Obadiya 1:18 - La Bible en Otetela (Bible K'Ekila) 1991

¹⁸ Khumbu ka Jakoba wayuyala dja, La khumbu ka Josefu lumbi, Ku khumbu ka Esau adiyu. Yo yayoheta lʼatei awo, yayatshumba. Nduku untu ayutshikala lu khumbu ka Esau, Ne dia Latuyalaka kakati dikambu diako.

Obadiya 1:18 Iomraidhean Croise

2 Samuele 19:20

Mete, dimi uki mbi aye mbeyaka nti: Lakatshi kolo. Diako mbamuuiuya elo untu la ntundu uma lu luudu la Josefu dia ndjuhumana la ye, we khumemi, khumʼekanga.

Etumbelu 5:12

Ku wudja uku wakadiangana lu kete tshe ya Edjibitu la ntuhikula atshina wa nengese lu dihuli dia nengese.

Isaya 10:17

Usasi wa Isariyele wayuyala dja, La lʼEkila landi lumbi. Lo layutshumba ndu layumana atende andi La akumbu andi lu lushi otoi.

Isaya 31:9

One latuwekamaka, ayulawolawo la woma, La olohe awo wayudidima la ntundu ka dembela, Mbata Latuyalaka lukanga dja yeli lu Siona, La khuka ka dja keli lu Jerusalema.

Isaya 47:14

Enda, vo weli uku adiyu; dja yayatshumba. Vo haweyi ndjashimbela uma lu lumbi la dja. Dja yako hayukuka untu djuka, Kuyanga nsukana suki la yo.

Isaya 5:24

Uku atutshumbaka shasi ya dja nengese, Ndu uku atutshumbaka lumbi la dja adiyu wambuma, Okone edu awo wayohonda, ndu alembo awo wayudiangana uku ditshu; Ne dia vo wakatuni elembe wa Latuyalaka Kanga lulimbilimbi, Ndu wakonyala diui dia lʼEkila lʼIsariyele.

Isaya 9:18

Kolo atohetaka uku dja, Yatutshumbaka adungu la atende. Yo yatutshumbaka akanda wa lʼukunda, Ku vo watumbelaka lu dinga.

Isaya 9:19

Uma lu kele ka Latuyalaka Kanga lulimbilimbi, Mbatutshumbamaka kete, Ku antu watuyalaka uku kunyi ya dja, Nduku untu ayuhandja onangu.

Jeremiya 11:23

Nduku otoi lʼatei awo layuhanda, ne dia dimi layela elanyelu le asi Anatota lu eleku kayumasuya.

Ezekiyele 37:16

We onʼa untu, ose utamba omotshi, ufundi wati: Ne dia Juda la asi Isariyele wambekesanela la ndi; ku ose utamba ukina, ufundi loko wati: Ne dia Josefu, utamba wa Efarayima, ndu ne dia khumbu tshe ka Isariyele wambekesanela la ndi.

Ezekiyele 37:19

Kakaluya diui wati: Khumadiondjo Latuyalaka kata ati: Layosa utamba wa Josefu (weli lu lunya la Efarayima) la wauhu wa Isariyele watekesanelaka la ndi. Dimi layumamanya kame la wo, kame la utamba wa Juda, ku dimi layuwete utamba otoi. Vo wayuyala utamba otoi lu lunya lami.

Joele 2:5

Lundju lawo leko uku dikita Dia pusupusn ya ta ladiku diʼekungu, Uku dikita dia lumbi la dja mbatalalo lʼadiyu, Uku ului wa alimbi wa wulu mbayalonga dia ndo ta.

Amose 1:8

Dimi layushiia wane wudjashi la Ashidoda, Ndu one lukimedi danga dia diulelu Dia Ashikelona ushiki. Dimi layukaluya lunya lami dia ndosha Ekerona; Ku atshikadi wʼasi Filistiya wayudiakema.

Amose 5:15

Nyuhetsha kolo, nyulangi ololo, Nyushikike sambu kʼololo la suku, Undu Latuyalaka, Unyashungu Kanga lulimbilimbi, Mbeyaka mbuka atshikadi wa Josefu ketshi.

Amose 6:6

Vo watonokaka wanu lu dikoho dia wuki, Watuyashinulaka biso diʼushinga a wulu, Keli vo hawutunyangaka dia elanyelu ka Josefu.

Obadiya 1:16

Uku akanyano lʼukungu ami wʼekila, Osoku mbayutetemalaka wedja tshe no. Ee, vo wayono, wayusukosuko, Wayuyala uku akiwo kundjala ntundu.

Mika 5:8

Atshikadi wa Jakoba wayuyala lʼatei a wedja efula, Uku tambwe lʼatei a nyama ya lʼukunda, Uku osongo a tambwe lʼatei a nyimba yʼekoko. Lamʼatuwetaka lʼatei awo vo watuwendaka, Watuwatshatshaka, ku nduku untu lashimba.

Nahuma 1:10

Vo wambutshumbama Uku atende wudingitanyi, Uku adiyu wambuma.

Zekariya 12:6

Lushi lako, dimi layete wauhu wa Juda uku ekango ladiku dia kunyi ya dja, uku uwa mbaheta lʼatei a dikanda diʼepunga. Yo wayudiaka wedja tshe wadingi lu lunya la pami ndu lu lunya la lomoso. Wane weli la Jerusalema wayudjase ntu lu dihuli diawo hita, la Jerusalema.

Malaki 4:1

Nyulungi, lushi luyayi! Lo layoheta uku dja lu khuka, ku akanga wʼutaku tshe, la wane tshe watutshaka kolo, wayuyala adiyu. Ku lushi lako layayi, layuwatshumba, hutshikala udiu kuyanga lutahi, mbata Latuyalaka Kanga lulimbilimbi.

1 Koreto 3:12

Keli naka untu ayuhika paunyi la fesa, la mboko yʼave ya ushinga a wulu, la etamba, la adiyu, la nengese, ladiku dia tshina diako —