Nehemiya 5:2 - La Bible en Otetela (Bible K'Ekila) 1991

² Amotshi wakati vati: Shu la anʼasu wʼapami la anʼasu wʼamantu taya efula, watusha epunga wa shu nde mbayutuyala la lumu.

Nehemiya 5:2 Iomraidhean Croise

Etatelu 41:57

Asi wedja ekina wakayakaka lʼEdjibitu la ndjusumba mbu ya nde le Josefu, ne dia ndjala ka kasha akatekoya mpangiya lu wedja tshe.

Etatelu 42:2

Nyulungi, dimi lakuki lukumu ati: Mbu ya nde yeko lʼEdjibitu. Nyuhulo utsha leko, nyutusumbi mbu ya nde, mbayutuka la ndjala.

Etatelu 43:8

Juda akatela Isariyele ati: Unkimweli ona, katutshu la ndi mbayutuka, we ndu shu, ndu anʼasu.

Etatelu 47:19

Ukundi avosu la ndjala la ntundu kaye ndu shu ndu kete yasu? Utusundja mbu ya nde la etundu asu la kete yasu. Ku shu tayuyala fumbi ya Farayo, la kete yasu yayuyala kete yandi pundju. Utusha wehu wa mune mbayututshikala la lumu, mbahatuvo, ndu mbahutshikala kete yasu aha la antu.

2 Khumi ya Dikanga 4:1

Umuntu omotshi lʼatei a wadi wʼana wʼamvutshi akayi le Elisha, akayuwutela ati: Ukambi aye umemi, ambuvo. We mbeyaka uku akukaka ukambi aye Latuyalaka woma, ku kakiane one lakukuli dibasa ambuya dia ndjosa anʼami ahendi dia ndi mbaete fumbi.

Nehemiya 5:3

Akina wakati vati: Shu hatukimo kete yasu, dikambo diasu dia vinyo, la mvudu yasu, dia shu ndjala la epunga lu nshi ya ndjala ka kasha.

Hangai 1:6

Nyu nyakune efula, keli nyakani tshitshe. Nyu nyatolekaka, keli nyu hanyuluti; nyu nyatonokaka, keli hanyutunduyaka pusa. Nyu nyatolotaka, keli nduku untu lambulumbialumbiama. La one latulungulaka difutu, atulungulaka difutu dia didja lu tapa dieli la weshu.

Malaki 2:2

Naka nyu hanyulungi, naka nyu hanyusanguya lʼetema dia ntumbula lukumbu lami, ku layunyutumela mananu; layudja etshoko anyu mananu, mbata Latuyalaka Kanga lulimbilimbi. Ee, dimi lambuwedjaka mananu, ne dia nyu kundisanguya lʼetema.

Euhwelu kʼElembe 23:19

Tanyosondjaki anyanyu diango la elungamelu ka nungula waho: waho wa falanga, wa mbu ya nde, wa engo tshe kambosondjama la elungamelu ka waho.