Mateu 3:12 - La Bible en Otetela (Bible K'Ekila) 1991

¹² Ndi eko la ledi lu lunya landi. Ndi ayedia efufwelu kandi ololo: ayusanganya epunga andi lu dipenge, Keli ndi ayutshumba puhudi lu dja yahadimala.

Mateu 3:12 Iomraidhean Croise

Jobo 21:18

Tena dingana diambuwuyala uku nengese yatembaka lopepe, Kana uku puhudi yatembaka punganendji?

Esambu 1:4

Keli antu wa kolo hawuyala osoku. Vo weli uku fufudi yatembaka lopepe.

Esambu 35:5

Vo wayali uku fufudi yatembamaka la lopepe, Ku ondjelo wa Latuyalaka awatshanya!

Isaya 1:31

Kanga wulu ayuyala uku aaiyu wambuma La ulimu andi uku fuki ya dja. Vo ahendi wayulungula kame, Nduku untu layeya mbadima.

Isaya 17:13

Wedja wambudikita uku atudikitaka ashi a waki, Keli ndi ayahangwela ku vo wayulawo etali, Uku puhudi yatembamaka la lopepe lʼekungu, Uku ditshu diatembamaka la lopepe la wulu.

Isaya 27:4

Dimi kema la kele. Keli naka adungu la atende wayutumba dia ndjondosha, Dimi layunela dia ndo la wo, Layatshumba, vo tshe kame.

Isaya 28:28

Vo watetshetshaka etshimbi wa pusupusu La falasa la diku diʼepunga ne dia mbesusula, Keli epunga hawutulanaka, Ne dia vo hawututetemalaka mbesusula nshi tshe.

Isaya 30:24

Ku ngombe la punda yatukambaka dikambo, yayolekaka adiyu wakawahimbula, wakawumia ololo, wosohanyimi la leho.

Isaya 41:16

We ayafufula, ku lopepe layuwaemba; La punganendji kayadianganya. Ku we ayongenangenela Latuyalaka! Ayuyatumbula lu dikambu dia lʼEkila lʼlsariyele.

Isaya 5:24

Uku atutshumbaka shasi ya dja nengese, Ndu uku atutshumbaka lumbi la dja adiyu wambuma, Okone edu awo wayohonda, ndu alembo awo wayudiangana uku ditshu; Ne dia vo wakatuni elembe wa Latuyalaka Kanga lulimbilimbi, Ndu wakonyala diui dia lʼEkila lʼIsariyele.

Isaya 66:24

Lamʼayuwutumbaka, vo wayenaka edu wʼantu wakantombokwela, ne dia kusu hayushilaki laawo, la dja yatshumba edu hayudimalaki. Ku edu ako wayuyala wononyi le antu tshe.

Jeremiya 15:7

Dimi lakafufula ia ledi la asuku wa la kete; Dimi lakavusha anʼawo, lakalanya wudja ami, Keli vo kunkadimo uma lu ditshelu diawo.

Jeremiya 17:27

Keli naka nyu hanyumbukela dia nkidia lushi la mumuya, diaha memba nduku wutshu, kuyanga mboto lu asuku wa Jerusalema lushi la mumuya, dimi layohetsha dja lu asuku wʼusumba. Ku yo yayutshumba mvudu ya khumʼekanga ya la Jerusalema; yo hayudimala.

Jeremiya 4:11

Lu etena keso, wayutela wudja one la Jerusalema vati: Luhaladi la yanyi layuya uma lʼahuli wa ladiku wa lʼusui wa shenga uya lʼusumba wa wudja ami, aha dia mpuhula kana mbete epunga pudipudi.

Jeremiya 51:2

Dimi layutuma afufudi Utsha la Babilona dia vo ntufufula. Vo wayete kete yawo hwe, Wayudinga lu beke tshe lushi lawo lʼelanyelu.

Jeremiya 7:20

Diako mbata Khumadiondjo Latuyalaka okone ati: Nyulungi, kele kami la ududu ami wayutshulo lu dihuli ne, ladiku diʼantu, ladiku dia nyama, ladiku diʼetamba wa lu dikambo, ndu ladiku diʼelua wa la kete. To kayoheta, haweyi nkidima.

Hosea 13:3

Diako mbayuwuyala uku dingi dia pindju, Uku lopopo latumoka esadi Uku fufudi yatembaka lopepe uma lu dihuli diʼesuswelu, Uku dinga diatutumbaka uma lu kumbi ka luudu.

Amose 9:9

Enda, dimi layuta diui, Layuyunga khumbu ka Isariyele lʼatei a wedja tshe, Uku atuwuyungaka ahoho lu djungo, Ku aha nduku lotongo nko la kete.

Malaki 4:1

Nyulungi, lushi luyayi! Lo layoheta uku dja lu khuka, ku akanga wʼutaku tshe, la wane tshe watutshaka kolo, wayuyala adiyu. Ku lushi lako layayi, layuwatshumba, hutshikala udiu kuyanga lutahi, mbata Latuyalaka Kanga lulimbilimbi.

Mateu 13:30

Nyete ehendi kawo wuli kame, edja ndu lu dinela. Ku lu nshi ya dinela, dimi layutela amunyi ndi: Nyusanganya kangaka ntundu, nyuyikeleki lu dikandia ne dia ndijitshumba, keli nyusanganya epunga lu dipenge diami.

Mateu 13:41

Onʼa untu ayutuma andjelo andi, wayosonola diango tshe diatakanya antu la tshe watutshaka kolo uma lu diulelu diandi,

Mateu 13:42

ayuwakadja lu khuka ka dja. Delu diayuyala leko ndu ekeketanyelu ka anyu.

Mateu 13:43

Ku antu wʼololo wayoheta uku unya lu diulelu dia Shewo. One leli la atui, uki.

Luka 3:16

Joani akûkaluya diui vo tshe ati: Mete, dimi lambunyubatiza la ashi, keli one layayi ambundeka wulu. Dimi kema ololo wukukimi nkelekula okodi a sabata yandi. Ndi ayunyubatiza la Nyuma kʼOlolo la dja.

Luka 3:17

Ledi leko lu lunya landi. Ndi ayedia efufwelu kandi, ayusanganya epunga lu dipenge. Keli ndi ayutshumba puhudi lu dja yahadimala.

Joani 15:2

Lutahi lami tshe lahato elua, ndi ayulunya. Lutahi tshe latotokaka elua, ndi ayulolongosola dia lo ndeka nto elua efula.