Mateu 7:22 - La Bible en Otetela (Bible K'Ekila) 1991

²² Lushi loso, antu efula wayumvutela vati: Khumadiondjo, Khumadiondjo, shu kumvutaka akambu wahatayi lu lukumbu laye, shu kuntundjaka edienge lu lukumbu laye, shu kuntshaka akambu wa mamba efula lu lukumbu laye?

Mateu 7:22 Iomraidhean Croise

Isaya 2:11

Untu leli la endelu ka lahi ayuhuluyama, La kanga utaku ayukitshakitshama. Ku Latuyalaka ndame kayediama lu lushi lako.

Isaya 2:17

Kanga utaku la kanga lahi wayukitshakitshama. Ku Latuyalaka ndame kayediama lu lushi lako.

Walelu 24:4

Diui diʼuntu latukaka aui wa Unyashungu, Dia one latenaka enelo ka Kanga-Wulu-Tshe, Dia one latukhusamelaka, keli ndi eli la ashu wakatema ati:

Walelu 31:8

Vo wakadiaki khumi ya dikanga ya Midiyana kame la antu awo, Evi, Rekeme, Zura, Hura, la Reba, khumi ya dikanga tshanu yʼasi Midiyana. Vo wakadiaki ndu Balama, onʼa Beore, la yombo.

Mateu 10:15

Mete kanyutelami ndi: Lu lushi lʼelumbwelu, fono ka usumba ako kayuleka ka kete ya Sodoma la Ngomora.

Mateu 24:36

Keli nduku untu leya lushi lako kana unya ako, kuyanga andjelo wa lʼulungu, kuyanga Ona, paka Papa ndiame.

Mateu 25:11

Lʼokongo diku, ndu esekaseka ekina wakayi, wakati vati: Khumadiondjo, Khumadiondjo, utudihula.

Mateu 7:21

Aha untu tshe latumbetaka ati: Khumadiondjo, Khumadiondjo, kayoto lu diulelu dia lʼulungu. Keli paka one latutshaka lulangu la Papa leli lʼulungu.

Luka 10:12

Dimi lambunyutela nti: Lushi loso, fono ka usumba oso ayuleka ka Sodoma.

Joani 11:51

Ndi kumvuta diui so dikambu diandi ndame. Keli ne dia ndi aki olombedi a ladiku lʼeleku kako, mbakandati diui ati: Jesu kayumvwela wudja.

1 Tesalonika 5:4

Keli nyu, anyasu, nyaha lu udjima, okone lushi lako halunyutana uku uvi.

2 Tesalonika 1:10

lamʼayunduya dia ndjutumbwama le ekilami andi, la dia ndjambiya le wane tshe wakawetawo, ne dia ndjutumbwama le ekilami andi, la dia ndjambiya le wane tshe wakawetawo, ne dia nyu nyaketawo diui diasu lushi lako.

2 Timote 1:12

Dia dikambu ne, mbemi la asui ane. Keli haluki sonyi, ne dia dimi mbeyaka lakametawo. Dimi lambetawo nti: Ndi la wulu a nama kakamakimo le ndi, edja ndu lamʼayukuka lushi lako.

2 Timote 1:18

Khumadiondjo awusha wulu wa ndi ntana ketshi ka Khumadiondjo lushi lako — We mbeyaka uku akandankimanyia lu akambu efula la Efeso.

2 Timote 4:8

Okone wambunkitshiya dembo dia kusu diʼakambu wʼololo, diayumbisha Khumadiondjo, umbadi wʼololo, lushi lako. Ndi liumbishadio dime, keli ndu wane tshe wakalangi mena enelo kandi.