Mateu 4:8 - La Bible en Otetela (Bible K'Ekila) 1991

⁸ Uhimbanyi akatshu la ndi ntu lʼote wʼukungu, akawenya waulelu tshe wa lʼandja ndu lutumbu lawo.

Mateu 4:8 Iomraidhean Croise

Esta 1:4

Ndi akawaenya engonyi la lutumbu la diulelu diandi, nemo la wulu andi wa mamba nshi efula, nshi lukama la akumi enanei.

Esta 5:11

Hamana akasanyia wuki wʼongonyi andi, efula ka anʼandi, la akambu tshe wakutshela khumʼekanga dia mbete wuki, ndu uku akandawumbiya ladiku di ewandji la ekambi wa khumʼekanga.

Danyele 4:30

Ndi akatundja diui, akati ati: Aha Babilona ka wuki kene, kakamahiki dia dihuli dia khumʼekanga mbidjase, uma lu wulu wa khudu kami, ndu ne dia lutumbu la wuki ami?

Walelu 23:3

Balama akatela Balaka ati: Emala lʼumamu wʼulambu aye wa lutshumba, dimi tukutsho yema. Undu, Latuyalaka ayuya dia ndjuhumana la mi. Ku kene tshe kayundomenya, kayumukutela. Okone ndi akambela lu dihuli dia ladiku dia hwe.

Mateu 16:26

Naka untu ayukundja andja tshe, la nshisha lumu landi, waho andi lendiʼewo? Engo kakona kayengonya untu la lumu landi?

Mateu 4:5

Ku uhimbanyi akatshu la ndi lu ngelu kʼekila, akûkitsha lʼote wʼetemwelo.

Joani 5:20

Ne dia Shi atulangaka Ona, ku ndi atuwenyaka akambu tshe watshandi ndame. Ndi ayuwenya akambu wuleki ane waki, ne dia nyu mamba.

1 Petero 1:24

Ne dia diui ne dieko ati: Antu tshe weli uku adiyu, Lutumbu lawo tshe leli uku dembo diʼadiyu. Adiyu watolengelaka, alembo watokokaka,

Enyelo 11:15

Ondjelo wʼesambeli akadi; ku aui wa wulu wakukema lʼulungu, wakati vati: Diulelu dia la kete nye diambuyala dia Khumesu, la dia Kristu kandi. Ndi ayulela pundju pundju.