Mateu 5:10 - La Bible en Otetela (Bible K'Ekila) 1991

¹⁰ Wane wambusuyama dia akambu wʼololo, weko la otshoko, ne dia diulelu dia lʼulungu dieli diawo.

Mateu 5:10 Iomraidhean Croise

Esambu 37:12

Untu a kolo atusanguyaka dia ntshela untu ololo kolo, Atokeketanyiaka anyu.

Isaya 66:5

Nyu wane watukaka Latuyalaka 3 woma, Nyulungi diui diandi. Nyulungi okone wati anengenyu, Wane watunyuhetshaka Ndu watunyusukulaka ne dia lukumbu lami, vati: Latuyalaka atumbwami, Ku shu tayena ongenongeno anyu! Keli vo wayutshama sonyi.

Mateu 10:23

Lamʼayuwunyusuya lʼusumba omotshi, kanyulawo lʼusumba nkina. Mete kanyutelami ndi: La ntundu nyatashidiya nkindula lu esumba tshe wa lu Isamyele, Onʼa untu ayuya.

Mateu 19:14

Keli Jesu akati ati: Nyete tokendiakendia wayi le mi, tanyasikeki, ne dia diulelu dia lʼulungu dieli dia antu uku vo.

Mateu 25:34

Ku Khumʼekanga ayutela wane weli lu lunya landi la pami ati: Nyuyi, nyu etshokwami wa Papa, nyukati diulelu diakawanyolongoswela umaka etatelu kʼandja,

Mateu 5:3

Wane weli la wula lʼetema, weko la otshoko, ne dia diulelu dia lʼulungu dieli diawo.

Mako 10:14

Lamʼakenyi Jesu dikambu so, ndi akuki kele; akawatela ati: Nyete tokendakenda wayi le mi, tanyasikeki, ne dia diulelu dia Unyashungu dieli dia antu uku vo.

Mako 10:30

lahulungula kakiane lʼetena kene: mvudu, anangu, akadiyo, wanyangu, ana, ndu dikambo, tena lukama, kame lʼasui; ku lʼetena kayayi, lumu la pundju.

Luka 21:12

Keli la ntundu ka akambu aso tshe watayi, vo wayunyunda, wayunyusuya, wayunyukimo lu temwelo la lu mvudu ya kanu. Vo wayunyela la ntundu ka khumi ya dikanga la embuledi ne dia lukumbu lami.

Luka 22:29

Dimi lambunyusha diulelu uku akambisha Papa,

Luka 6:20

Ku Jesu akedia ashu le ambeki andi, akati ati: Nyu akanga a weula nyeli la otshoko, ne dia diulelu dia Unyashungu dieko dianyu.

Luka 6:22

Lamʼayunyuhetsha antu, lamʼayuwunyunya uma lʼului awo, lamʼayuwunyuhangwela, ndu lamʼayuwutundja kumbu yanyu vati: Kolo, lu dikambu dia Onʼa untu, nyeko la otshoko.

Joani 15:20

Nyuho diui diakamanyutela nti: Ukambi haleki uwandji andi. Naka vo wakansuya, wayunyusuya ndu nyu. Naka vo wakakitanyia diui diami, wayukitanyia ndu diui dianyu.

Etsha wa Atumami 5:40

Vo waketawo diui diandi. Lamʼakaweti atumami, vo wakakomola; wakakokomiya vati: lanyutaki diui lu lukumbu la Jesu, ku wakakimo.

Etsha wa Atumami 8:1

Saulu aketawo dia vo mbudiaka. Lushi lako wakatatela nsuya ekelizia wa la Jerusalema wulu. Vo wakahandjwama lu beke tshe dia Judiya la Samariya, tshikima atumami mbakatshikala.

2 Koreto 4:17

Ne dia asui asu wa tshitshe wa kakiane wambutamanya ntutungela lutumbu la wuki pundju.

Filipi 1:28

Tanyutshanyaki woma uma le atunyi. Dikambu so dieko le wo, djimbitelu yʼesambishelu; keli le nyu, djimbitelu ya panda, keli uma le Unyashungu.

2 Timote 2:12

Naka shu tayutetemala, Ku shu tayulela la ndi. Naka tayuwanguna, Ndu ndi ayutanguna.

2 Timote 3:11

ndu ehenyohenyo ami, asui ami, la akambu wakamundi lʼAtiyoka, lʼlkoniya ndu la Lustera; dimi lakayala la wolamu lʼasui efula. Khumadiondjo akantshungula uma lu akambu aso tshe.

Jakoba 1:12

Untu lakikitala lʼehimba eko la otshoko, ne dia lamʼayunduleka ehimba wulu, ndi ayulungula dembo dia kusu dia lumu, diakalaki Khumadiondjo wane wulanga.

Jakoba 5:11

Nyulungi, shu mvutaka dia antu wakayakikitsha shati: Weko la otshoko. Nyu nyakuki lukumu la etetemalu ka Jobo, nyakenyi ekumelu ka Khumadiondjo, ndu uku uludi Khumadiondjo la memakana la ketshi.

1 Joani 3:12

Tanyuyalaki uku Kena, kanga kolo, lakadiaki onangu. Ukundi akandudiaki? Ne dia akambu andi waki kolo, la wa onangu waki ololo.

Enyelo 2:10

Tukaki akambu wayangaye nsuwa woma. Ulungi, uhimbanyi uyanga mbidja amotshi anyu lu lukanu dia nyuhimba, keli nyu nyayusuwa nshi dikumi. Utetemali edja ndu lu nyoi, ku dimi layukusha dembo dia kusu dia lumu.