Mateu 6:1 - La Bible en Otetela (Bible K'Ekila) 1991

¹ Nyewo, tanyutshaki akambu anyu wʼololo la ntundu kʼantu dia menama le wo. Ne dia naka nyu nyayutsha osoku, keti nyu hanyuyala la difutu le Shenyu leli lʼulungu.

Mateu 6:1 Iomraidhean Croise

2 Khumi ya Dikanga 10:16

Ndi akawutela ati: Yeti tutshu, utendi saki kami le Latuyalaka. Okone ndi akatshu la ndi lu pusupusu kandi.

2 Khumi ya Dikanga 10:31

Tena tshe, Jehu kumambalaka dia nkendakendaka lʼutema andi tshe lu elembe wa Latuyalaka, Unyashungu wa Isariyele. Ndi kunkadimo uma kolo yakanganyiaka Jeroboama Isariyele.

Esambu 112:9

Ndi atukahaka, atushaka ahumbi. Sambu kandi kʼololo katutshikalaka pundju. Ote andi ayediama la lutumbu.

Ezekiyele 33:31

Vo wayuya le ye uku atuyakaka wudja, ku wayudjase la ntundu kaye. Vo wayulunga aui aye, keli hawuwatsha, ne dia vo weko la ngandji ka lu elomo, ku etema awo weko lu waho awo.

Danyele 4:27

Uma lu dikambu so, khumʼekanga etawo aui ami ane. Ukimo ntsha kolo, utshaki ololo; ukimo ehedia aye, ukaki amenyi fono ketshi. Undu we ayokolamela mpumoka lukulu lʼolo.

Zekariya 13:4

Lushi lako, lamʼayuta amvutshi akambu wahatayi, untu lʼuntu ayutshama sonyi diʼenelo kandi. Vo hawolota akoti wa diosa ntu dia nkesa antu.

Zekariya 7:5

Ututeli antu tshe wa lu kete la elombedi wati: Undi, lamʼakanyakili mbu ya nde, ndu lamʼakanyalelaka lu ngondo ka tanu ndu lu ngondo kʼesambeli, lu deku ne akumi esambeli, lu dikambu diami kanyakilaka?

Mateu 16:27

Ne dia Onʼa untu ayuya lu lutumbu la Shi, nui la andjelo andi, ku ndi ayufuta untu lʼuntu uku akandiatshi.

Mateu 16:6

Jesu akawatela ati: Nyendi ololo! Nyewo edya kʼAfarise la Asaduke.

Mateu 23:13

Keli fono kayayi le nyu, afundji la Afarise, akanga a lukesu! ne dia nyu nyatudihelaka antu lukuki la diulelu dia lʼulungu. Nyu nyame hanyoto loko, ku hanyetawo dia wane walanga mboto woto.

Mateu 23:5

Keli vo watutshaka etsha awo ne dia menama le antu. Vo watuhamiaka tetshi tawo ta dikuhu tufundiami avesa wufundiami elembe. Watokokolaka ehimbu wa ahondo awo.

Mateu 25:40

Khumʼekanga ayakaluya diui ati: Mete kanyutelami ndi: Uku akanyatshela otoi omotshi a wane wuleki tshitshe lʼatei wʼanalingu ane, dimi uku akanyatshela.

Mateu 5:16

Okone usasi anyu ahete la ntundu ka antu, dia vo kaweyi etsha anyu wʼololo, kawutumbuli Shenyu le lʼulungu.

Mateu 5:46

Naka nyu nyatulangaka wane watunyulangaka, nyayuyala la difutu diakona? Ndu elungudi wʼelambu hawututshaka osoku uka?

Mateu 5:48

Okone nyuyali ololo tshe, uku weli Shenyu le lʼulungu ololo tshe.

Mateu 6:16

Lamʼayunyukila mbu ya nde, tanyulingalingaki uku akanga a lukesu. Ne dia vo watulanyaka dundiji diawo dia menama le antu, ati: Mbu ya nde mbukatiwo. Mete kanyutelami ndi: Vo wambulungulaka difutu diawo.

Mateu 6:9

Nyolombaki okone nyati: Shesu le lʼulungu, Lukumbu laye lalemiami.

Mako 8:15

Ndi akakokomiya ati: Nyendi ololo, nyewo edya kʼAfarise ndu edya ka Herode.

Luka 11:35

Okone endi kana usasi mbeli lʼutema aye, aha udjima.

Luka 12:1

Lu unya oso, lamʼakamote antu nunu nunu, edja ndu wakakamanela lʼekulu, Jesu akatatela mvutela ambeki andi ati: Nyewo edya ka Afarise, kako keli lukesu

Luka 12:15

Ku ndi akawatela ati: Nyendi, nyewo okomiya wa diango tshe; ne dia lumu la untu haluyala ne dia efula ka diango dieli la ndi.

Luka 16:15

Jesu akawatela ati: Nyu nyeli antu wayayindja lu ashu wʼantu, keli Unyashungu mbeyaka etema anyu. Diango diambolemiama lʼatei wʼantu diambendjwama lu ashu wa Unyashungu.

Joani 12:43

ne dia vo wakaleki nanga lutumbu lʼuma le antu uleki lʼuma le Unyashungu.

Joani 5:44

Ukundi weyanyu mbetawo nyu wane watuyatumbulaka, wahatuyangaka lutumbu laya uma le Unyashungu ndame?

Etsha wa Atumami 3:12

Lamʼakenyi Petero dikambu so, ndi akambula antu ati: Nyu asi Isariyele, okoko wana wambanyu dia dikambu ne? Okoko wana watendanyu tee okone, uku shu mbokendjikendjisha la wulu asu, kuyanga la ololo asu?

Ngalatiya 6:12

Waku walanga menama ololo lu dimba, wambunyutshutshiya dia nyu mbahema ehekeli, ne dia vo watukusuyama lu dimba dikambu dia utamba a mpeketanya a Kristu.

Euhwelu kʼElembe 24:13

Kukaluya okole andi lamʼayudja unya, dia ndi mbetama lu dihondo diandi la nkotshokola. Ku dikambu so diayuyala ololo la ntundu ka Latuyalaka, Unyashungu aye.

Heberu 11:26

Ndi akakani ati: Lotengo ne dia Kristu lambuleka diango tshe dia lʼEdjibitu ongonyi, ne dia ndi akalungamelaka difutu diayayi.

Heberu 2:1

Okone dieli la su dia ndeka nkana akambu wakatuki, shu tatukangana uma le wo.

Heberu 6:10

Ne dia Unyashungu kema kolo, dia ndi mbuhela ulimu anyu la ngandji kakanyenya antu lu lukamba landi, uku akanyakimanyia ekilami, ndu uku atshanyu edja ndu elo.

2 Joani 1:8

Nyuyalami ololo, nyutukushisha akambu wakatatshi, keli dia nyu nungula difutu tshe.