Mika 4:3 - La Bible en Otetela (Bible K'Ekila) 1991

³ Ndi ayulumbuya wedja efula, Ayusambula akambu wa wedja a wulu wʼetali. Vo wayutshula tombo tawo kungu, La akonga awo tukuwa ta loho. Wudja hawuyedia tombo tawo dia ndo la wudja ukina, Kuyanga mbeka akambu wa ta ntu.

Mika 4:3 Iomraidhean Croise

Esambu 46:10

Nyuyali ki, nyeyi nyati: Dimi keli Unyashungu. Dimi layahamela wedja, layahamela kete tshe.

Esambu 46:9

Ndi atukumiyaka ata pulu ndu lu kuma ya kete, Atowelaka uta, atokolaka dikonga, Atutshumbaka pusupusu ya ta lu dja.

Esambu 72:3

Ekungu washa antu ki, Ndu akuna waluwanya antu.

Esambu 72:7

Lu nshi yandi kukongona antu wʼololo, Ki ka mamba kayalaki le wo edja ndu ngondo hayale ntu.

Esambu 82:8

Unyashungu li, uneli, ulumbuya wa la kete! Ne dia wedja tshe waye mbewo.

Esambu 96:13

La ntundu ka Latuyalaka, ne dia ndi uyayi. Ndi uyayi dia ndjulumbuya kete: Ndi ayulumbuya andja la sambu kʼololo, La antu la mete kandi.

Esambu 98:9

La ntundu ka Latuyalaka! Ne dia ndi uyayi dia ndjulumbuya kete. Ndi ayulumbuya andja la sambu kʼololo, Ndu antu aha la shonodi.

Isaya 2:4

Ndi ayuyala umbadi wa wedja, Ayusambula akambu wʼantu wa wedja efula. Vo wayutshula tombo tawo kungu, La akonga awo tukuwa ta loho. Wudja omotshi hawembela wudja ukina tombo, Nduku antu haweka akambu wa ta ntu.

Isaya 25:3

Okone wudja a wulu wayukutumbula, La esumba wa wedja wa ngala wayukuka woma.

Isaya 51:5

Sambu kami kʼololo keko suki, panda kami kutsha ntumba, Ku anya ami wayulumbuya wedja. Asenga wayunkungela, wayekama lu lunya lami.

Isaya 60:12

Ne dia wudja la diulelu wahakukambela ulimu, Wayulanyema, ee, wudja ako wayushila ushiki.

Isaya 65:25

Laundu la onʼokoko wayole kame. Tambwe ayole adiyu kame la ngombe. La ului ayoleka paka ditshu. Vo hawutshela nduku engo kolo, Kana kilanya lʼukungu ami wʼekila tshe, mbata Latuyalaka.

Isaya 9:7

Diulelu diandi diayutahamanelaka, La ki kandi huyala lʼekumelu lu kiti ka Davidi, ndu lu diulelu diandi, Dia dishikike la dikikitsha uma lu akambu wʼusimbwi, Ndu uma lu sambu kʼololo, umaka kakiane edja ndu pundju Saki ka Latuyalaka Kanga lulimbilimbi kayutsha osoku.

Danyele 2:44

Lu nshi ya khumi ya dikanga yako, Unyashungu leli lʼulungu ayutundja diulelu diahalanaki pundju. Dio hadiuyala lʼokongo a wudja ukina. Dio diayulanya waulelu ako tshe, diayashila ushiki, ku dio diame diayushikikala pundju.

Hosea 2:18

Lu lushi loso, dimi layudja la nyama ya lʼukunda, fudu ya lʼulungu la diango tua yakutula dia la kete sheki dikambu diaye. Dimi layokola eta la yombo, layunya ta uma lu kete, layuwetamia la lutui tshitshi.

Hosea 2:20

Dimi layuyala umendi lʼakambu wa kolamelu ku ndi ayunimbitela, dimi Latuyalaka.

Joele 3:2

dimi layusanganya wedja tshe, layalombola lʼukidi wa Jehoshafata. Leko kayumutalumbuya dikambu dia wudja ami Isariyele, ukito ami, ne dia vo wakawadianganya lʼatei a wedja ndu wakakahana kete yami.

Mika 5:15

Dimi layosomboya wedja waki kunkitanyia diui diami. Lu kele kami la ududu ami.

Zekariya 14:3

Ku Latuyalaka ayutumba, ayolo la wedja ako, uku atundolokaka lu lushi la ta.

Zekariya 8:20

Latuyalaka Kanga lulimbilimbi kata ti: Etena kemotshi keko kayuya wedja lʼantu wa lʼesumba efula.

Zekariya 9:10

Dimi layulanya pusupusu ka ta kʼuma lʼEfarayima La falasa ka la kʼuma la Jerusalema. Uta wa ta wayulanyema. Khumʼekanga kaye ayuta akambu wa ki le wudja. Diulelu diandi diayuyala Uma lʼashi a waki pulu lʼashi a waki akina, Uma lu Ndjali edja ndu la kuma ya kete.

Etsha wa Atumami 17:31

Ne dia ndi akasonola lushi la numbuya wa la kete, uku elumbwelu kʼololo lʼanya wʼuntu lakandasonola. Ndi akenya antu tshe dikambu ne, ne dia ndi akawulula uma lu nyoi.

Enyelo 19:11

Dimi lakenyi ulungu ambudiho, menyi ku falasa ka wema kene! One lakakiahemi, aketama ati: Kanga Kolamelu la Mete; lu ololo andi mbatundulumbuyaka antu mbatundolokaka la wo ta.

1 Samuele 2:10

We Latuyalaka ayatshatsha wane watosemanelaka la ye. We ayatumela dikhungula uma lʼulungu, Ayulumbuya wa la kuma ya kete. We ayusha khumʼekanga kaye wulu, Ayeme lunya la one lakayakiti iso.