Mika 2:3 - La Bible en Otetela (Bible K'Ekila) 1991

³ Diako mbata Latuyalaka ati: Nyuki, dimi lambusanguya dia ntshela khumbu kene kolo, Kahanyeya ndawuya kingu yanyu, Kuyanga nkendakenda lʼutaku, Ne dia oso ayuyala etena ka kolo.

Mika 2:3 Iomraidhean Croise

Isaya 29:20

Kanga ngala huyala ntu, osoki ayushisho, La waku tshe watulungamelaka kolo, wayushila ushiki,

Isaya 3:16

Latuyalaka akati ati: Ne dia esekaseka wʼamantu wa la Siona weko la utaku, Watusekusekuyaka kingu yawo lamʼatuwokendakendaka, Watolengiyaka ashu awo, Watosolaka lokendo, ndu watusakanyaka ayaka wa lʼekulu,

Isaya 5:19

Watutaka vati: Latuyalaka asamariya, Angasanya ulimu andi, dia snu mbena! Didjangu dia lʼEkila lʼIsariyele diayi, Diasukani dia shu dilimbitela.

Jeremiya 18:11

Okone, kakiane otekete lʼasi Juda la wane wudjashi la Jerusalema wati: Latuyalaka kata ati: Nyulungi, lambolongosola elanyelu dikambu dianyu. Dimi lambusanguya dia nyutshela kolo. Nyukaluli untu lʼuntu uma lu mbuka kandi ka kolo, nyolongosole mbuka yanyu la ditshelu dianyu.

Jeremiya 27:12

Dimi lakatela Zedekiya, khumʼekanga ka Juda, aui aso tshe nti: Nyetawo mbidja kingu yanyu lu lokoho la khumʼekanga ka Babilona, dia ndjala lʼokongo andi, ndi la wudja andi, mbayunyulumba.

Jeremiya 34:17

Okone mbata Latuyalaka ati: Nyu kumbukelami, dia nyu tshe ntshungula untu lʼuntu onangu, la untu lʼuntu unyandi. Nyendi, dimi lutsha nyusha ndjadjasela ka nyu ndjakema la tombo, elandu, la ndjala ka kasha. Dimi layunyete engo ka wononyi le waulelu tshe wa la kete.

Jeremiya 36:23

Lamʼakali Jehudi akatshi anei kana asatu, khumʼekanga akati buku la lukuwa landi, akadikadja lu dja yakandukaka, ku dio diakalungula tshe.

Jeremiya 43:2

ku Azariya, onʼa Hoshaya, Johanana, onʼa Karea, la apami tshe akanga wʼutaku wakatela Jeremiya vati: Kashi kataye. Latuyalaka, Unyashungu asu, kunkutuma dia ndjututela ati: Tanyutshokaki lʼEdjibitu dia ntudjase.

Jeremiya 8:3

Wane wayutshikala uma lu diuhu ne dia kolo lu ahuli tshe wakamawatshanya, wayukumbula nyoi uleki lumu, mbata Latuyalaka Kanga lulimbilimbi.

Delu dia Jeremiya 1:14

Ndi akakeleka ehedia ami lu lokoho Ndi akadingitanya la lunya landi kame; Akambahewo lu kingu kami, akashili wulu ami. Khumadiondjo akankimo lu anya A waku wahamakuki ndo la wo.

Delu dia Jeremiya 2:17

Latuyalaka ambutsha kene kakandasanguya. Ndi ambushidiya diui diakandati lu nshi yʼedjedja. Ndi ambuhandjula aha la ketshi. Ndi ambongenyangenya utunyi lu dikambu diaye; Ambedia waulu waku watukuhetshaka.

Delu dia Jeremiya 5:5

Vo wambutukambia wulu la koho lu kingu yasu. Shu tambokomo, shu kema la mumuya.

Danyele 4:37

Kakiane dimi, Nebukadineza, lambandula, lambutumbula ndu lambolemia khumʼekanga ka lʼulungu, ne dia elimu andi tshe weko ololo, la mbuka yandi yeko esimboki. Ndi mbeyaka nkitshakitsha waku watokendakendaka la utaku.

Amose 2:14

One latudjaka luwangu heya ndawo, Kanga wulu heya ndjakikitsha, Kuyanga kanga dihunga hushimbela lumu landi.

Amose 3:1

Nyu asi Isariyele, nyulungi diui ne, Mbakati Latuyalaka lu dikambu dianyu, Lu dikambu dia khumbu tshe kakandatundja Uma lʼEdjibitu ati:

Amose 3:2

Dimi lakanyosonola paka nyu nyame Lʼatei a khumbu tshe ya la kete Diako mbayumunyusuya ne dia kolo yanyu tshe.

Amose 5:13

Diako mbayolembohala, kanga yewu ki lʼetena uku kene, Ne dia to keli etena ka kolo.

Mika 2:1

Mananu kayali le wane watukanaka akambu wa kolo, Watutshaka kolo lu tangi yawo! Lamʼatuhutoka unya, vo watukitshaka, Ne dia to keko lu wulu wʼanya awo.

Romo 16:4

Vo wakasundja nyumu yawo dia nshimbela lumu lami. Okone aha dime utu, keli dimi la ekelizia tshe wʼasi wedja tambuwauka lusaka.

Efeso 5:16

Nyuyatshungweli etena, ne dia nshi nye yeko kolo.

Euhwelu kʼElembe 28:48

diako mbayunyutukambela atunyi wayunyutumela Latuyalaka ulimu lamʼenyu la ndjala, la pusa kʼashi, la utakataka, ndu la ehumba wa diango tshe. Ndi ayunyukeleka koho ya mbulu, edja ndu ndi ambunyushila.

Jakoba 2:13

Ne dia elumbwelu kaha la ketshi kayuyala le one lahukana ketshi; ketshi kambuleka elumbwelu wulu.