Nehemiya 1:9 - La Bible en Otetela (Bible K'Ekila) 1991

⁹ Keli naka nyu nyayukalula le mi, naka nyayulama elembe ami dia mbetsha, kuyanga nyu nyakatshanyema pulu ndu lu kuma kʼulungu, dimi layutunyosa uma leko, layunyukaluya uya lu dihuli diakamasonola dia nshikike lukumbu lami.

Nehemiya 1:9 Iomraidhean Croise

1 Khumi ya Dikanga 8:48

Naka vo wayukalula le ye lʼetema awo tshe ndu la nyumu yawo tshe lu kete yʼatunyi wakatole lu fumbi, ku vo wayukolomba weledi utsha lu kete yawo yakasha washewo, utsha lʼusumba wakayasonola, la utsha lu luudu lakamahikela lukumbu laye,

1 Khumi ya Dikanga 9:3

Latuyalaka akawutela ati: Dimi lakuki dombelo la osengosengo wakayalombe la ntundu kami. Dimi lambukidia luudu lone dia nkitsha lukumbu lami loko pundju. Ashu ami la utema ami wayuyalaka loko pundju.

1 Ekondo 16:35

Nyuti ntu nyati: Utushimbeli, we Unyashungu, panda kasu, Utusanganya kame, ututundja uma lʼatei a wedja, Dia shu mbuka lukumbu laye lʼEkila lusaka La dia shu ndeka nkutumbula.

Ezera 6:12

Unyashungu lakashikike lukumbu landi leko, alembia khumʼekanga tshe la wudja tshe wayuhindula diui diami kana nsimbula anya dia nanya luudu luku la Unyashungu leli la Jerusalema. Dimi Dariyo kambudjanga didjangu ne. Dieli la dio dia ntshama tshe.

Esambu 106:47

Latuyalaka, Unyashungu asu, utushimbeli! Utukaluya uma lʼatei a wedja, Dia shu mbukaka lukumbu laye lʼekila lusaka, La dia shu ndeka nkandula.

Esambu 107:3

Wakandakaluya uma lu kete kina, Uma lʼehutwelu la edjelu ka unya, Ndu uma la diku la ngelʼa kushi!

Esambu 147:2

Latuyalaka kakahiki Jerusalema, Kakasanganya asi Isariyele wakadianganyema.

Isaya 11:12

Ndi ayuhane djimbitelu ya wedja; Ndi ayusanganya asi Isariyele wakatshanyema. Ndi ayomotsha asi Juda wakadianganyema Uma lu kuma nyei ya kete.

Isaya 27:12

Lu lushi loso, Latuyalaka ayunyinginya elua, uma lʼumamu wa ndjali ka Eyufarate pulu ndu lʼokedi wa lʼEdjibitu. Ku nyu, asi Isariyele, nyayusanganyema otoi otoi.

Isaya 56:8

Okone mbata Khumadiondjo, Latuyalaka Latusanganyaka asi Isariyele wakatshanyema, ati: Dimi layusanganya ndu wedja ekina la Isariyele, Kame la wandi wakasanganyema edja.

Jeremiya 12:15

Keli lamʼayumushila mbanya, dimi layuwauka ketshi ntu, layakaluya untu lʼuntu lu etenyi kandi kʼukito uya lu kete yandi.

Jeremiya 3:14

Nyu ana wʼuhedia, nyukaluli, mbata Latuyalaka, Ne dia dimi leli khumenyu. Dimi layunyosa otoi uma lʼusumba lʼusumba, Ahendi uma lu khumbu la khumbu, ku dimi layunyela uya la Siona.

Jeremiya 31:10

Nyu wedja, nyuki diui dia Latuyalaka, Nyutudisanya lu asenga tshe weli etali, Nyututi nyati: One lakahandjula Isariyele, ayasanganya ntu, Ayalama uku atulamaka ulami ekoko andi,

Jeremiya 32:37

Nyuki, dimi layasanganya uma lu wedja tshe, lene akamawatshanya, lu yenyi yami, lu kele kami ndu lʼududu ami wa mamba. Dimi layakaluya uya lu dihuli ne, layadjasha loko la lutui tshitshi.

Jeremiya 6:22

Latuyalaka kata ati: Nyulungi, wudja omotshi wuyayi uma lu kete ya la ngelʼa kushi; Wudja a wuki wambunela uma lu kuma ka kete.

Ezekiyele 14:6

Okone uteli khumbu ka Isariyele wati Khumadiondjo Latuyalaka kata ati: Nyukaluli, nyukadimo uma lu dikishi dianyu, nyunya ashu anyu uma lu akambu tshe wa wononyi.

Ezekiyele 36:24

Dimi layunyutundja uma lʼatei a wedja, layunyusanganya uma lu kete tshe, ku layunyukaluya lu kete yanyu hita.

Akambu wʼAsi Lewi 26:3

Naka nyu nyayokendakendaka lu elembe ami, nyayuyelaka adjangu ami ndu nyayatshaka,

Zekariya 8:7

Latuyalaka Kanga lulimbilimbi kata ati: Dimi layushimbela wudja ami uma lu kete ya lu leke lʼehutwelu, ndu uma lu kete ya lu leke lʼedjelu.

Mateu 24:31

Ndi ayutuma andjelo andi la diui dia wuki dia pungi. Vo wayutusanganya esonami andi uma lu beke nei, uma lu kuma kemotshi kʼulungu edja ndu lu kuma kekina.

Euhwelu kʼElembe 12:21

Naka dihuli diayosonola Latuyalaka, Unyashungu anyu, dia nkitsha lukumbu landi dieko la nyu etali, nyu mbeyaka ndjaka ngombe yanyu kana ekoko anyu uku akamanyutela. Nyu mbeyaka yile lʼatei wʼesumba anyu uku alanganyu.

Euhwelu kʼElembe 12:5

Keli kanyuyangi dihuli diayosonola Latuyalaka, Unyashungu anyu, lʼatei a wauhu anyu, dia ntukitsha lukumbu landi la ntsha edjaselu kandi leko.

Euhwelu kʼElembe 30:1

Lamʼayuya akambu ane tshe le nyu, otshoko la mananu, wamumukitsha la ntundu kanyu, nyu nyayuwauho lamʼayunyuyala lʼatei a wedja tshe wambunyutshanya Latuyalaka, Unyashungu anyu.