Nehemiya 8:1 - La Bible en Otetela (Bible K'Ekila) 1991

¹ Ku asi wudja tshe wakasangana kame la kanyi otoi lu dihuli dia hwe la ntundu ka Suku diʼAshi. Vo wakatela ufundji Ezera dia ndi mbela buku diʼelembe wa Mose wakadjangela Latuyalaka Isariyele.

Nehemiya 8:1 Iomraidhean Croise

2 Khumi ya Dikanga 23:2

Ku ndi akatshu utsha lu luudu la Latuyalaka, ndi la apami tshe wa Juda, asi Jerusalema tshe, elombedi, amvutshi, la antu tshe a waki ndu wa tshitshe. Ku ndi akawalela aui tshe wakawatani, uma lu buku dia sheki diakawashula lu luudu la latuyalaka.

2 Ekondo 34:15

Hilikiya akatela ufundji Shafana ati: Dimi lakashudi buku diʼelembe lu luudu la Latuyalaka, ku Hilikiya akasha Shafana buku diako.

2 Ekondo 34:30

Ku ndi akatshu utsha la luudu la Latuyalaka ndi la apami tshe wa Juda, asi Jerusalema, elombedi, asi Lewi, la Antu tshe a waki ndu wa tshitshe. Ku ndi akawalela aui wʼuma lu buku dia sheki, diakawatani lu luudu la Latuyalaka.

Ezera 7:1

Lʼokongo wʼakambu aso, lu nshi ya diulelu dia Aratashasta, khumʼekanga ka Peresiya, Ezera, onʼa Seraya, onʼa Azariya, onʼa Hilikiya,

Ezera 7:10

Ezera akadji utema andi dia mbeka la ntsha elembe wa Latuyalaka, la mbetsha elembe ako la adjangu lʼatei wa Isariyele.

Ezera 7:11

One eli aui wʼuma lu mukanda wakasha khumʼekanga Aratashasta Ezera, olombedi la ufundji wʼelembe la adjangu wa Latuyalaka le Isariyele:

Ezera 7:6

akayi uma la Babilona. Ndi aki ufundji wakaleki mbeya elembe wa Mose, wakadji Latuyalaka, Unyashungu wa Isariyele. Khumʼekanga akawusha kene tshe kakandalombe, ne dia lunya la Latuyalaka, Unyashungu andi, laki la ndi.

Nehemiya 12:26

Waso waki lu nshi ya Joyakima, onʼa Jeshua, onʼa Jozadaka, ndu lu nshi ya umbuledi Nehemiya, ndu ya Ezera, olombedi la ufundji.

Nehemiya 12:37

La Suku diʼEteko, kakawambela welanedi la wo lu bandelu lʼusumba wa Davidi, lu edelu ka lʼeheli ka lukumbu ladiku dia luudu la Davidi, pulu ndu la Suku diʼAshi, lu leke lʼehutwelu.

Nehemiya 3:26

Alami wʼetemwelo wakadjashi la Ofele, wakal jngosola edja ndu lu welelo wa Suku diʼAshi, utsha lu leke lʼehutwelu, ndu wʼetangelu kakatumbi uya lʼandja.

Nehemiya 8:16

Okone antu wakatshu la ntuyanga avundja, wakayuyatshela tusamvusamvu, untu lʼuntu ladiku dia luudu landi, lu aseke awo, lu kumbu yʼaseke wa luudu la Unyashungu, lu dikote dia la Suku diʼAshi ndu lu dikote dia la Suku dia Efarayima.

Nehemiya 8:3

Ndi akali lu buku diʼelembe umaka pindju edja ndu unya lʼatei ote lu seke dia hwe la ntundu ka Suku diʼAshi la ntundu kʼapami lʼamantu, ka wane wakeyi mbuka. Wudja tshe wakahukama aui wʼuma lu buku diʼelembe.

Isaya 8:20

Watshu le olembe ndu le omenyi! Naka vo hawoteketa aui aso, mete, usasi hawene le wo ntu.

Akambu wʼAsi Lewi 9:5

Vo wakela kene kakawatela Mose la ntundu ka luudu lʼesanganelu la dipema. Ku ului wʼantu tshe wakasukana, wakemala la ntundu ka Latuyalaka.

Malaki 4:4

Nyuho elembe, aui la adjangu wakamatela ukambi ami Mose lu Horeba lu dikambu dia Isariyele.

Mateu 13:52

Ku ndi akawatela ati: Okone ufundiji tshe lakawetsha dia ndjala umbeki a diulelu dia lʼulungu, eko uku kanga luudu, latutundjaka diango diʼeyuyu la diango diʼedjedja uma lu eumbelu kandi.

Mateu 23:13

Keli fono kayayi le nyu, afundji la Afarise, akanga a lukesu! ne dia nyu nyatudihelaka antu lukuki la diulelu dia lʼulungu. Nyu nyame hanyoto loko, ku hanyetawo dia wane walanga mboto woto.

Mateu 23:2

Afundji la Afarise mbudjashi lu kati ka Mose,

Mateu 23:34

Okone dimi latunyutumelaka amvutshi la akanga a yimba, la afundji. Nyu nyayudiaka amotshi udiakadiaka, akina lu utamba a mpeketanya. Nyayokomola akina emambu lu temwelo dianyu, nyayuwasuya lu usumba lʼusumba.

Euhwelu kʼElembe 31:11

lamʼayuyaka asi isariyele tshe dia ndjenama la ntundu ka Latuyalaka, Unyashungu anyu, lu dihuli diayundosonola, kanyalaki elembe ene la ntundu kʼasi Isariyele tshe dia vo mbuka.

Embadi 20:1

Asi Isariyele tshe, uma la Dane pulu ndu la Bere-Sheba, ndu uma lu kete ya Ngiliyade, wakunela, wakatusangana kame uku untu otoi la ntundu ka Latuyalaka la Mizipa.

Embadi 20:8

Antu tshe wakemala kame uku untu otoi, wakati vati: Nduku untu uma lʼatei asu layutsho lu luudu landi la dipema, ndu nduku untu layukalula lakandi.