Tukedi 1:9 - La Bible en Otetela (Bible K'Ekila) 1991

⁹ Wetshelu ako mbayuyala uku dembo dia kusu dia ngandji lʼote aye, Ndu uku elengalenga ka molola lu kingu kaye.

Tukedi 1:9 Iomraidhean Croise

Etatelu 41:42

Ku Farayo akanya lohete landi laki la ematelu uma lu lunya landi akaludji lu luhita la Josefu. Ndi akolotsha ahondo wa nemo wa diulelu, ndu molola wa paunyi lu kingu kandi.

Esambu 73:6

Utaku awo atuyalaka uku dengalenga dialotawo lu kingu, Akambu awo a ngala watakumbaka uku dihondo.

Tukedi 3:22

Vo wayuyala lumu lʼutema aye, La elengalenga lu kingu kaye.

Tukedi 3:3

Mete la kolamelu tawumoki uma le ye, Uwakeleki lu kingu kaye, uwafundi lʼutema aye.

Tukedi 4:9

Yo yayukahe elengalenga ka dimena lʼote aye, Yayukulimbe dembo dia kusu dia dimena.

Limbu la Solomona 1:10

Atama aye weko dimena lʼatei a dengalenga, Kingu kaye dimena lʼatei a sangi yʼadidi.

Limbu la Solomona 4:9

We ambumbata utema, we kadiyemi, wademi. We ambumbata utema lu endelu kaye otoi, Uma lʼelengalenga otoi keli lu kingu kaye!

Isaya 3:19

dia tunganga tʼatui, ekoma wa lʼanya, la apupela;

Jeremiya 35:8

Ku shu takakitanyia aui tshe wa Jonadaba, onʼa tshesu Rekabe, wakandatundjangela diaha no wanu, ndu shu ndu wadiesu, anʼasu wʼapami kana anʼasu wʼamantu, lu nshi ya lumu yasu tshe.

Ezekiyele 16:11

Dimi lakakolotsha dengalenga, lakakudji ekoma lu anya la adidi lu kingu.

Danyele 5:16

Ku dimi lakuki vati: We kateyaka nimbitshiya antu tukitshimudi, la nshihudia akambu wʼukandukandu. Kakiane, naka we ayeya mbala efundelu kene la nimbitshiyami kitshimudi yato, we ayolotshama ahondo wa nemo wa tilili, la molola wa paunyi lu kingu, la we ayuyala untu la satu lu diulelu.

Danyele 5:29

Beleshaza akati diui, ku wakalotsha Danyele dihondo dia nemo dia tilili, wakawudji molola wa paunyi lu kingu, wakadianganya diui dia ndi ndjala lu dihuli dia satu lu diulelu.

Danyele 5:7

Khumʼekanga akahangohango wulu dia vo nteta akanga wʼaloho, asi Kaladiya, la ambeyi wʼakambu wa lʼulungu. Khumʼekanga akatela asi yimba wa lu Babilona ati: Untu tshe layala efundelu kene la nimbitshiyami kitshimudi yato, ayolotshama ahondo wa nemo wa tilili, la molola wa paunyi lu kingu. Ndi ayuyala lu dihuli dia satu lu diulelu.