Nehemiya 1:7 - La Bible en Otetela (Bible K'Ekila) 1991

⁷ Shu takakutshela kolo efula, shu kunkitanyia elembe, aui la adjangu wakayatela ukambi aye Mose.

Nehemiya 1:7 Iomraidhean Croise

1 Khumi ya Dikanga 2:3

Embaki okende wakakusha Latuyalaka, Unyashungu aye, dia ndjela mbuka yandi la dia nama adjangu andi, aui andi, elembe andi, la alaka andi uku akawafundi lu elembe wa Mose, mbayuyuluwanaka lu akambu tshe wayuyutshaka lu ahuli tshe wayuyutshok ka.

2 Ekondo 25:4

Keli ndi kundjaka anʼawo, ne dia ndi akatshi uku ufundami lu elembe, lu buku dia Mose, diakafundi Latuyalaka elembe one ati: Tawudiakaki washi lu dihuli diʼana, kana ndjaka ana lu dihuli dia washi. Keli kawudiakaki untu lʼuntu ne dia kolo kandi.

2 Ekondo 27:2

Ndi akatshaka akambu wʼusimbwi lu ashu wa Latuyalaka, tshe uku akatshaka Uziya, shi — dikambu otoi, ndi komboto la wulu lʼetemwelo ka Latuyalaka. Keli wudja wakatetemala ntsha akambu wa kolo.

Ezera 7:6

akayi uma la Babilona. Ndi aki ufundji wakaleki mbeya elembe wa Mose, wakadji Latuyalaka, Unyashungu wa Isariyele. Khumʼekanga akawusha kene tshe kakandalombe, ne dia lunya la Latuyalaka, Unyashungu andi, laki la ndi.

Esambu 106:6

Takatshi kolo uku washesu, Shu takayala la uhedia, takatshi kolo.

Esambu 89:31

Naka vo wayuhendula adjangu ami Ndu aha nama elembe ami,

Esambu 89:32

Ku dimi layakomola lʼukalimba ne dia ehedia awo, Ndu mbala ne dia kolo yawo.

Isaya 1:4

Yee, wudja a kolo, antu wuludi too la wutshu wa kolo, Diuhu diʼatshi wa kolo, ana watutshaka akambu wa sonyi li! Vo wakaseke Latuyalaka, wakonyola lʼEkila lʼIsariyele; Wakamo uma le mi, wakakaluya ekongokongo.

Danyele 9:11

Mete, shu Isariyele tshe takahedia elembe aye, taketola diaha shu nkitanyia elembe aye. Okone mananu la dokoloko wakafundama lu elembe wa Mose, ukambi aye, we Unyashungu, wakayala le su, ne dia shu takakutshela kolo.

Danyele 9:13

Uku akafundama akambu ane lu elembe wa Mose, mbambuya elanyelu kene tshe le su, keli shu kunkosengasenga we Latuyalaka, Unyashungu asu. Shu kunkadimo uma lu ehedia asu kuyanga mbidja tukanyi tasu lu akambu aye wa mete.

Hosea 9:9

Vo wakayalanya efula, uku lu lushi la Ngibeya. Latuyalaka ayuho uhedia awo, Ayasuya ne dia kolo yawo.

Akambu wʼAsi Lewi 27:34

Oso eli adjangu wakadjangela Latuyalaka Mose dikambu dia asi Isariyele lʼUkungu a Sinai.

Zefaniya 3:7

Dimi lakati nti: Dikambu otoi, Ndi ayumbuka woma, ayetawo luhangu. Ndi hunya ashu lu akambu tshe wakamawetsha. Keli vo waki la pusa efula dia mbete etsha awo tshe kolo.

Malaki 4:4

Nyuho elembe, aui la adjangu wakamatela ukambi ami Mose lu Horeba lu dikambu dia Isariyele.

Euhwelu kʼElembe 4:1

Kakiane, Isariyele li! nyuki elembe la adjangu wayangami nyetsha Nyetshaki, mbayunyuyala la lulumbi, mbayunyukuma lu kete ya sangu, yambunyusha Latuyalaka, Unyashungu a washenyu.

Euhwelu kʼElembe 4:5

Enda, dimi lakanyetsha elembe la adjangu, uku akambidjangela Latuyalaka, Unyashungu ami, dia nyu mbatshaka lu kete yatanyatshu dia ntukita.

Euhwelu kʼElembe 5:1

Mose akakonge Isariyele tshe; akawatela ati: Isariyele lii! Nyulungi elembe la adjangu wanyutelami elo dia nyu mbaeka, mbalama ndu mbatsha.

Euhwelu kʼElembe 6:1

Onʼeli olembe, aui la adjangu wakati Latuyalaka, Unyashungu anyu, dia nyetsha, dia nyu ntatshaka lu kete yatanyatshu dia ntukita;

Enyelo 19:2

Ne dia dumbwelu diandi dieko usimbwi la mete! Ndi akalumbuya umuntu kanga luseka la mamba, Lakalanya kete kʼutundu la munanyi kandi. Ndi akosomboya dia dikila diʼekambi andi.