Nehemiya 4:2 - La Bible en Otetela (Bible K'Ekila) 1991

² Ndi akambula anangu la ului wʼalimbi wa la Samariya ati: Katsha asi Juda ane waha la wulu na? Vo wayuluwanya ulimu one? Wayulambula elambu? Vo wayeya nshidiya ulimu one tshe lushi otoi? Vo wayutundja ave ane uma lu awenga wakawalungula, la mbaluwanya?

Nehemiya 4:2 Iomraidhean Croise

Ezera 4:4

Antu wakadjashi lu kete yako wakahekuya asi Juda, wakawautsha woma dia mbashimba mpika luudu.

Nehemiya 12:27

Lʼetena ka nkidia eheli ka lukumbu la Jerusalema waketi asi Lewi uma lu ahuli tshe wakawadjashi dia vo ndja la Jerusalema, dia ndjutsha ekidielu lʼongenongeno, la lusaka kame lʼimbilu kʼesambu la ekokoloko, akimbi la sese.

Nehemiya 12:43

Vo wakalambula ela mbu efula lushi lako, wakangenangena, ne dia Unyashungu akangenyangenya ongenongeno a wuki, ndu amantu ndu akenda wakangenangena. Okone waelu wʼongenongeno wʼuma la Jerusalema wakukema etali.

Nehemiya 4:10

Keli Juda akati ati: Amembi a wetshu kema la wulu ntu, ndu elanyelu keko efula. Shu hateyi mpika eheli ka lukumbu.

Nehemiya 6:15

Eheli ka lukumbu kakashili lu lushi la dikumi lʼatanu la ngondo ka Elulu, lu nshi akumi atanu la hyendi.

Esambu 83:4

Vo wambuta vati: Nyeso, tutushili wudja awo ushiki, Dia lukumbu la Isariyele mbuhamela pundju.

Jeremiya 26:18

Mika, usi Moreshete, akataka akambu wahatayi lu nshi ya Hezekiya, khumʼekanga ka Juda. Ndi akatela wudja wa Juda tshe ati: Latuyalaka Kanga lulimbilimbi kata ati: Siona ayufusama uku lafusa ekambo. Jerusalema ayuyala tuta diʼave La ukungu wa luudu la Latuyalaka ayuyala uku ukunda wa lʼukungu

Jeremiya 33:24

We hadji tukanyi lu aui watutaka antu ane vati: Latuyalaka akatuni khumbu hyendi nye yakandasonola? Diako mbatuwonyolaka wudja ami, diaha vo mbaena ntu uku wudja.

Danyele 9:25

Eyi, ndu ulimbiteli wati: Umaka edjelu kʼolembe wa nongosola la mpika Jerusalema ntu, edja ndu eyelu kʼolo-mbodi, ukitami wʼiso, ayuyala bingu esambeli. Ku lʼatei a bingu akumi asamalu la hyendi, Jerusalema ayuhikama ntu, esese awo la lungeli lawo wayolongoswama, nshi sho yayuyala nshi ya pa.

Habakuka 3:2

Latuyalaka li, dimi lakuki lukumu lʼulimu aye! Diako mbukami woma. Latuyalaka li, ufudia ulimu aye lʼatei wa deku ntu! Lʼatei wa deku, utenyawo ntu. Lʼatei a kele, uho ketshi kaye.

Zekariya 12:8

Lushi loso, Latuyalaka ayulama asi Jerusalema; one leli wodu lʼatei awo, ayuyala uku Davidi, la khumbu ka Davidi wayuyala uku Unyashungu, uku ndjelo wa Latuyalaka la ntundu kawo.

Zekariya 4:10

Ne dia untu tshe lakonyola lushi lʼakambu wa tshitshe, ayongenangena, ndu ayena okodi a wedikelu lu lunya la Zerubabele. Ne dia atala ako esambeli weko ashu wa Latuyalaka, watetetaka lu ahuli tshe wa la kete.

1 Koreto 1:27

keli Unyashungu akasonola akanga a dinginya wa la kete, dia ndi mbutsha akanga a yimba sonyi. Unyashungu akasonola wane weli wodu wa la kete, dia ndi mbutsha akanga a wulu sonyi.