Mateu 4:16 - La Bible en Otetela (Bible K'Ekila) 1991

¹⁶ Antu wakadjaseka lu udjima Wakenyi usasi a wuki. Usasi wakahetela antu wakadjaseka Lu dihuli dia didjidji dia nyoi.

Mateu 4:16 Iomraidhean Croise

Jobo 10:22

Kete ya udjima a tshududu, Kete ya dedi dia nyoi, la ufutanu, Lenʼeli usasi udjima utu.

Jobo 3:5

Udjima la dedi dia nyoi walundi, Wangi walukumbi! La kene tshe kateteka yanyi utshu kalukia woma!

Jobo 34:22

Nduku udjima kuyanga didjidji dia nyoi dieko, Diukuki atshi wa kolo mbishama,

Esambu 44:19

Dia we tutatshatshaki lu ahuli watetamaka mbulu, La ntukumba la udjima a nyoi.

Isaya 9:1

Keli okei hawutshikala pundju lu kete yakasuyama wulu. Lu nshi ya ntundu Unyashungu akakumbi kete ya Zebuluna la kete ya Nafetali la sonyi. Keli lu nshi yayayi, ndi ayukumba kete ya lʼumamu wʼuduwa, ya la wedi wa Jorodana la lutumbu, ee, Ngalili ka wedja.

Isaya 9:2

Wudja wakakendakendaka lʼudjima, Wakenyi usasi a wuki. Usasi ambohetela waku wakadjaseka lu kete, lu didjidji dia nyoi.

Jeremiya 13:16

Nyutumbuli Latuyalaka, Unyashungu anyu, ntundu ndi atela udjima; Ntundu ekulu anyu watatakana lu ekungu wa udjima; Ntundu ndi atakadimula usasi watunyuyangaka didjidji dia nyoi, La mbete udjima wa tshududu.

Amose 5:8

Nyuyangi one lakatungi “Ana wʼUlui”, “Tshula la Fo la Nyaira” One latukadimulaka dedi dia nyoi pindju, Latukadimulaka yanyi utshu, Latetaka ashi ama lʼashi a wuki, Ndu latatshululaka ladiku dia kete, Latuyalaka keli lukumbu landi.

Mika 7:8

We utunyi ami, tongenangenaki lu dikambu diami. Lamʼambumoka, dimi layeto. Lamʼambumudjase lu udjima, Latuyalaka ayuyali usasi le mi.

Luka 2:32

Usasi wa mpetela asi wedja, Lu lutumbu la wudja aye Isariyele.