Mateu 6:2 - La Bible en Otetela (Bible K'Ekila) 1991

² Okone lamʼashanyu antu diango la ketshi, tanyudaki pungi la ntundu kanyu, uku atutshaka akanga a lukesu lu temwelo la lu esese, wambulungulaka difutu diawo.

Mateu 6:2 Iomraidhean Croise

Esambu 112:9

Ndi atukahaka, atushaka ahumbi. Sambu kandi kʼololo katutshikalaka pundju. Ote andi ayediama la lutumbu.

Esambu 37:21

Untu a kolo atosombaka, keli hatosombolaka. Keli untu ololo atutshelaka antu la ketshi, atukahaka.

Tukedi 19:17

One latukaka usi wula ketshi, atosondjaka Latuyalaka diango, Ndi ako layufuta uku ololo wakandatshi.

Tukedi 20:6

Antu efula wayoteketaka dia memakana kawo hita. Keli akona ayeya ntana kanga kolamelu?

Undaki 11:2

Udikahanya le esambeli kana le enanei, ne dia we heyi kolo kakona kayuya lu kete.

Isaya 10:6

Dimi layutuma dia ntolosha wudja wʼakanga a dionyo. Dimi layuwudjangela dia ndi ntsho le wudja wukami kele, Dia ntohotola la mumba diango diawo, La mbahotshahotsha lʼekulu awo uku loteke la lʼesese.

Isaya 58:7

Aha dia mbisha one leli la ndjala ma, Ndu dia mbotshiya one laha la dihuli dia mbidjase lu luudu laye? Aha dia lamʼenaye untu utakataka, ku we mbolotsha dihondo, Ndu diaha mboka unyaye untu okongo?

Isaya 9:17

Okone Khumadiondjo hangenangena dia elongo awo wʼapami, Kuyanga mbuka ana awo wa ditshiki kana wadi waki edu awo ketshi. Vo tshe weli amonyodi la atshi wa kolo, Ndu enyo awo tshe nteketaka oteketateketa. Kuyanga osoku, kele kandi hakitakita, Lunya landi lakasimbemadi.

Hosea 8:1

Umami dimama lu elomo aye, Ne dia eki kambuya ladiku dia luudu la Latuyalaka, Ne dia antu wakadiaki sheki yami, Ndu wakahedia elembe ami.

Mateu 15:7

Nyu akanga a lukesu! mete kakati Isaya dikambu dianyu ati:

Mateu 16:3

La pindju, nyu nyatutaka nyati: Ayuyala tshitshi, ne dia ulungu weko tilili udu lutshukutshuku. Nyu mbeyaka nshihudia akambu wa lʼulungu, keli hanyeyi nshihudia tulimbitelu ta tena.

Mateu 22:18

Keli Jesu akeyi longo lawo; akawambula ati: Nyu akanga a lukesu, okoko wana wampimbanyu?

Mateu 23:5

Keli vo watutshaka etsha awo ne dia menama le antu. Vo watuhamiaka tetshi tawo ta dikuhu tufundiami avesa wufundiami elembe. Watokokolaka ehimbu wa ahondo awo.

Mateu 23:6

Vo watulangaka ahuli wa nemo lu alambu, la die diuleki amena lu temwelo,

Mateu 24:51

Ndi ayokomola wulu, ndu ayukitsha kame la akanga a lukesu. Leko, antu wayulela ndu wayokeketanya anyu awo.

Mateu 5:18

Mete kanyutelami ndi: Edja ndu lamʼayushisho ulungu la kete, nduku djetaleta, nduku shikoshiko yayushisho uma lʼelembe, edja ndu lamʼuyutshama akambu ane tshe.

Mateu 6:16

Lamʼayunyukila mbu ya nde, tanyulingalingaki uku akanga a lukesu. Ne dia vo watulanyaka dundiji diawo dia menama le antu, ati: Mbu ya nde mbukatiwo. Mete kanyutelami ndi: Vo wambulungulaka difutu diawo.

Mateu 6:3

Keli we, lamʼashaye antu diango la ketshi, lunya laye la lomoso taleyaki okone wutshi lunya laye la lupami.

Mateu 6:5

Lamʼayunyolomba, tanyuyalaki uku akanga a lukesu. Ne dia vo watulangaka nomba wemadi lu temwelo ndu lu asanga wʼesese, dia vo menama le antu. Mete kanyutelami ndi: Vo wambulungulaka difutu diawo.

Mateu 7:5

We kanga lukesu, ntundu utayatundijisha wima utamba uma lu su diaye. Ku kuyenyi ololo dia ntundja fumvufumvu yeli lu su dia unyaye.

Mako 12:39

Vo nangaka mbidjase lu ekala wa ntundu lu temwelo, ndu lu ahuli wa ntundu lu alambu.

Mako 7:6

Ndi akawatela ati: Nyu akanga a lukesu, mete kakati Isaya akambu wahatayi dikambu dianyu lʼafundelu ati: Antu ane watonemiaka lʼelomo awo, Keli etema awo weko etali uma le mi.

Luka 11:41

Keli lamʼayunyusha antu diango la ketshi, nyuwasha diango dieli lʼetei. Nyendi, diango tshe diayela pudipudi le nyu.

Luka 11:43

Fono kayayi le nyu, Afarise! ne dia nyu nangaka die dia ntundu lu temwelo, la waemu lu tuka.

Luka 12:33

Nyusundja dieli la nyu; nyusha antu diango la ketshi. Nyuyatsheli atapa wahuyala emusu, la eumbelu lʼulungu kahashili, lene ahatusukanaka uvi, lene ahatulanyaka yumumbu.

Luka 12:56

Nyu akanga a lukesu, nyu mbeyaka nimbitela elundji ka kete la ka ulungu, keli ukundi ahanyalimbitela akambu wʼetena kene?

Luka 13:15

Ku Khumadiondjo akûkaluya diui ati: Nyu akanga a lukesu! untu akona lʼatei anyu ahatshungula ngombe kana punda kandi uma lʼelelu, la nkilombola utsha lʼashi lushi lʼekila?

Luka 20:46

Nyewo afundji! Vo watulangaka nkendakenda lʼekutu wʼetali; watulangaka antu mbaemula lu tuka, la mbasha die diuleki ame ta lu temwelo, ndu ahuli wa nemo lu alambu;

Luka 6:24

Keli fono kayayi le nyu, nyu engonyi! ne dia nyu nyambulungulaka esambelu kanyu.

Luka 6:42

Ukundi weyaye mvutela unyaye wati: Unyami, ela nkutundja fumvufumvu yeli lu su diaye, keli weme hendi wima wʼutamba weli lu su diaye? We kanga lukesu, utanyisha wima utamba lu su diaye, ku kuyenyi ololo dia ntundja fumvufumvu yeli lu su dia unyaye.

Joani 13:29

Ne dia Judasi aki la tapa, ku amotshi wakakani vati: Jesu ambuwutela ati: Usumbi diango diahumbasu ne dia dambu, kuyanga dia nbisha asi wula engo kemotshi.

Joani 5:41

Dimi halungula lutumbu uma le antu.

Joani 5:44

Ukundi weyanyu mbetawo nyu wane watuyatumbulaka, wahatuyangaka lutumbu laya uma le Unyashungu ndame?

Joani 7:18

One latuyataka, atuyangaka lutumbu landi, keli one layanga lutumbu la onelakutumi, ndi eko mete; kolo kema lʼutema andi.

Etsha wa Atumami 10:2

Ndi aki untu ololo, akukaka Unyashungu woma, ndi la wa lu luudu landi tshe. Ndi akashaka antu diango efula la ketshi, akalombaka Unyashungu nshi tshe.

Etsha wa Atumami 10:31

Ndi akati ati: Koneliyo, Unyashungu ambuka dombelo diaye. Ndi mbuhoka diango diatuyushanyaka la ketshi.

Etsha wa Atumami 10:4

Ndi akawendi tee, akuki woma; akati ati: Khumadiondjo, nemʼeku? Ondjelo akawutela ati: Dombelo diaye la diango diatuyushanaka la ketshi diambumbela uku euhwelu lu ashu wa Unyashungu.

Etsha wa Atumami 11:29

Ambeki tshe, untu la untu uku wulu andi, wakasanguya dia ntumela anyawo wakaladi la Judiya diango dia mbakimanyia.

Etsha wa Atumami 24:17

Lamʼaketi deku dimotshi, dimi lakayi la diango dia ketshi dia mbisha wudja asu, la dia ndjulambula ulambu.

Etsha wa Atumami 9:36

La Jopa kaki umbeki a umuntu, lukumbu landi Tabita, nkadimula ati: Doroka, kana Lufumbo. Umuntu ako akatshaka akambu wʼololo efula ndu akambu wa ketshi.

Romo 12:8

la one latulakaka antu, lu ulimu andi wʼelakelu. One latukimoka eshasha, ekimo lʼutema otoi. One latukimanyiaka antu, akimanvia lʼutema otoi. One latukaka antu ketshi, awauki ketshi lʼongenongeno.

1 Koreto 13:3

Naka dimi layukaha diango diami tshe dia mbisha akanga a weula mbu ya nde; naka layukimo dimba diami dia dio ntshumbama, keli laha la ngandji, dikambu so kema waho le mi.

Ngalatiya 2:10

Dikambu otoi, vo wakalangi shu mbuho akanga a weula. Dikambu diako mbakamaleki ntsha.

Efeso 4:28

One latuvaka, tavaki. Keli ndi akambi ulimu, atshi akambu wʼololo lʼanya andi, dia ndi ndjala la diango dia mbisha one lahumba.

1 Tesalonika 2:6

Shu kunyanga lutumbu uma le antu, kana uma le nyu, kuyanga uma le akina, keli takeyi nyulela uku atumami wa Kristu.

1 Timote 6:18

dia vo ntshela akina ololo, la dia vo ndjala engonyi wa lu elimu wʼololo, la dia vo ndjala la lukahu, ndu wuki akina ketshi.

Filemona 1:7

Unyasu, dimi lakangenangena efula, lakakikitshama dia ngandji kaye, ne dia etema wʼekilami wambusangana dia dikambu diaye.

Heberu 13:16

Keli tanyuhelaki ntshanela ololo la nkimanyanyiana, ne dia Unyashungu atongenangenaka lʼelambu wa wuhu oso.

1 Petero 4:11

Naka untu atutaka diui, ati uku atandi aui wa Unyashungu; naka untu atukambelaka akina ulimu, atshi la wulu watuwushaka Unyashungu, ne dia Unyashungu atumbwami lu akambu tshe uma le Jesu Kristu. Lutumbu la diulelu wayali le ndi pundju pundʼiu! Ayali osoku!

1 Samuele 15:30

Ku Saulu akûkaluya diui ati: Dimi lakatshi kolo, kakiane lambukosengasenga nti: Onemia la ntundu ka dihangamendi dia wudja ami ndu la ntundu ka Isariyele. Uyali kame la mi ntu, dia dimi ntemola Latuyalaka, Unyashungu aye.