Obadiya 1:10 - La Bible en Otetela (Bible K'Ekila) 1991

¹⁰ Ne dia akambu wa ngala wakayatshela onanyo Jakoba, We ayutshama sonyi, ayulanyema pundju.

Obadiya 1:10 Iomraidhean Croise

Etatelu 27:11

Keli Jakoba akakaluya nyangu diui ati: We henyi onalingu Esau eko la diosa dimba tshe, keli dimi kema.

Etatelu 27:41

Esau akahetsha Jakoba fwe, ne dia otshoko wakotshokola shi. Esau akasanguya lʼutema andi ati: Nyoi ka papa aya suki. Okone lushi layuvo papa, dimi layudiaka onalingu Jakoba.

2 Ekondo 28:17

Asi Edome wakayi ntu, wakayolembia Juda, wakatole fumbi.

Esambu 109:29

Atunyi ami wavu sonyi, Wayakumbi la sonyi uku dihondo!

Esambu 132:18

Layukumba atunyi andi la sonyi. Keli dembo diandi dia kusu diayungadimoka lʼote andi.

Esambu 137:7

Latuyalaka li, uhoki asi Edome, Uku akawataka lushi lʼehandjwelu ka Jerusalema, Vati: Nyulanya, nyulanya.

Esambu 69:7

Dia dikambu diaye mbakamatengama, Lakavu sonyi.

Esambu 89:45

We akondja nshi yandi yʼolongo a pami, Akawutsha sonyi.

Tukedi 10:6

Etshoko watuyalaka lʼote wʼuntu ololo. Keli ngala katukumbaka unyo wʼuntu a kolo.

Tukedi 17:5

One latosokaka usi wula, atotengaka Utungi andi; La one latongenangenaka lu asui awo, ayusuyama.

Jeremiya 12:14

Latuyalaka kata okone lu dikambu diʼasukanyi andi wa kolo, wambahe etenyi kʼukito kakandasha wudja andi Isariyele lunya ati: Enda, dimi layuwanya uma lu kete yawo, dimi layunya khumbu ka Juda uma lʼatei awo.

Jeremiya 3:25

Tetami lu sonyi kasu, ufutanu asu watukumbi, ne dia shu takatshela Latuyalaka, Unyashungu asu, kolo, ndu shu ndu washesu umaka nshi yasu yʼakenda edja ndu elo. Shu kunkitanyiaka diui dia Latuyalaka, Unyashungu asu.

Jeremiya 49:13

Dimi lambuyatshiba dime nti: Bozera ayuyala engo ka nkashimo, engo ka dionyo, engo kʼanyanya la engo ka mananu. Esumba tshe weli lʼokongo awo wayuyala etongo atu, mbata Latuyalaka.

Jeremiya 51:51

Shu tambolombo la sonyi, Ne dia tambuka lukumu la dionyo. Dundji diasu diambukumbama la sonyi, Ne dia asi wedja wamboto lu ahuli wʼekila Wa lu luudu la Latuyalaka.

Delu dia Jeremiya 4:21

We ona umuntu Edome, ludjashi lu kete ya Uze, Ongenongeno, ongenongeno utamanya. Keli dikoho ne diayukuma ndu le ye; We ayudjo, ayengola utakataka.

Delu dia Jeremiya 4:22

We ona umuntu Siona, asui wambukuka lu dikambu dia uhedia. Ndi hayukotola ntu lu lohombo. Keli, we ona umuntu Edome, ndi ayukusuya ne dia ehedia aye; Ndi ayushula kolo yaye.

Ezekiyele 35:9

Dimi layukete tongo pundju, esumba aye hawuyala la antu; ku nyu nyayeya nyati: Dimi keli Latuyalaka.

Ezekiyele 7:18

Vo wayolota akutu; woma wa mamba wayakumba; dundji diawo diayuyala sonyi ketu; la ete awo wayuyala ehombo etu.

Joele 3:19

Edjibitu ayulanyema, Edome ayuyala usui wa shenga wʼelanyelu, Ne dia akambu wa ngala wakawatshela asi Juda; Ne dia wakatshulula dikila diaha la unungu lu kete yawo.

Amose 1:11

Okone mbata Latuyalaka ati: Ne dia ehedia esatu, ee, enei wa Edome, Dimi halukaluya sui uma loko, Ne dia vo wakayeli anengewo la tombo, kumbauka ketshi. Ne dia kele kawo kukawatshatshaka nshi tshe, Okone ndi akalami ududu andi pundju.

Mika 7:10

Ku utunyi ami lakamumbula ati: Lendʼeli Latuyalaka, Unyashungu aye? Ayema dikambu diako, ayolombo la sonyi. Ashu ami wayena lulangu lami lu dikambu diandi. Ndi utsha mpotshabotshama lʼekulu. Uku loteke la lʼesese.

Euhwelu kʼElembe 23:7

Tanyenaki usi Edome wononyi, ne dia onengenyu kendi. Tanyenaki usi Edjibitu wononyi, ne dia nyu nyaki angendangenda lu kete yawo.

Euhwelu kʼElembe 23:8

Tukanula tawo tayuto lu lolonga la satu, kawotoki lu lusanganya la Latuyalaka.