Mateu 5:3 - La Bible en Otetela (Bible K'Ekila) 1991

³ Wane weli la wula lʼetema, weko la otshoko, ne dia diulelu dia lʼulungu dieli diawo.

Mateu 5:3 Iomraidhean Croise

2 Ekondo 33:12

Lamʼakindi lu pa, ndi akasengasenga Latuyalaka, Unyashungu andi, akayakitshakitsha efula la ntundu ka Unyashungu a washi.

2 Ekondo 33:19

Elombelo kandi la wuhu wakawukela Unyashungu, kolo kandi tshe la uhedia andi, alunga wakandatshi, ekishi ka Ashera la difanelu dia losela diakandatshi ntundu ndi atayakitshakitsha, wambufundama lu Ekondo wʼAmenyi wʼakambu wahatayi.

2 Ekondo 33:23

Ndi kundjakitshakitsha la ntundu ka Latuyalaka, uku akayakitshakitsha Manase, shi, ne dia ndi akatatetemalaka ndjaete lʼunungu.

2 Ekondo 34:27

Ne dia utema aye akalembe ndu we akayakitshakitsha la ntundu kami, dimi Latuyalaka, lamʼakayuki aui wakamati lu dikambu dia dihuli ne, ndu le antu wudjashi loko, dia vo ndjala engo kʼelanyelu la ka mananu; ndu ne dia we akatshatsha ahondo aye, akaleli la ntundu kami, osoku dimi lambukukela, mbata Latuyalaka.

2 Ekondo 7:14

naka wudja ami watetamaka lukumbu lami wayuyakitshakitsha, wayolomba, wayuyanga elundji kami, ndu wayukadimo uma lu mbuka yawo ya kolo, ku dimi layuwaukela uma lʼulungu. Dimi layuwadimanyia kolo kawo, ndu layokonoya kete yawo.

Jobo 42:6

Diako mbamumuyamia, Mbamumuyatshumuya ludjashi lu ditshu la lʼutuku.

Esambu 1:1

Untu lahayeli kanyi yʼantu wa kolo, Lahemala lu mbuka kʼatshi wa kolo, Ndu lahadjase lʼului wʼamonyodi, eli la otshoko.

Esambu 112:1

Nyandulaki Latuyalaka! Untu latukaka Latuyalaka woma atuyalaka la otshoko. Ndi katongenangenaka utamanya lʼelembe andi.

Esambu 128:1

One tshe latukaka Latuyalaka woma, Latokendakendaka lu mbuka yandi, eli la otshoko.

Esambu 146:5

One latukimanyiamaka le Unyashungu a Jakoba, eko la oneenongeno. Ndi atukitshaka elungamelu kandi le Latuyalaka, Unyashungu andi,

Esambu 2:12

Nyonone ona pami, ndi atukumala kele, Ku nyu nanyema lu mbuka kanyu. Kele kandi kayufulanela esadi. Wane tshe watekamaka le ndi, wayongenangenaka.

Esambu 34:18

Latuyalaka eko lasuki la wane weli la etema wambate. Ndi atushimbelaka waku weli la etema wa ndjakitshakitsha.

Esambu 41:1

One latukanelaka usi wula eli la otshoko. Latuyalaka ayutshungula lushi lʼasui.

Esambu 51:17

Elambu watongenangenaka Unyashungu well sulu diambate. Unyashungu li, we hatuni sulu diambate kana utema wa ndjakitshakitsha.

Esambu 84:12

Latuyalaka, Kanga lulimbilimbi li, Untu tshe latukekamaka eli la ongenongeno!

Tukedi 16:19

Ndjala la ndjakitshakitsha kame lʼului wʼasi wula, Ambuleka nkahana la kanga utaku diango dia lohotola ololo.

Tukedi 29:23

Utaku wʼuntu atukitshakitshaka. Keli kanga ndjakitshakitsha lʼutema, atutumbwamaka.

Tukedi 8:32

Kakiane anʼami, nyumbukeli, Ne dia wane watulamaka ditshelu diami, weli la ongenongeno.

Isaya 30:18

Okone Latuyalaka atulangaka nyuhumuya lukulu lʼolo, Ndu atukumbulaka nyuka ketshi, Ne dia Latuyalaka keli Unyashungu a sambu kʼololo. Waku tshe watulungamelaka le ndi weli la otshoko,

Isaya 57:15

Ne dia KhumʼUlungu, kanga edjaselu ka pundju Ndu kanga lukumbu lʼekila, kata ati: Dimi layudjase ladiku lu dihuli diʼekila, Kame la kanga utema wambate ndu wa ndjakitshakitsha, Dia mbulula lumu la kanga ndjakitshakitsha La nkikitsha kanga utema wambate.

Isaya 61:1

Nyuma ka Khumadiondjo, Latuyalaka keli la mi, Ne dia Latuyalaka akankiti iso Dia dimi nsambisha amenyi fono lukumu lʼololo. Ndi akantumi dia dimi nkonoya akanga wʼetema wambate, Dia mvutela fumbi dia vo ndjala la ndjadjasela, La dia mvutela asi lukanu dia vo ntshungo;

Isaya 66:2

Lunya lami mbakatungi diango ne tshe. Osoku diami mbedio dio tshe, mbata Latuyalaka. Enda, dimi layediya ashu ami Utsha le one latusuwaka ndu leli lʼutema ambate, Utsha le one latukaka diui diami woma.

Mika 6:8

We untu, ndi akakenya kene keli ololo, Kakona katuyanga Latuyalaka uma le ye? Paka dia ntsha akambu wʼololo, dia nanga ketshi, Ndu dia nkendakendaka la ndjakitshakitsha kame la Unyashungu aye?

Mateu 11:25

Lʼetena kako, Jesu akati ati: Dimi lambukuka lusaka, we Papa, Uwandiji wʼulungu la kete, ne dia we akashe akambu ane le akanga a yimba la ewu, ku we ambuwashula le ana wʼashashi.

Mateu 11:6

Untu tshe lahatani dikambu dia mbutakanya le mi, eko la otshoko.

Mateu 13:16

Keli ashu anyu weko la otshoko, ne dia vo menaka; ndu atui anyu, ne dia vo mbukaka.

Mateu 19:14

Keli Jesu akati ati: Nyete tokendiakendia wayi le mi, tanyasikeki, ne dia diulelu dia lʼulungu dieli dia antu uku vo.

Mateu 24:46

Lamʼayuya khumendi, lamʼayundutana atsha osoku, ukambi oso ayuyala la otshoko.

Mateu 25:34

Ku Khumʼekanga ayutela wane weli lu lunya landi la pami ati: Nyuyi, nyu etshokwami wa Papa, nyukati diulelu diakawanyolongoswela umaka etatelu kʼandja,

Mateu 3:2

Nyukadimuli etema, ne dia diulelu dia lʼulungu diaya suki.

Mateu 8:11

Dimi lambunyutela ndi: Antu efula wayuya uma lʼehutwelu ndu uma lʼedjelu ka unya, wayudjase la Abarahama, la Isaka, la Jakoba lu diulelu dia lʼulungu.

Mako 10:14

Lamʼakenyi Jesu dikambu so, ndi akuki kele; akawatela ati: Nyete tokendakenda wayi le mi, tanyasikeki, ne dia diulelu dia Unyashungu dieli dia antu uku vo.

Luka 11:28

Keli ndi akati ati: Mete, wane watuhukamaka diui dia Unyashungu, la watudikitanyiaka, mbeli la otshoko!

Luka 18:14

Dimi lambunyutela nti: Untu oso akatshu lakandi uyindjami ndeka ukina; ne dia untu tshe layambiya, ayukitshakitshama; keli one layakitshakitsha, ayumbiyama.

Luka 22:29

Dimi lambunyusha diulelu uku akambisha Papa,

Luka 22:30

dia nyu nde la no lu mesa ami lu diulelu diami. Nyu nyayudjase lu kiti ya diulelu, nyayulumbuya wedja dikumi la ehendi wa Isariyele.

Luka 4:18

Nyuma ka Khumadiondjo kambumbahema, Ne dia ndi akankidia dia dimi nsambisha akanga a weula lukumu lʼololo. Ndi akantumi dia ntutela wane wambundama dikambu dia etshungwelu, Ndu akanga a tutshungu dia esenelo, La dia ntshungula wane wambusuyama,

Joani 20:29

Jesu akawutela ati: We ambomena, mbambuyetawo. Wane wahatenyi, ku wambetawo, weko la otshoko.

Euhwelu kʼElembe 8:2

Nyuho mbuka tshe kakanyolombola Latuyalaka, Unyashungu anyu, deku akumi anei ne lʼusui wa shenga, dia nyukitshakitsha la nyedika, dia mbeya uku aki lu etema anyu, kana nyu nyatulamaka elembe andi kana kema.

Jakoba 1:10

ndu kanga ongonyi angenengene lamʼukitshakitshawo, ne dia ndi ayushisho uku dembo diʼadiyu.

Jakoba 1:12

Untu lakikitala lʼehimba eko la otshoko, ne dia lamʼayunduleka ehimba wulu, ndi ayulungula dembo dia kusu dia lumu, diakalaki Khumadiondjo wane wulanga.

Jakoba 2:5

Anyami wa ngandji, nyuhukami. Unyashungu konsonola akanga a weula la kete dia ndi mbangonya lu mbetawo, la dia vo ndjala ekito wa diulelu diakandalaki wane wulanga uka?

Enyelo 19:9

Ndi akamvutela ati: Ufundi wati: Wane waketama lu dambu dia tshuki dia Ona-Okoko, weko la otshoko. Ku ndi akamvutela ati: Aui wa mete wa Unyashungu ane.

Enyelo 22:14

Wane wakotsha ekutu awo, dia vo ndjala la wulu wa ndja lʼutamba a lumu, la dia mboto lu asuku wʼusumba weko la otshoko.

Enyelo 3:17

Ne dia we kata wati: Kanga ongonyi kemi, lambukundja ukundji, hahumbi nduku engo. We heyi wati: Kanga lunyangu keye, ndu okei ndu wula, ndu tshungu, ndu utakataka.