka akambu, dio diaha le nyu? Nyakatshi kolo dia ntsha okone.

2 Samuele 14:16

Elo, khumʼekanga ayumbukela, dimi ukambi andi, dia ndi ntshungulami, dimi la onʼami, uma lu anya a wane wayanga ntudiaka, la ntunya uma lʼukito wa Unyashungu.

1 Khumi ya Dikanga 3:28

Isariyele tshe wakuki lukumu la esambwelu kakasambula khumʼekanga. Ku vo wakawuki woma, ne dia wakenyi vati: Yimba ya Unyashungu mbeli la ndi, dia ndi nsambula ololo.

2 Ekondo 26:16

Lamʼakandayala wuki, utema andi akawumbiya dia mbutungela elanyelu. Ndi akahedia Latuyalaka, Unyashungu andi, akoto lu etemwelo ka Latuyalaka dia ntshumba malashi ladiku diʼediakelu ka malashi.

Esambu 99:4

Khumʼekanga ka wulu atulangaka elumbwelu kʼololo. We atushikikeka akambu wʼusimbwi, Atuluwanyaka elumbwelu ka sambu kʼololo lu Jakoba.

Tukedi 29:4

Khumʼekanga atushikikeka wudja uma lu sambu kʼololo. Keli one latolombaka elambu la wulu, atulanyaka.

Hosea 10:4

Vo watutaka aui wʼanyanya; La atshibelu wa kashi mbatuwudjaka sheki. Sui diayutumba uku atomenaka okodi wa lolengo Lʼatei wʼemunda wa lʼekambo,

Amose 5:7

Nyu nyatukadimulaka sambu kʼololo ululu uku kundju; La nyatukadjaka akambu wʼusimbwi la kete.

Amose 6:12

Undi, nyu wane watukadimulaka sambu kʼololo lolengo, La ulua wʼakambu wʼusimbwi ululu, Falasa udawoka ladiku dia dive? Untu nkendjakendjaka ngombe la lungu ladiku diadio?