Nehemiya 2:5 - La Bible en Otetela (Bible K'Ekila) 1991

⁵ Dimi lakakaluya khumʼekanga diui nti: Khumʼekanga, naka we nangaka, ndu naka dimi ukambi aye lambuhumo lukulu lʼolo lu ashu aye, untumi la Juda, utsha lʼusumba a waumbu a wapapa dia dimi ntuhika ntu.

Nehemiya 2:5 Iomraidhean Croise

2 Samuele 14:22

Joaba akayakosha ekhukhumadi la kete, akakhusamela khumʼekanga, akutumbula. Ndi akati ati: Mete, lambulimbitela elo nti: Dimi ukambi aye lambuhumo lukulu Polo lu ashu aye, we khumemi, khumʼekanga, ne dia we ambetawo ntsha kene kakamakolombe.

Ezera 5:17

Kakiane, we khumʼekanga, naka we alanga, antu wayangi lu luudu lʼaumbelu wa knumʼekanga wa la Babilona, dia mena kana khumʼekanga Kuro akatadji olembe wa mpika luudu la Unyashungu la Jerusalema. Ku we khumʼekanga, kututumi diui dialangaye lu dikambu ne.

Nehemiya 2:4

Ku khumʼekanga akamumbula ntu ati: Kalombaye na? Ku lakalombe Unyashungu a lʼulungu.

Nehemiya 2:6

Khumʼekanga akamumumbula (etena kako wadi a khumʼekanga akadjashi lasuki la ndi) ati: Lokendo laye layuyala nshi ngana, ndu etena kakona kayuyukalula? Khumʼekanga akangenangena dia ntumami, ku dimi lakawutela etena.

Esta 1:19

Naka we khumʼekanga alanga, udjangi didjangu, wadifundi lʼatei wʼelembe wʼasi Peresiya la wʼasi Mediya, waheyi nkadimo, diaha Vashiti ndja ntu la ntundu kaye, we khumʼekanga Ahasuero. Usha umuntu luleki ololo dihuli diandi, dia khumʼekanga ka umuntu.

Esta 5:8

Naka lambuhumo lukulu lʼolo lu ashu aye, we khumʼekanga, ndu naka we nangaka ngenyangenyami la mbishami kene kakolombami, kuyi ntu lui, we la Hamana, lu dambu diayumunyolongoswela. Ku lʼetena keso, dimi layukukaluya we khumʼekanga diui, uku akaya-mumbudi.

Esta 7:3

Ku khumʼekanga ka umuntu Esta akûkaluya diui ati: Khumʼekanga li, naka dimi lambuhumo lukulu lʼolo lu ashu aye, ndu naka we khumʼekanga nangaka, ushimbeli lumu lami! oso eli elombelo kami; ndu, ushimbeli wudja ami! oso eli lulangu lami.

Esta 8:5

Ndi akatela khumʼekanga ati: Naka we nangaka we khumʼekanga, naka lambuhomo lukulu lʼolo lu ashu aye, naka dikambu ne dieli ololo le ye, we khumʼekanga, ndu naka we nangakami, wafundi dia minya mikanda wakasanguya Hamana, onʼa Hamedatana, usi Anganga, wakandafundi dia ndjaka asi Juda weli lu beke tshe dia kete ya khumʼekanga.

Tukedi 3:4

Ku we ayukundja kenemo la lukumu lʼololo Lu ashu wa Unyashungu ndu wʼantu.

Danyele 9:25

Eyi, ndu ulimbiteli wati: Umaka edjelu kʼolembe wa nongosola la mpika Jerusalema ntu, edja ndu eyelu kʼolo-mbodi, ukitami wʼiso, ayuyala bingu esambeli. Ku lʼatei a bingu akumi asamalu la hyendi, Jerusalema ayuhikama ntu, esese awo la lungeli lawo wayolongoswama, nshi sho yayuyala nshi ya pa.

Mateu 23:27

Fono kayayi le nyu, afundji la Afarise, akanga a lukesu! ne dia nyu nyeko uku waumbu wediawo ladiku, weli amena lʼandja, keli lʼetei awo, vo wambulula la weka wa edu wʼantu la mindu tshe.

Ruta 2:13

Ku ndi akûkaluya diui ati: Khumemi li, we ambuntshela ololo efula, ne dia we ambusamba utema ami. We ambumvutela aui wʼololo, dimi ukambi aye a umuntu, kuyanga dimi kema otoi omotshi lʼatei wʼekambi aye wʼamantu.