Mateu 7:11 - La Bible en Otetela (Bible K'Ekila) 1991

¹¹ Okone, naka nyu antu wa kolo, mbeyaka mbisha anʼanyu eshasha wʼololo, Shenyu leli lʼulungu haleki mbisha antu wolomba diango diʼololo uka?

Mateu 7:11 Iomraidhean Croise

Etatelu 6:5

Latuyalaka akenyi ati: Kolo kʼantu kambuhama efula la kete, ndu tukanyi tshe tʼetema awo ndjalaka kolo ketu nshi tshe.

Etatelu 8:21

Lamʼakuki Latuyalaka upumu wʼololo wʼulambu, ndiakati lʼutema andi ati: Dimi handjudja kete mananu ntu dikambu dia kolo kʼuntu. Mete, tukanyi tʼutema wʼuntu mbatuyalaka kolo umaka nshi yandi ya dikenda. Dimi handjulanya diango tshe dieli la lumu ntu uku akamatshi.

2 Samuele 7:19

We Khumadiondjo Latuyalaka, dikambu ne diaki tshitshe lu ashu aye, keli we ambuta ndu dia khumbu kʼukambi aye ne dia etena ka wuki kayayi ndu ambomenya akambu wa nonga yahatayi, we Khumadiondjo Latuyalaka!

Jobo 15:16

Keti one leli wononyi la kolo, Untu latonokaka kolo uku ashi!

Esambu 84:11

Ne dia Latuyalaka, Unyashungu keli unya la engawu. Ndi atukahaka ngandji ka mamba ndu lutumbu; Ndi hatudimaka wane watokendakendaka lu akambu wʼusimbwi engo kʼololo.

Esambu 85:12

Ee, Latuyalaka atukahaka kene keli ololo, La kete yasu yatongonyaka mbu ya nde.

Esambu 86:15

Keli we Khumadiondjo, keli Unyashungu wuludi too la ketshi la ngandji, Lahuki kele esadi, keli we ambulula too la ololo la mete.

Esambu 86:5

Ne dia we Khumadiondjo keli ololo, katetawoka nyimanyia antu kolo. We kuludi too la ngandji le waku tshe watuketaka la watukotemolaka.

Isaya 49:15

Wali mbeyaka mbuhela ona lalomiandi? Umbutshi huki onʼandi lakanduti ketshi uka? Vo mbeyaka mbuhela undu, keli dimi haleyi nkuhela.

Isaya 63:7

Dimi layusanya dia ngandji ka shikaa ka Latuyalaka, Dia diandu dia Latuyalaka, Uma lu akambu tshe wakandatutshela. Dimi layuta dia ololo andi a wuki le khumbu ka Isariyele, Wakadatshi uku efula ka ketshi La ongonyi wa ngandji kandi ka shikaa.

Jeremiya 17:9

Utema ndeka diango tshe lukesu, Vo weko kolo efula. Akona ayeya mbulimbitela?

Jeremiya 33:14

Nyulungi, nshi yayuyala, yayumushidiya aui wʼololo wakamati dikambu dia khumbu ka Isariyele, ndu dia khumbu ka Juda, mbata Latuyalaka.

Hosea 14:2

Nyotole aui, nyukaluli le Latuyalaka. Nyutuwateli nyati: Utudimanyia kolo yasu tshe, ulunguli kene keli ololo. Shu tayukulambula elua wʼuma lʼenyo asu uku ulambu.

Mika 7:18

Akona eli Unyashungu uku we, latudimanyiaka kolo, latuhelaka uheaia wʼatshikadi wʼukito aye? Ndi hatutshikalaka la kele pundju, Ne dia ndi atongenangenaka lu ngandji ka shikaa.

Malaki 1:6

Ona atolemiaka shi, ukambi atolemiaka uwandji andi. Ku naka dimi leli shenyu, lenceli nemo diatunyonemiaka? Naka dimi leli uwandji, lendʼeli woma watunyumbukaka? mbanyumbula Latuyalaka Kanga lulimbilimbi, nyu elombedi watonyolaka lukumbu lami. Nyu nyatumbulaka nyati: Lu na atutonyolaka lukumbu laye?

Mateu 23:9

Tanyetaki untu a lu kete nyati: Shesu, ne dia nyu nyeko la Shesu otoi, ndi eko lʼulungu.

Mateu 7:10

Kana ndi mbolomba lusi, ku ndi mbusha ului?

Joani 3:16

Ne dia Unyashungu akalangi wa la kete utamanya, mbakandawasha Onʼandi etoi lakanduti, dia untu tshe lawetawo, tavokaki, keli ayali la lumu la pundju.

Romo 3:19

Shu mbeyaka shati: Aui tshe wata elembe, watutelaka wane weli la tshina diʼelembe, dia enyo tshe wadihami, la wa la kete tshe wayali la tshina diʼelumbwelu ka Unyashungu.

Romo 3:9

Ya ukundi? Shu asi Juda ndeka antu akina ololo? Nduku yema, ne dia dimi lakatela asi Juda lʼasi Ngirika nti: Nyu tshe nyeko la tshina dia wulu wʼakambu wa kolo.

Romo 8:32

One laki kumpandja Onʼandi hita, keli akukimo dikambu diasu, ukundi ahandutusha ndu diango tshe kame la ndi?

Ngalatiya 3:22

Keli afundelu akasanganya akambu tshe la tshina diʼakambu wa kolo, ne dia mbisha wane wetawo daka dia mbetawo Jesu Kristu.

Jakoba 1:17

Mboya tshe kʼololo la Kʼuluwanyi katuyakaka uma lʼulungu, Katuhuloka uma le Shi yanyi, lahakadimo, leli pupu pundju.

1 Joani 3:1

Nyendi wuhu wa ngandji kakatuki Shesu dia shu mbetama ana wa Unyashungu; osoku mbesu. Dia dikambu ne mbahateyi wa la kete, ne dia vo kumbeya.

1 Joani 4:10

Dia dikambu ne mbeli ngandji, aha ne dia shu takalangi Unyashungu, keli ne dia ndi akatulangi. Ndi akatumi Onʼandi dia ndjala ulambu ne dia kolo yasu.