Nehemiya 1:11 - La Bible en Otetela (Bible K'Ekila) 1991

¹¹ Khumemi li, lambukosengasenga nti: Uhuke tui lu dombelo diami, dimi ukambi aye, ndu lu dombelo diʼekambi aye watulangaka mbuka lukumbu laye woma. Umbuki ngandji kaye ka mamba, umpumuya dimi ukambi aye lukulu lʼolo, la ntundu ka untu one. Dimi laki umangudi a wanu wa khumʼekanga.

Nehemiya 1:11 Iomraidhean Croise

Etatelu 24:42

Lamʼakamakumi elo lʼeteko, dimi lakalombi nti: Latuyalaka, Unyashungu a khumemi Abarahama, naka we ambuluwanya lokendo latamatshu lone,

Etatelu 32:11

Dimi lamfiukosengasenga nti: Unshimbeli uma lʼanya wa onalingu Esau; ne dia dimi mbukaka woma efula, nti: Atukuyundjaka, dimi la wali ndu ana.

Etatelu 32:28

Ndi akawutela ntu ati: Lukumbu laye haluyuyala Jakoba ntu, keli layali Isariyele (kitshimudi ati: Ndo la Unyashungu), ne dia we ambolo la Unyashungu ndu la antu, ku we ambuyala undeki a wulu.

Etatelu 40:1

Lʼokongo a nshi motshi kapita kʼamangudi a wanu wa khumʼekanga kʼEdjibitu la kapita kʼekatshi andi wa ma wakanyangia khumewo, khumʼekanga kʼEdjibitu.

Etatelu 40:2

Ku Farayo akuki tupita tandi tuhendi tako kele, kapita kʼamangudi a wanu la kapita kʼekatshi wa ma.

Etatelu 40:21

Ku ndi akakaluya kapita kʼamangudi lʼulimu andi. Okone ndi akasha Farayo dikoho diandi uku akandawushaka.

Etatelu 40:23

Keli kapita kʼamangudi a wanu kunkana dia Josefu ntu, akatuwuhela.

Etatelu 41:9

Kapita kʼamangudi a wanu akatela Farayo ati: Dimi lambuho munga kami elo.

Etatelu 43:14

Unyashungu Kanga-Wulu-Tshe anyuhumuya lukulu lʼolo le pami kako, dia ndi nyukimwela onengenyu ukina ndu Bendjamina. Naka vo wayumpumbia anʼami, kawumpumbiawo.

2 Ekondo 6:40

Kakiane, we Unyashungu ami, ashu aye wendi, la atui aye wuki dombelo diamumukolomba lu dihuli ne.

Ezera 1:1

Lʼeleku ka ntundu ka diulelu dia Kuro, khumʼekanga ka Peresiya, Latuyalaka akahashahasha yimba ya Kuro, dia diui dia Latuyalaka diakandati lʼunyo wʼumvutshi Jeremiya nshidiyama. Okone Kuro akadianganya didjangu lu diulelu diandi tshe lʼunyo ndu lu mukanda ati:

Ezera 7:6

akayi uma la Babilona. Ndi aki ufundji wakaleki mbeya elembe wa Mose, wakadji Latuyalaka, Unyashungu wa Isariyele. Khumʼekanga akawusha kene tshe kakandalombe, ne dia lunya la Latuyalaka, Unyashungu andi, laki la ndi.

Nehemiya 1:6

Atui aye wahukami, ashu aye wendi! Uki dombelo diami, dimi ukamt aye, diakolombami etena kene la yanyi ndu lʼutshu lu dikambu diʼekambi aye asi Isariyele, lamʼashulami kolo yʼasi Isariyele, yakatakutshela. Mete, dimi la khumbu ka papa takatshi kolo.

Nehemiya 2:1

Lu ngondo ka Nisana, lʼeleku kʼakumi ahendi ka diulelu dia khumʼekanga Aratashasha, lamʼakawela wanu la ntundu kandi, dimi lakose wanu, lakawasha khumʼekanga. Dimi komenamaka nduku lushi la lunyangu la ntundu kandi.

Nehemiya 2:8

ndu mukanda le Asafu, ulami wʼukunda wa khumʼekanga, dia ndi mbishami etamba wa ntsha kuki yʼetangelu lasuki lʼetemwelo ndu wa eheli ka lukumbu lʼusumba, ndu wa luudu layumutudjase. Ku khumʼekanga akambisha mikanda ako, ne dia lunya lʼololo la Unyashungu laki la mi.

Esambu 106:46

Ndi akawaukamia ketshi Ndu le waku tshe wakalungaka fumbi.

Esambu 130:2

Khumadiondjo, uki diui diami! Atui aye wahukami Aui ami wʼosengosengo!

Esambu 61:5

We Unyashungu, katukaka alokoloko ami, Ne dia we atushaka wane watukaka lukumbu laye woma ukito.

Esambu 86:6

We Latuyalaka, uhuke tui lu dombelo diami, Uki aui ami wʼosengosengo.

Tukedi 1:29

Vo wakatuni yimba, Konsonola dia mbuka Latuyalaka woma.

Tukedi 21:1

Utema wa khumʼekanga weli okedi wʼashi lu lunya la Latuyalaka. Ndi atolombolaka lu dihuli tshe dialangandi.

Jeremiya 42:12

Dimi layutunyukamia ketshi le ndi, ku ndi ayunyuka ote vuvu, ayunyukimo dia nyu ndala lu kete yanyu.

Malaki 3:16

Ku wane wakuki Latuyalaka woma, wakatanela; Latuyalaka akahukama, akuki. Ku buku diʼeuhwelu diakafundama la ntundu kandi lu dikambu dia wane wakuki Latuyalaka woma, ndu waketawo lukumbu landi.

Heberu 13:18

Nyutolombelaki, ne dia shu tambeya shati: Teko la khumʼutema kʼololo, shu nangaka ndjala la kenemo lu akambu tshe.