Mateu 4:10 - La Bible en Otetela (Bible K'Ekila) 1991

¹⁰ Ku Jesu akawutela ati: Satana, mo! ne dia akafundiama ati: Kotemolaki Khumadiondjo, Unyashungu aye, Kûkambelaki ndiame ulimu.

Mateu 4:10 Iomraidhean Croise

1 Ekondo 21:1

Satana akunela dia ndosha Isariyele akatshutshiya Davidi dia mbala asi Isariyele.

Jobo 1:12

Latuyalaka akakaluya Satana diui ati: Enda, diango diandi tshe ne; dimi lambukukimweladio. Dikambu otoi, tuwaheki ndame lunya. Ku Satana akatumbi uma la ntundu ka Latuyalaka.

Jobo 1:6

Lamʼakatshu ana wa Unyashungu dia ntemala la ntundu ka Latuyalaka, ndu Satana akatshu lʼului awo.

Jobo 2:1

Lushi lukina lamʼakatshu ana wa Unyashungu dia ntemala la ntundu ka Latuyalaka, ndu Satana akatshu lʼului awo dia ntemala ndu ndi la ntundu ka Latuyalaka.

Esambu 109:6

Etawo untu a kolo mbulela utunyi ami, Ndu osongwedi memala lu lunya landi la pami!

Etumbelu 23:25

Kanyukambelaki Latuyalaka, Unyashungu anyu, ulimu, ku dimi layotshokolaka ma dianyu la ashi anyu. Dimi layunya elandu uma lʼatei anyu.

Isaya 30:22

Ku nyu nyayulanya dikishi dianyu diakanyombe la fesa la diakanyombe la paunyi. Nyu nyayudianganya betshi diako uku diango dia mindu, nyayuta nyati: Nyumo lane.

Mateu 16:23

Keli ndi akasikiso, akatela Petero ati: Satana, utshimbi lʼokongo ami! Utamba a ntakanyami mbeye, ne dia we kema lu leke la Unyashungu paka lu leke lʼantu.

Mako 1:13

Ndi akatshikala lʼusui nshi akumi anei ahimbama le Satana. Ndi aki kame la nyama ya lʼadiyu. Andjelo wakukimanyiaka.

Luka 10:18

Ku ndi akawatela ati: Dimi lakenyi Satana ako uma lʼulungu uku dingadimu.

Luka 11:18

Naka ndu Satana ambatana, ukundi ayushikikala diulelu diandi? Ne dia nyu nyambuta nyati: La wulu wa Belezebulu mbatundutundjaka edienge.

Luka 13:16

Umuntu one, kanula yʼAbarahama, lakakeleka Satana deku ne dikumi la enanei, taki ololo ndi nkelekwama uma lu dimama ne lushi lʼekila?

Luka 22:3

Satana akoto lʼutema a Judasi, letawo vati: Isakariyote, omotshi a lu dikumi la ahendi.

Luka 22:31

Simona, Simona, ulungi, Satana akalombe dia nkosa, dia nkuyungula uku epunga,

Luka 4:8

Jesu akûkaluya diui ati: Ambufundama ati: Otemole Khumadiondjo, Unyashungu aye, ukambeli ndame ulimu.

Joani 13:27

Lamʼakandose ukama a ma, Satana akoto lʼutema andi. Ku Jesu akawuti la ati: Utshi dikambu diatshaye esadi.

Etsha wa Atumami 26:18

dia we nsenya ashu awo, dia vo nkadimo uma lu udjima utsha lu usasi, la uma lu wulu a Satana utsha le Unyashungu; dia vo nungula edimanyelu ka kolo la ukito lʼatei a wane wambukidiama uma lu mbetawo ka dikambu diami.

Etsha wa Atumami 5:3

Keli Petero akawutela ati: Ananiya, ukundi ambulula uhimbanyi lʼutema aye, dia we nkesa Nyuma kʼOlolo, la dia we mbishe etenyi kʼushinga wʼekambo?

1 Koreto 5:5

dia nyu nkimo untu oso le Satana dia ndi nanya dimba diandi, ne dia utema andi ashimbameli lu lushi la Khumadiondjo Jesu.

1 Koreto 7:5

Tanyusehianyaki, tshikima nyambulakana etenyi, dia nyu ndjakimo lu dombelo, ku nyayuyala kame ntu; Satana atukunyuhimba ne dia wodu anyu.

2 Koreto 11:14

Oso kema dikambu dia mamba, ne dia ndu Satana katukadimoka uku ondjelo a yanyi.

2 Koreto 12:7

Ne dia waenyelo a waki utamanya le mi, la dia dimi ntukuleka ndjatumbula, ku wakambisha engo uku tende lu dimba diami, dikendji dia Satana, ne dia mpenyahenyami, dia dimi ntukuleka ndjambiya.

2 Koreto 2:11

ne dia Satana atukutuleka wulu: shu mbeyaka ditshelu diandi.

Euhwelu kʼElembe 10:20

Kanyukaki Latuyalaka, Unyashungu anyu, woma, kanyukambelaki ulimu. Kanyumamemi ndu kanyutshibaki lukumbu landi.

Jakoba 4:7

Okone nyukitanyiaki aui wa Unyashungu. Nyosemaneli le uhimbanyi, ku ndi ayunyulawo.

Jashua 24:14

Okone nyukaki Latuyalaka woma. Nyukambelaki ulimu lu mete ndu la kolamelu. Nyunya ditemolatemola diakatemolaka washenyu la wedi wa Efarate, ndu lʼEdjibitu. Nyukambelaki Latuyalaka ulimu.

1 Petero 5:9

Nyutetemali mbutuna lu mbetawo kanyu; nyeyi nyati: Anyanyu wa la kete watusuwaka pupu.

1 Samuele 7:3

Samuele akatela khumbu tshe ka Isariyele ati: Naka la etema anyu tshe mbamunyukalula le Latuyalaka, nyunya ditemolatemola diʼasi wedja la WaAshetarota weli lʼatei anyu. Nyediya etema anyu le Latuyalaka, nyotemolaki ndi ndame. Ku ndi ayunyutshungula uma lʼanya wʼasi Filistiya.