Mika 3:3 - La Bible en Otetela (Bible K'Ekila) 1991

³ Nyu nyeli wane watolekaka ndu emunyi awo; Watuwauwulaka wauwu, watuwaokolaka weka, Watasesaka tufunda tufunda, Uka atuwosesaka nyama ya nkate lu puki, Uku nyama lu puki ka wuki.

Mika 3:3 Iomraidhean Croise

Esambu 14:4

Wane tshe watutshaka akambu wa kolo waha la yimba uka? Vo watolekaka wudja ami uku atuwolekaka ma, Keli vo hawutetaka dia ntemola Latuyalaka.

Esambu 27:2

Lamʼakayi atshi wa kolo Dia ndjole emunyi ami, Atunyi ami la ampetshi ami Wakatakana, wakako.

Tukedi 30:14

Lolonga lomotshi leko, lakanga wʼanya uku tombo, Ndu songo yʼanyu uku tukuwa, Dia nde asi wula la mbumana uma la kete, Ndu ehumbi uma lʼatei wʼantu.

Isaya 3:14

Latuyalaka ayoto lʼelumbwelu Ndi la dihangamendi dia wudja andi la ewandji awo ati: Nyu mbakali elua wa lʼekambo kʼelua. Diango diakanyahotola asi wula dieko lu mvudu yanyu.

Isaya 3:15

Okoko wana watunyohotshahotshaka wudja ami? La mbatshatsha dundji diʼasi wula? Mbakawambula Khumadiondjo Latuyalaka Kanga lulimbilimbi.

Ezekiyele 11:3

wakati vati: Etena kene kema etena ka mpika mvudu, usumba one weli puki ka wuki, la shu teko unatshi.

Ezekiyele 24:4

Nyudji funda loko, funda tshe yʼololo, Elemba ka lukulu la ka lunya, Nyukiludia la weka wʼololo.

Amose 8:4

Nyulungi dikambu ne, nyu wane watomenaka uhumbi esudia. Ndu watuhumuyaka usi wula la la kete lakulu lʼengeno.

Mika 2:8

Keli nyu nyatunelaka dia ndo la wudja ami uku utunyi. Nyu nyatukululaka akanga memakana ahondo, Wane watetaka la ki, waha la kanyi ya ta.

Zefaniya 3:3

Ewandji weli lʼatei awo weko tambwe yadikita. Embadi awo weli ndjaundu ya dikoio, Yahatutshikaka nduku engo edja ndu la pindju.