Mateu 4:1 - La Bible en Otetela (Bible K'Ekila) 1991

¹ Nyuma kʼOlolo akalombola Jesu lʼusui dia ndi ntuhimbama le uhibanyi

Mateu 4:1 Iomraidhean Croise

Etatelu 3:15

Dimi layudja luhetshu lʼasaye la umuntu, ndu lʼasa tukanula taye la tukanula tandi. Ndi ayukokomolaka lʼote, ku we ayûlumataka lu etshindji.

1 Khumi ya Dikanga 18:12

Lamʼayumumo uma la le ye, Nyuma ka Latuyalaka ayukemba lu dihuli diahameyi. Okone lamʼayumututela Ahaba, ku ndi hakutanyi, ndi ayundjaka. Keli dimi ukambi aye, latukaka Latuyalaka woma umaka nshi yami ya dikenda.

2 Khumi ya Dikanga 2:16

Vo wakawutela vati: Enda, apami akumi atanu wa wulu weko lʼatei asu, shu ekambi aye. Shu tambukosengasenga shati: Vo wayutsho dia ntuyanga uwandji aye, kana Nyuma ka Latuyalaka akawembi, akatuwukadja lʼukungu omotshi kana lʼukidi omotshi. Keli ndi akakaluya diui ati: Kema, tanyatumaki.

Ezekiyele 11:1

Nyuma ka Unyashungu akamunyia, akambela uya lu suku dia lu leke lʼehutwelu ka unya dia luudu la Latuyalaka, ntani ku apami akumi ahendi la atanu ane wemadi la suku. Jazaniya, onʼa Azura, la Pelatiya, onʼa Benaya, ewandji wa wedja waki lʼatei awo.

Ezekiyele 11:24

Nyuma ka Unyashungu akamunyia, akamembe lu enelo utsha la Kaladiya le afumbi, ku enelo kakamenyi kakamo uma le mi.

Ezekiyele 3:12

Nyuma ka Unyashungu akambedia, ku lamʼakunela lutumbu la Latuyalaka uma lu dihuli dialo, dimi lakuki lundju la wulu la kete yadidima lʼokongo ami.

Ezekiyele 3:14

Ku Nyuma ka Unyashungu akambedia, akamembe. Dimi lakatshu la wutshu ndu la kele lʼutema. Lunya la Latuyalaka lakambahema wulu.

Ezekiyele 40:2

Lu waenelo wa Unyashungu, mbakandambela lu kete ya Isariyele, mbakandambidjasha lʼote wʼukungu wʼutali, lene aki efanelu kʼusumba lu welelo ami.

Ezekiyele 43:5

Nyuma akamembe, akambela lu seke dia lʼetei, menyi ku lutumbu la Latuyalaka lone lakaludi lu etemwelo.

Ezekiyele 8:3

Ku ndi akasimbula lunya, akankimela lu divu, ku Nyuma akambedia lʼasa kete la ulungu. Ndi akambela lu waenelo wa Unyashungu uya la Jerusalema, uya lu suku diʼeotwelo ka seke dia lʼatei diʼeledi utsha lu leke la ngelʼa kushi, lene aki efanelu ka kandjema kako katutungaka kandjema.

Joani 14:30

Dimi handjunyutela akambu efula ntu, ne dia umbuledi a kete nye eko lu ndjayi. Ndi kema la ema lʼutema ami.

Etsha wa Atumami 8:39

Lamʼakawatumbi uma lʼashi, Nyuma ka Khumadiondjo akatole Filipo amʼakina. Kanga olenga kumbena ntu, ne dia ndi akatshu, atangenangena.

Romo 8:14

Ne dia wane tshe watolombwamaka le Nyuma ka Unyashungu mbeli ana wa Unyashungu.

Heberu 2:18

Ne dia ndame akasuyama ndu akahimbama, mbeyandi nkimanyia wane wambuhimbama.

Jakoba 1:14

Keli untu lʼuntu atuhimbamaka lamʼakutwamandi ndu lamʼahimbamandi la saki kandi ndame ka kolo.