Nehemiya 1:4 - La Bible en Otetela (Bible K'Ekila) 1991

⁴ Lamʼakamuki aui aso, lakadjase, lakaleli, lakayala la lunyangu nshi motshi. Dimi lakatetemala nkila ma la nombaka la ntundu ka Unyashungu a lʼulungu.

Nehemiya 1:4 Iomraidhean Croise

2 Samuele 12:16

Ku Davidi akalombe Unyashungu dikambu dia ona. Ndi akakili ma, akoto lu luudu, aketama utshu tshe la kete.

2 Khumi ya Dikanga 22:19

Ne dia utema aye akalembe, ndu we akayakitshakitsha la ntundu kami, dimi Latuyalaka, lamʼakayuki aui wakamati lu dikambu dia dihuli ne ndu le antu wudjashi loko, dia vo ndjala engo kʼelanyelu la ka mananu; ndu ne dia we akatshatsha ahondo aye, akaleli la ntundu kami, osoku dimi lambukutela, mbata Latuyalaka.

2 Ekondo 6:13

Ne dia Solomona akatshi loyenga lʼohotela, utaii alo kubita tshanu, wuki alo kubita tshanu la wemema alo kubita shatu, akatulukitsha kʼatei a lukumbu la seke. Ndi akambela ladiku dialo, ku ndi akakhuse adui la ntundu kʼului tshe wʼIsariyele, akeme anya utsha lʼulungu.

Ezera 1:2

Kuro, khumʼekanga ka Peresiya, kata ati: Latuyalaka, Unyashungu wa lʼulungu, akambisha waulelu tshe wa la kete. Ndi kakambisha okende wa dimi ntuhikela luudu la Jerusalema ya la Juda.

Ezera 10:1

Lamʼakalombaka Ezera ashula kolo, ndi aki lu ndela, akidimo la ntundu ka luudu la Unyashungu. Ku ului a wuki wʼasi Isariyele, apami, amantu lʼana wakamote la le ndi, ku wudja wakaleli wulu.

Ezera 9:3

Lamʼakamuki dikambu so, dimi lakatshatsha ahondo ami la ukutu ami, lakahatula divu diʼuma lʼote ami la loledu, lakadjase la lunyangu.

Ezera 9:5

Ku lʼetena kʼulambu wa dikolo, dimi lakunela lʼatei a lunyangu lami la ahondo ami lʼukutu ami betshibetshi, lakakhuse adui, lakasimbula anya ami utsha le Latuyalaka, Unyashungu ami.

Nehemiya 2:20

Ku dimi lakakaluya diui nti: Unyashungu a lʼulungu, ayutukimanyia lʼulimu one. Okone shu ekambi andi tayunela, tayutuhika, keli nyu kema lʼetenyi, kuyanga wulu, kana euhwelu lu Jerusalema.

Nehemiya 2:4

Ku khumʼekanga akamumbula ntu ati: Kalombaye na? Ku lakalombe Unyashungu a lʼulungu.

Esambu 102:15

Asi wedja wayuka lukumbu la Latuyalaka woma, Ndu khumi ya dikanga tshe ya la kete lutumbu laye.

Esambu 136:26

Nyukaki Unyashungu a lʼulungu lusaka, Ngandji kandi ka shikaa katutshikalaka pundju!

Esambu 137:1

Lamʼakatuhoka Siona, Shu takadjaseka lu kete, Lʼemamu wa kushi ya Babilona, takalelaka.

Danyele 10:2

Lu nshi sho dimi Danyele, lakaleli bingu shatu yʼetundu.

Danyele 2:18

Ndi akalombe dia nomba Unyashungu leli lʼulungu ketshi lu dikambu ne diushami, ne dia Danyele la anyandi watukudiakema kame la asi yimba akina wa lu Babilona.

Danyele 9:3

Dimi lakediya elundji kami utsha le Khumadiondjo Unyashungu, dia mbuyanga lu dombelo lʼosengosengo, lʼekilelu ka ma, lu elotelo kʼakutu ndu lu etelu kʼutuku.

Jona 1:9

Ndi akakaluya diui ati: Usi Heberu kemi. Dimi mbukaka Latuyalaka, Unyashungu wa lʼulungu, lakatungi ashi a waki la kete woma.

Zefaniya 3:18

Uku lu lushi la wuki. Dimi layunya lukulu lʼengeno uma le nyu, Ne dia nyu nyutukuyala la tshumu lu dikambu diako.

Romo 12:15

Nyongenengene la wane wangenangena; nyuleli la wane walela.